Danyèl 8
8
1G’ômpum̃a w’irarô w’ipangiṉa si Belisazar y’ôga, myè, Danyèl, my’ayeṉ’ijeṉa, tômbare pa mèsoṉo s’ayenyô myè gw’alônga. 2Gw’ayeṉi myè ijeṉa siṉo, my’ayeṉi ga my’avegagi gô Suzi, gô nkala mpôlô, gw’elele z’Elam, n’ayeṉi myè gw’ijeṉi sam̃ ga inè, my’avegagi pyèrè n’ôrèmbo w’Ulay.
3N’arômbiṉi myè antyo mam̃, avôni myè, na vôna, idombè iṉôm̃e ny’agum̃aṉi swaswo n’ôrèmbo, ny’avegagi n’imengô; n’imengô siṉo s’avegag’indôndwi, ndô mori y’avegagi ndôndwi vyagaṉô ni mori, n’agum̃aṉi yô gô nyum̃a. 4N’ayeṉi myè idomb’iṉôm̃e nyi sug’imengô sè gô nkôṽa yi kènda ni nkômbe, na gô Nor na gô Sud; e zele nyam̃a yi re ko jolye kum̃aṉa g’ôzô wè, e re pegag’ôma gô sungiṉa avila g’ôgo wè; alendagi nte tondè, n’arweṉi yè ni ngulu.
5Gw’avônagi myè zim̃a, vôna, mbôṉi ṉôm̃e y’aṽyeṉi avila gô nkôṽa yi kènda ni nkômbe, nkangaṉaga g’ôzô wi ntye yôdu, ko y’agôza gô ntye; mbôṉi yiṉo y’avegagi ni mengô mpôlô gw’isôngô. 6N’aṽyeṉi yô kwanga gôr’idomb’iṉôm̃e ny’avegagi n’imengô, ny’ayenyô myè kum̃aṉa pa swaswo n’ôrèmbo, n’avali nyô mangô gô yô n’eguṉu evôlô. 7N’ayeṉi myè yô yi susa pyèrè n’idomb’iṉôm̃e aṽendiṉa nyô; awôli yô idomb’iṉôm̃e am̃oguṉ’imengô mbaṉi sa nyô, n’idombè nyi re pegage ni ngulu yi kum̃aṉa g’ôzô wa yô, n’avôsunyi yô nyô gô ntye ayara nyô, e re pegag’ôma gô sungiṉ’idombè. 8N’arweṉi mbôṉi ni ngulu mpôlô; ndô gw’arweṉi yô ni ngulu mpôlô, mengô mpôlô ya yô y’am̃ogwi. N’awôm̃w’imengô impôlô nay gô mbôra ya yô, gw’impung’inay y’ôrôṽa.
9N’avila gô mori gô sô agogwi mengô nyangô, y’avendi pôlô gô nkôṽa yi tongwa ni nkômbe, na gô nkôṽa yi ntye mbyamè. 10N’avandi yô kwanga gô mbèli y’ôrôṽa, n’avôsunyi yô mbèy yi mbèli mèyoṉo n’igègèṉi gô ntye, ayara yô. 11N’avandi yô kwanga gôr’ôvangiṉi wi mbèli, n’arômbiṉô yô ntyagô yi ntyugw’edu, n’ayônyô mbôra y’ôrunda ya yô. 12Mbèli ni ntyagô yi ntyugw’edu ta y’avenyô yô, g’ômwanja w’ibe; mengô y’avôsuny’ôrèti gô ntye, n’agèndi yô mbyambye. 13N’ayogyô myè ôyombwi e kamba; n’ôyombwi ômwèṉè awulinyi mèwoṉo w’agambagi inè: Ôlingô sèṉi wi be dwaṉizô ijeṉa gô ntyagô yi ntyugw’edu na gw’ibe si jiliza? Ôlingô sèṉi wi be jarô mbôra y’ôrunda ni mbèli ta? 14N’awulinyi yè myè inè: Ntozèny mbaṉi n’inkam̃a s’inkôlô na s’ibanga ntyarô, gambèṉè mbôra y’ôrunda yi be mèpizô.
