Romanus 11
11
Futuru di Israel
1E ku manda N na punta: Nta Deus nega si pobu? I ka nega#1 Sam 12.22 elis. Ami i israelita, di jorson#At 22.3; 2 Kor 11.22; Fil 3.5 di Abraon, di rasa di Benjamin. 2Deus ka nega si pobu ki kunsi disna di kumsada. O bo ka sibi ke ku Skritura konta di Elias, kuma ki papia ku Deus kontra Israel? I fala: 3“Siñor, e mata#1 Re 19.10,14 bu anunsiaduris, e bati bu altaris; i ami son ku fika; e na buska ña vida.” 4Kuma ku Deus ruspundil? I falal: “N guarda#1 Re 19.18 pa mi seti mil omi ku ka finka juju dianti di Baal.” 5Asin tambi, ne tempu, i fika un restu#Kap 9.27 ku Deus kuji na si fabur. 6Si i pa fabur, i ka pabia#Kap 4.4-5; Lei 9.4-5 di kusas ke fasi. Si i ka asin, fabur ka ta sedu fabur.
7Nta i ke? Kil ku Israel na buska i ka#Kap 9.31; 10.3 yangasal, ma kilis ku kujidu e yangasal. Ki utrus bida duru. 8Suma ki sta#Is 6.9-10; 29.10 skritu:
“Deus da elis spiritu kingitidu,
ujus pa ka oja, orejas pa ka obi,
te aos.”
9Davi fala:
“Se festas ta bida lastru ku armadilia#Sal 69.22-23
ku mbaransa pa se kastigu,
10pa se ujus sukurusi pa ka e oja,
se kostas pa e fika sempri dobradu.”
11Nta N punta: E mbaransa pa e pudi kai? Nau, i ka el. Pabia di se kaida salbason bin pa kilis#Kap 10.19; At 13.46 ki ka judeu, pa lantanda judeus kumbosadia. 12Si kaida di judeus tisi rikesa pa mundu, tambi si se mingua tisi rikesa pa kilis ki ka judeu, ku fadi gora ora ke riba pa se forsa!
13I abos ki ka judeu ku N na papia ku el. Suma ku N sedu apostolu#At 22.21; 2 Tim 1.11 di kilis ki ka judeu, N ten garandesa na ña tarbaju, 14pa N jubi si di kualker manera#1 Kor 9.22; Tia 5.20 N pudi lantanda kumbosadia na jinti di ña rasa, pa utrus pudi salba. 15Oca Deus nega judeus, i yabri kamiñu pa mundu torna si amigu. Ora ku Deus torna seta judeus, ke ki na sedu? I na sedu vida pa kilis ku sta mortu. 16Si Deus dadu purmeru padas#Sir 23.10 di pon, tudu pon i pa el. Si i dadu tambi rais, tudu ramu i di sil. 17Si utru ramus#Jer 11.16 kebradu, abo ku sedu olivera brabu bu njujadu na lugar delis, bu ten parti na rais ku liti di olivera, 18ka bu njata#1 Kor 10.12 kontra ki ramus kebradu. Si bu na njata, lembra kuma i ka abo ku nguenta rais, ma i rais ku nguentau.
19Bu na fala: “Ramus kebradu pa N pudi njujadu na se lugar.” 20I sta bon! E kebradu pabia di se falta di fe. Abo bu sta firmi pabia di bu fe. Ka bu#Kap 12.16 ronka, ma ten medu. 21Si Deus ka disa ramu natural, talves i ka na disau tambi. 22Pensa na manera ku Deus i bon, ma tambi i risu. Pa kilis ku kai i ta risu ku elis, ma pa bo i ta bon, si bu kontinua#Jon 15.9-10; 1 Kor 15.2; Eb 3.6,14 na si bondadi. Si i ka asin, tambi bu na kortadu. 23Elis tambi, si e ka kontinua na se falta di fe, Deus ta njuja elis, pabia i ten puder pa torna njuja elis. 24Si bu kortadu na olivera brabu, bu njujadu na olivera puru kontra naturesa, ku fadi kil ku sedu olivera propi pa i torna njujadu na si propi olivera.
25Ermons, N misti pa bo sibi e sigridu, pa bo ka yalsa ombra, kuma ndurusimentu bin riba di Israel pa un tempu markadu, tok numeru#Luk 21.24; Apok 7.9 di jintius ku na yentra kompleta. 26Asin tudu Israel#Sal 14.7; Is 59.20-21 na sedu salbu, suma ki sta skritu:
“Libertadur na bin di Sion;
i na tira tudu maldadi di Jakó.
27Es i ta sedu ña kontratu#Is 27.9; Jer 31.31-34; Eb 8.8; 10.16-17 ku elis
ora ku N tira se pekadu.”
28Na ladu di Bon Noba elis i inimigu pabia di bos, ma, suma Deus kuji elis, e sedu amadu pabia di se papes#Lei 10.15 antigu. 29Deus ka ta muda si sintidu#Num 23.19 pa kilis ki kuji, i pati kusas. 30Abos purmeru ba bo disobdisi Deus, ma gosi bo yangasa miserikordia pabia di disobdiensia di judeus. 31Asin tambi e disobdisiba pa e pudi yangasa miserikordia pabia di miserikordia ku bo yangasa. 32Pabia Deus kondena tudu jinti#Kap 3.9 pabia di disobdiensia, pa i pudi usa di miserikordia pa tudu.
Kantiga di adorason
33O fundura#Jo 11.7 di rikesa di jiresa di Deus,
ku si kuñisimentu!
Kin ku pudi splika kusas ki disidi?
Kin ku pudi ntindi si planu?
34Kin ku ciga di kunsi pensamentu#Jo 15.8; Is 40.13-14 di Siñor?
Kin ku sedu si konsijadur?
35O kin ku dal purmeru#1 Kron 29.14
pa i kumsa bin torna si dunu?
36Tudu kusa, i el ku#1 Kor 8.6; Kol 1.16 kumpul,
el ku ta sustental; i pa el tambi.
Gloria#Gal 1.5; Ef 3.21; 1 Tim 1.17; 2 Tim 4.18; Eb 13.21; Jud 25; Apok 1.6 pa el pa sempri! Amen.
Currently Selected:
Romanus 11: povB
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
