Mateo 1

Súví rá ñɨvɨ tataꞌ ichiyúkúnꞌ nu̱u̱nꞌ nkiji Jesús nkaku re̱ꞌ

(Lucas 3:23-38)

1Yaꞌá ví rá súví rá ñɨvɨ tataꞌ ichiyúkúnꞌ yanaꞌán nu̱u̱nꞌ nkiji Jesús nkaku re̱ꞌ, ya̱ nísotíñú re̱ꞌ ya̱ kúvi re̱ꞌ máá Cristo [ya̱ ñani Ndiosíꞌ re̱ꞌ sáva natavaꞌ re̱ꞌ ñɨvɨ nu̱u̱nꞌ kua̱chi ráa].#1:1 Áxí kúvi‑ó: ya̱ ñani Ndiosíꞌ re̱ꞌ sáva tatúníꞌ nu̱u̱nꞌ nɨꞌɨ. Jee kúvi Jesús nu̱u̱nꞌ tataꞌ ichiyúkúnꞌ nkene nu̱u̱nꞌ David#1:1 Nta̱túníꞌ David nación Israel ne̱ tiempúꞌ ya̱ta̱ꞌ víꞌí. Jee nchi̱sóyuꞌú Ndiosíꞌ tají re̱ꞌ máá te̱e ya̱ kuvi Se̱ꞌya ichiyúkúnꞌ tataꞌ veꞌi David. Jee kunisotíñú re̱ꞌ kuvi re̱ꞌ Cristo sáva natavaꞌ re̱ꞌ rá ñɨvɨ nu̱u̱nꞌ kua̱chi ráa. jee nu̱u̱nꞌ tataꞌ ichiyúkúnꞌ váji nu̱u̱nꞌ Abraham.

2Abraham nkuvi re̱ꞌ tááꞌ Isaac,

jee Isaac nkuvi re̱ꞌ tááꞌ Jacob,

jee Jacob nkuvi re̱ꞌ tááꞌ Judá jín rá inka ka̱ꞌ ñaniꞌ Judá,

3jee Judá jín Tamar nkuvi ráa rá sɨ́ꞌɨ́ Fares jín Zara,

jee Fares nkuvi re̱ꞌ tááꞌ Esrom,

jee Esrom nkuvi re̱ꞌ tááꞌ Aram,

4jee Aram nkuvi re̱ꞌ tááꞌ Aminadab,

jee Aminadab nkuvi re̱ꞌ tááꞌ Naasón,

jee Naasón nkuvi re̱ꞌ tááꞌ Salmón,

5jee Salmón jín Rahab nkuvi ráa rá sɨ́ꞌɨ́ Booz,

jee Booz jín Rut nkuvi ráa rá sɨ́ꞌɨ́ Obed,

jee Obed nkuvi tááꞌ Isaí,

6jee Isaí nkuvi re̱ꞌ tááꞌ David ya̱ nkuvi re̱ꞌ te̱e ya̱ nta̱túníꞌ ñuunꞌ Israel,

jee se̱ꞌya David jín ñaꞌan ya̱ nkuvi ñasɨ́ꞌɨ́ Urías ví Salomón

7jee Salomón nkuvi re̱ꞌ tááꞌ Roboam,

jee Roboam nkuvi re̱ꞌ tááꞌ Abías,

jee Abías nkuvi re̱ꞌ tááꞌ Asa,

8jee Asa nkuvi re̱ꞌ tááꞌ Josafat,

jee Josafat nkuvi re̱ꞌ tááꞌ Joram,

jee Joram nkuvi re̱ꞌ tááꞌ Uzías,

9jee Uzías nkuvi re̱ꞌ tááꞌ Jotam,

jee Jotam nkuvi re̱ꞌ tááꞌ Acaz,

jee Acaz nkuvi re̱ꞌ tááꞌ Ezequías,

10jee Ezequías nkuvi re̱ꞌ tááꞌ Manasés,

jee Manasés nkuvi re̱ꞌ tááꞌ Amón,

jee Amón nkuvi re̱ꞌ tááꞌ Josías,

11jee Josías nkuvi re̱ꞌ tááꞌ Jeconías jín rá inka ka̱ꞌ ñaniꞌ‑i.

