Isaias 61
61
Bon noba di salbason
1Spiritu di SIÑOR#Kap 11.2; Luk 4.18-19; Jon 1.32; 3.34 Deus sta riba di mi,
pabia SIÑOR unjin pa N konta bon noba pa koitadis;
i mandan pa N kura kebrantadus#Sal 147.3 di korson,
pa N anunsia liberdadi#Kap 42.7; 51.14; Jer 34.8 pa katibus,
ku abertura di kalabus pa kilis ku ficadu,
2pa anunsia anu#Sir 25.9-10 di fabur di SIÑOR,
ku dia di vingansa#Kap 34.8; 63.4 di no Deus,
pa konsola#Kap 57.18 tudu kilis ku na cora.
3I mandan pa N da ordi aserka di jinti tristi na Sion,
pa e dadu koroa bonitu na lugar di sinsa,
azeiti di kontentamentu#Sal 30.11 na lugar di tristesa,
kantiga di ngaba Deus na lugar di spiritu pisadu,
pa e pudi comadu arvuris di retidon,
ku SIÑOR paranta pa si gloria.
4E na torna kumpu kaus#Kap 58.12; Ez 36.10,33-36 ku tarda dana,
e na lantanda prasas ku tornaba suma lala.
5Ña pobu, jinti di utru teras na bakia bo limarias;
stranjerus na tarbaja na bo lugaris ku ortas di uva.
6Bo na comadu saserdotis#Sai 19.6 di SIÑOR,
ministrus di no Deus.
Bo na kume rikesa di nasons;
bo na njata na se gloria.
7Na lugar di bo borgoña ku bo sufri dus bias,
ku manera ku bo kobadu mal,
bo na yarda dus#Kap 40.2; Zak 9.12 bias mas na bo tera,
ku alegria ku ka ta kaba.
8SIÑOR fala: “Ami, SIÑOR, N ama justisa;
N ka gosta di pekadu di furtu.
N na sedu fiel pa paga ña pobu,
N na fasi un kontratu#Kap 55.3 ku elis ku ka na kaba.
9Se jorson di futuru na kunsidu na metadi di nasons,
se fijus na kunsidu na metadi di rasas.
Tudu jinti ku oja elis e na kunsi elis
suma pobu ku SIÑOR bensua.”
10N na kontenti#Ab 3.18 dimas na SIÑOR;
ña korson sta alegri na ña Deus,
pabia i bistin ku ropa di salbason,
i kubrin ku manta di retidon,
suma noivu ku ta faja kabesa suma saserdoti,
o suma noiva#Kap 49.18; Apok 21.2 ku ta faja ku si pedras di balur.
11Suma ku con ta pruduzi paja nobu,
suma ku orta ta pui si simentera pa i nasi,
asin ku SIÑOR Deus na pui retidon ku lovor#Sal 85.11
pa e nasi pa tudu nasons.
Currently Selected:
Isaias 61: povB
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
