Romanus 12
12
Ntrega Deus bu vida
1Asin ermons, pabia di garandi amor di Deus, N na pidi bos pa bo ntrega bo kurpu#Kap 6.13; 1 Kor 6.20; 1 Ped 2.5 pa i sedu suma un sakrifisiu bibu, dedikadu son pa el, pa kontental. Es ki adorason ku bo dibi di fasi. 2Ka bo fasi suma ku mundu#1 Ped 1.14; 1 Jon 2.15 na fasi, ma bo disa Deus arnoba#Ef 4.23; Kol 3.10 bo pensamentu, pa rabida bo manera di yanda. Asin bo ta pudi rapara kal ki vontadi#Jon 4.34; Ef 5.17; 1 Tes 4.3 di Deus, kil ki bon, i pirfitu, i sabi.
3Pabia di tarbaju ku Deus#Kap 1.5; Gal 2.9; Ef 3.2 dan, N ta konta kada un di bos pa ka i pui si kabesa#Dit 25.27; Gal 6.3 na lugar ki ka yangasa, ma kada kin ta pensa pa si kabesa pensamentu justu, suma midida#1 Kor 12.11; Ef 4.7 di fe ku Deus dal. 4Suma ku na un kurpu#1 Kor 10.17; 12.12,14-31; Ef 1.23; 4.16,25; 5.30; Kol 1.24 i ten manga di parti kada un parti ten si tarbaju diferenti, 5asin tambi anos no ciu, ma no sedu un kurpu son na Kristu. Kada kin sedu un parti ku liga ku utrus.
6No ten diferenti dons#1 Kor 12.4-11,28; 1 Ped 4.10 suma ku Deus patinu. Asin si algin ten don di anunsia rekadu di Deus, i ta tarbaja ku el konformi fe ki ten. 7Si i di tarbaju pratiku, i ta tarbaja. Si i di#At 20.28; Ef 4.11 nsina, pa i ten vontadi di nsina. 8Si i pa konsija#At 15.32; 1 Kor 14.3; 1 Ped 5.2 jinti, nta pa i konsija. Kil ku ta rapati, pa i da ku mon abertu. Kil ku na manda, pa i manda ku forsa di vontadi. Kil ku na juda#2 Kor 9.7 pobris, pa i fasil ku alegria.
Manga di konsiju
9Ka bo ten amor#1 Tim 1.5; 1 Ped 1.22; 4.8; 1 Jon 3.18 finjidu. Bo nega#Am 5.15 mal; bo pega na kil ki bon. 10Bo ama ŋutru di tudu bo korson, suma#Fil 2.3; 1 Tes 4.9; Eb 13.1; 2 Ped 1.7 ermons. Bo da ŋutru purmeru lugar ku rispitu.
11Ka bo sedu divagarosu na tarbaju, ma bo sedu kinti#Apok 3.15 na spiritu pa sirbi Siñor. 12Bo kontenti na speransa#Kap 5.2; 15.13; Eb 3.6 ku bo ten, bo ten pasensa#Tia 1.4 na foronta, bo pega tesu#Luk 18.1; Ef 6.18; Kol 4.2; 1 Tes 5.17 na orason. 13Bo juda#2 Kor 9; Eb 6.10; 13.2,16; 1 Ped 4.9; 1 Jon 3.17 krentis ku ten nesesidadi, bo sedu gasijadur di ospri.
14Bo pidi benson#Mat 5.44 pa kilis ku ta pirsigi bos. Bo bensua elis; ka bo maldisua elis. 15Bo kontenti ku kilis#1 Kor 12.26 ku sta kontenti, bo cora ku kilis ku na cora. 16Bo sedu unidu#1 Kor 1.10; 2 Kor 13.11; Fil 2.2; 3.15; 1 Ped 3.8 entri bos. Ka bo buska garandesa ma bo sedu amigu di jinti umildi. Ka bo oja na bo kabesa kuma bo sibi.
17Ka bo torna#Dit 20.22; 2 Kor 8.21 ningin mal pa mal. Bo buska sedu retu dianti di tudu jinti. 18Bo fasi mas ku bo pudi pa ten pas#Kap 14.19; Mar 9.50; Eb 12.14 ku tudu jinti. 19Ña ermons, ka bo#Kap 12.17; Sir 19.18; Lei 32.35; Eb 10.30 vinga, abos propi, ma bo disal pa Deus, pabia i sta skritu kuma Siñor fala: “Vingansa i di mi. I ami ku na torna.” 20Asin,
“Si bu inimigu#Dit 25.21-22 tene fomi, dal pa i kume.
Si i tene sedi, dal pa i bibi,
pabia si bu fasi asin,
bu na fasil rostu kinti ku borgoña.”
21Ka bu disa mal ngañau, ma ngaña mal ku ben.
Currently Selected:
Romanus 12: povB
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