Jee nɨ́ tiempúꞌ yukuán ntɨɨn rá ñɨvɨ ñuunꞌ Babilonia rá ñɨvɨ Israel jee kua̱ꞌa̱nꞌ ráa jín rává nu̱u̱nꞌ ñuunꞌ Babilonia. 12Jee sáá njia̱ꞌa tiempúꞌ ya̱ nneeꞌ ráa ñuunꞌ Babilonia,

jee Jeconías nkuvi re̱ꞌ tááꞌ Salatiel,

jee Salatiel nkuvi re̱ꞌ tááꞌ Zorobabel,

13jee Zorobabel nkuvi re̱ꞌ tááꞌ Abiud,

jee Abiud nkuvi re̱ꞌ tááꞌ Eliaquim,

jee Eliaquim nkuvi re̱ꞌ tááꞌ Azor,

14jee Azor nkuvi re̱ꞌ tááꞌ Sadoc,

jee Sadoc nkuvi re̱ꞌ tááꞌ Aquim,

jee Aquim nkuvi re̱ꞌ tááꞌ Eliud,

15jee Eliud nkuvi re̱ꞌ tááꞌ Eleazar,

jee Eleazar nkuvi re̱ꞌ tááꞌ Matán,

jee Matán nkuvi re̱ꞌ tááꞌ Jacob,

16jee Jacob nkuvi re̱ꞌ tááꞌ José,

jee nkuvi José yɨɨ́ María.

Jee maáña nsi̱káku ña Jesús. Jee maáréꞌ ví ya̱ káchíꞌ‑ó ya̱ kúvi re̱ꞌ Cristo [ya̱ nta̱jí Ndiosíꞌ sáva natavaꞌ re̱ꞌ ñɨvɨ nu̱u̱nꞌ kua̱chi ráa].#1:16 Áxí kuvi kachiꞌ‑ó: ya̱ nta̱jí Ndiosíꞌ re̱ꞌ sáva tatúníꞌ nu̱u̱nꞌ nɨꞌɨ.

17Ne̱ nu̱u̱nꞌ Abraham nkene ɨɨn se̱ꞌya re̱ꞌ jee ni̱yo se̱ꞌya se̱ꞌya re̱ꞌ jee suꞌva níkɨ́nꞌ va̱ji ichinúúnꞌ nkenta u̱xu̱ꞌ ku̱mi̱ꞌ (14) tánꞌ ráa ne̱ nkenta David. Jee ne̱ nu̱u̱nꞌ David nkene se̱ꞌya re̱ꞌ jee ni̱yo se̱ꞌya se̱ꞌya re̱ꞌ jee suꞌva níkɨ́nꞌ va̱ji ichinúúnꞌ nkenta u̱xu̱ꞌ ku̱mi̱ꞌ (14) tánꞌ ráa ne̱ sáá nkenta tiempúꞌ ichinúúnꞌ ka̱ꞌ ya̱ ntɨɨn rá ñɨvɨ ñuunꞌ Babilonia rá ñɨvɨ ñuunꞌ Israel jee kua̱ꞌa̱nꞌ ráa jín rává nu̱u̱nꞌ ñuunꞌ Babilonia. Jee ne̱ tiempúꞌ nyɨ̱ꞌɨ rá ñɨvɨ Israel xi̱ntíín rá ñɨvɨ Babilonia jee kua̱ꞌa̱nꞌ ráa nu̱u̱nꞌ ñuunꞌ Babilonia, jín ne̱ tiempúꞌ nkaku maáréꞌ ya̱ kúvi Cristo jee ni̱yo se̱ꞌya se̱ꞌya ráa jee suꞌva níkɨ́nꞌ va̱ji ichinúúnꞌ nkenta u̱xu̱ꞌ ku̱mi̱ꞌ (14) tánꞌ ráa ne̱ sáá nkaku Cristo.

