Ngalate 6
6
Kabira olemi ba ake bila baamo
1Andumu, aka mbuuru mi va nca maami maabi, be ba lenyima Oduduma Njyami, le yavuruga bila nde yila njila yeemve bila kadusu. Lesa oyeri ŋa be! Mi elyele mbuuru ŋa mbuuru kanca be: be ba babuna kamiga ma kasa maabi, be se. 2Be leyamba ake bila baamo ma kabira olemi: mabwa be lenyima Ngiri e Kirisite. 3Aka mbuuru acimiŋa ni vuli abuga ŋaa ndi nde kalogo ka oca, nde akura nde-ankulu. 4Mbuuru ŋa mbuuru ave kesi bila oyeri maasa nde. Aka nde abazaga mpyeme ma kaka ŋa kase ma nde, nde kabaga lo ma nde otu, eli ba ka kese abuga ŋi. 5Kabila mbuuru ŋa mbuuru aje kabira omfumu o ndemankulu.
6Mbuuru eli ba ayizigi nde nca mbari ave kabi kabaga ka nde bila mbuuru wo mpa nde eyizigi bya.
7Be lebizi ka kura: ba kasebe Njyami ŋi. Mbuuru ŋa mbuuru aje katolo ba kuni nde. 8Aka mbuuru akuna ma kasa ajya maabi a nde ove, nde aje katolo leku. Ŋaa aka mbuuru kakuna ma jii Oduduma Cece, nde aje kasa nde katolo omwo ba obu-obu. 9Lesa leve eli bizi a be leka mono obi ŋi. Ee, aka bizi a be leje tii ncwo, bizi a be leje katolo ma ntini yeemve. 10Ŋa mabwa, ma antini ma siila bizi a be, lesala ma kabaga kaso, vulivuli ma andumu a bizi a be nca lila.
Eyieze embiza ŋa obigi
11Yiga mi eteende be ma kwogo ka mimankulu, mva kamono be ekanda beenini. 12Baari baaciniŋa be ma kasa ncazi, baari ba baasaga kamvyere ove o bo ka miizi ba abalaga. Ŋi bo jaa lemo: kanyima kaka nca mpasi ma leku le Kirisite kayila lemaanji. 13Baari ba eli baasa ncazi bomankulu ba kanyima Ngiri ŋi. Ŋaa bo ajii ni be lesa ncazi ma kajogo ma kampa be kaliimi nca akabi a be. 14Mi, mi kajogo ma kalogo kamo: ma lemaanji le Mfumu bizi a be Jezu Kirisite. Ma lemaanji, okiri ma kpa ma mi, ŋa mi se, mi ma kpa ma okiri. 15Kasa ncazi sikali ki kasa ŋi, kalogo ka oca! Keevuli, kaka owangi wo onyari. 16Ma baari ba baanyima eyizigi e mi, mi elyele: ndi kadusu ŋa ove o Njyami oka yila bo, ŋa yila baari aso a Njyami ajaajaa.
17Yiga ma antini ma maaje kaya, mbuuru akama sa mi ajaa maabi ŋi! Kabila eyiri ba ebira njuru mi ba emvyere ni mi li ma Jezu.
18Ndi puga le Mfumu Jezu Kirisite leka bila be aso, andumu! Ee bwa.
Currently Selected:
Ngalate 6: teg
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
