Isaias 62
62
Nobu nomi di Sion
1Pa amor di Sion N ka na kala,
pa amor di Jerusalen N na papia,
tok si retidon sai suma sol di parmaña,
tok si salbason mostra suma pacu di fugu.
2Nasons na oja bu retidon;
tudu reis na oja bu gloria.
Bu na comadu nobu nomi#Kap 65.15; Apok 3.12
ku SIÑOR propi na dau.
3Bu na sedu koroa di gloria,
koroa di renansa na mon di SIÑOR bu Deus.
4Nunka mas bu ka na comadu#Kap 62.12; 54.6-7; Os 1.10; 1 Ped 2.10 Bandonadu,
nin bu tera ka na dadu nomi Dingidu,
ma bu na comadu Efzibá,#62.4 Efzibâ signifika: “Ña kontentamentu sta nel”
bu tera na comadu Beulá,#62.4 Beulá signifika kasadu.
pabia SIÑOR na kontenti ku bo;
i na sedu suma maridu di bu tera.
5Suma ku joven ta kasa ku bajuda,
asin ku bu fijus na kasa ku bo;
suma ku noivu ta kontenti ku si noiva,
asin ku bu Deus#Kap 65.19 na kontenti ku bo.
6O Jerusalen! N pui guardas#Ez 3.17 riba di bu muras,
ku ka na kala nin di dia ku fadi di noti.
Abos ku ta coma nomi di SIÑOR,
ka bo diskansa.
7Ka bo da SIÑOR tempu pa i diskansa
tok i firmanta Jerusalen,
i fasil prasa ku tudu mundu#Sof 3.20 na ngaba.
8SIÑOR jurmenta pa si mon direita,
si brasu forti, i fala:
“Nunka mas N ka na da bu inimigus bu trigu pa se kumida,
nin stranjerus ka na bibi bu biñu nobu ku bu tarbaja pa el,
9ma kilis ku tarbaja#Lei 14.23 pa juntal, e na kumel,
e na ngaba SIÑOR.
Kilis ku kuji uvas, e na bibi se biñu,
na baranda na ña kau sagradu.”
10Bo sai, bo sai na porton!
Bo purpara kamiñu#Kap 40.3; 57.14 pa pobu.
Bo kumpu strada, bo kumpul,
bo tira pedras na kamiñu;
bo lantanda bandera pa nasons.
11Es i kusa ku SIÑOR anunsia
te na parti mas lunju di mundu:
“Bo fala prasa di Sion:
‘Ali bu Salbadur#Zak 9.9; Mat 21.5 na bin.
Jubi, i na bin ku si#Kap 40.10; Apok 22.12 pagamentu;
rusultadu di si tarbaju na bin si dianti.’ ”
12E na comadu Pobu di Deus,
Pobu ku SIÑOR Kaplinti.
Abo, bu na comadu Prasa Buskadu,
Prasa ku ka bandonadu.
Currently Selected:
Isaias 62: povB
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