Nkaku Jesús ya̱ nísotíñú re̱ꞌ kúvi re̱ꞌ Cristo

(Lucas 2:1-7)

18Suꞌva nkaku Jesús ya̱ kúvi máá Cristo: María, ya̱ kúvi nánáꞌ re̱ꞌ, jee sáá káá náꞌviꞌ jie̱ꞌe̱ꞌ ña tana̱ꞌá ña jín José, jee ne̱ ntiáꞌan ka̱ꞌ ki̱kuneeꞌ ña jín re̱ꞌ, jee niniꞌ re̱ꞌ ya̱ nna̱nise̱ꞌya ña jín fuersáꞌ ííꞌ Ta̱chi̱ꞌ Ííꞌ Ndiosíꞌ. 19Soo José, ya̱ káá náꞌviꞌ re̱ꞌ jie̱ꞌe̱ꞌ ña, jee kúvi re̱ꞌ ɨɨn te̱e na̱a̱ꞌ, jee ntu nkuíni re̱ꞌ ku̱ꞌva re̱ꞌ tu̱nkánuun María, saáva nkuna̱a̱ꞌ iniꞌ re̱ꞌ naneꞌen re̱ꞌ tutuꞌ ya̱ xinóo sayo yuꞌuꞌ re̱ꞌ ña. 20Jee ni jiáni iniꞌ re̱ꞌ ya̱ saꞌá re̱ꞌ sukuán, jee nu̱u̱nꞌ ñuma̱ꞌná re̱ꞌ ntu̱vi ɨɨn najiáꞌáꞌ ííꞌ I̱toꞌoꞌ‑ó Ndiosíꞌ jee nkachiꞌ‑i nu̱u̱nꞌ re̱ꞌ:

―José, noꞌó ichiyúkúnꞌ tataꞌ veꞌi David, koto yúꞌví nú keꞌen nú María kuvi ña ñasɨ́ꞌɨ́ nú, chi Se̱ꞌya ya̱ nna̱nise̱ꞌya ña va̱ji‑i ne̱ nu̱u̱nꞌ Ta̱chi̱ꞌ Ííꞌ Ndiosíꞌ. 21Jee staꞌvíꞌ ña ɨɨn su̱chí yɨ́ɨ́, jee sikúnání nú maa Jesús. Chi maáréꞌ natavaꞌ re̱ꞌ rá ñɨvɨ re̱ꞌ nu̱u̱nꞌ kua̱chi ráa sikáku re̱ꞌ ráa ―nkachiꞌ najiáꞌáꞌ ííꞌ vá.

22Ntáká rá tiñu vá nkuvi sáva sikúnkuvi rá tu̱ꞌun ya̱ nkachiꞌ ɨɨn te̱e nna̱kani tu̱ꞌun nkene yuꞌú máá maá I̱toꞌoꞌ‑ó yanaꞌán jee nkachiꞌ I̱toꞌoꞌ‑ó:

23Kune̱ꞌyá rán, ɨɨn ñaꞌan súchí núún, nanise̱ꞌya ña,

jee sikáku ña ɨɨn su̱chí yɨ́ɨ́,

jee sikúnání ráa maa Emanuel

káchíꞌ nu̱u̱nꞌ Tutuꞌ Ííꞌ.

Emanuel kuíni kachiꞌ: Ndiosíꞌ íyó re̱ꞌ jín‑ó.

24Jee sáá nnoto José ya̱ kíxíꞌ re̱ꞌ, jee nsa̱ꞌá re̱ꞌ sánikua̱ꞌ nta̱túníꞌ najiáꞌáꞌ ííꞌ I̱toꞌoꞌ‑ó nu̱u̱nꞌ re̱ꞌ, jee nkeꞌen re̱ꞌ ña kuvi ña ñasɨ́ꞌɨ́ re̱ꞌ. 25Soo ntu núnéꞌén re̱ꞌ jín ña nekuaꞌ nkaku se̱ꞌya yɨ́ɨ́ ña. Jee nsi̱kúnání re̱ꞌ maa Jesús.

Currently Selected:

Mateo 1: meh

Highlight

Copy