15N’arweṉi myè, Danyèl, gw’ayeṉi myè ijeṉa siṉo ko mi buta gô kôtiza sô, vôna, agum̃aṉi swaswo na myè ezom̃a mpangiṉi g’ôma. 16N’ayogyô myè inyôy ny’ôma gô garegare y’Ulay; e tônga awulya inè: Gabriyèl, ṽènguṉ’ôma wiṉo ijeṉa. 17Yeṉo aṽyeṉi yè pyèrè gô mbôra y’avegagô myè; na gw’azusi yè pyèrè, my’aryeṉi, avôsuny’ôzô wam̃ gô ntye. N’awulinyi yè myè inè: Lwaṉa n’ôkeli, awè ômwaṉa w’ôma, konde ijeṉa si re g’ômwanja w’egômbe zi be dwaṉe ntyay. 18Gw’agambagi yè na myè, my’agôtyô igolongo ôzô mbè gô ntye. Agôti yè myè, agum̃anya myè gôre gô mbôra y’avegagô myè. 19Avila vovo awulinyi yè myè inè: Mi ke myezo nte be twa gô ntyay y’eguṉu, konde ar’egômbe tetô pa gô dwaṉe ntyay. 20Idomb’iṉôm̃e ny’ayenyô wè, ny’avegagi n’imengô, sô ne aga wi Maday na wi Paras. 21Mbôṉi nôm̃e, ne ôga wi Yavan. Mengô mpôlô gw’isôngô, ne ôg’ôlônga. 22Mengô nay s’agogwi gô mbôra yi mengô mèyoṉo y’am̃oguṉô, sô ne ipangiṉa nay si be kum̃aṉa gw’iṉongo nyiṉo, ndô nyi ze dwaṉe ni ngulu mpôlô. 23Gô ntyay y’ipangiṉi saô, gô be jilizô aṉag’aṽe, e be kum̃aṉ’ôga w’ererya n’ikôtize wiryè. 24Ni ngulu yè yi be penda, ndô aranga ni ngulu yèmè; e be jiliz’ijiliza si mamô, e be kènda mbyambye gô ṽilô yè, e be jiliz’ingulungulu n’iṉongo ny’aṉaga w’ôrunda. 25Na g’ômwanja w’ômbyambye wè na w’avôṉô mè ampôlô, e be dwaṉa n’ekale g’ôrèm̃i wè, e be jiliz’aṉag’awenge w’am̃ènjè, e be kum̃aṉa kè gô sir’ôvangiṉi w’ivangiṉi; ndô e be moguṉô, aranga n’ôgo. 26N’ijeṉa s’inkôlô na s’ibanga, si kambô vèṉo, si re rèti. Ndô yumbuṉ’ijeṉa siṉo, konde si be dwaṉa gô gômbe la.
27Myè Danyèl, my’avegag’intyugu sinyenge nkèndage ntyèla ni njogogo nkaṉi; avila vovo agum̃aṉi myè, ayanje ṽilô y’ôga. My’am̃ami g’ômwanja w’ijeṉa, ndô e pa pegag’ôma wi mya sô.
Currently Selected:
Danyèl 8: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Danyèl 8
8
1G’ômpum̃a w’irarô w’ipangiṉa si Belisazar y’ôga, myè, Danyèl, my’ayeṉ’ijeṉa, tômbare pa mèsoṉo s’ayenyô myè gw’alônga. 2Gw’ayeṉi myè ijeṉa siṉo, my’ayeṉi ga my’avegagi gô Suzi, gô nkala mpôlô, gw’elele z’Elam, n’ayeṉi myè gw’ijeṉi sam̃ ga inè, my’avegagi pyèrè n’ôrèmbo w’Ulay.
3N’arômbiṉi myè antyo mam̃, avôni myè, na vôna, idombè iṉôm̃e ny’agum̃aṉi swaswo n’ôrèmbo, ny’avegagi n’imengô; n’imengô siṉo s’avegag’indôndwi, ndô mori y’avegagi ndôndwi vyagaṉô ni mori, n’agum̃aṉi yô gô nyum̃a. 4N’ayeṉi myè idomb’iṉôm̃e nyi sug’imengô sè gô nkôṽa yi kènda ni nkômbe, na gô Nor na gô Sud; e zele nyam̃a yi re ko jolye kum̃aṉa g’ôzô wè, e re pegag’ôma gô sungiṉa avila g’ôgo wè; alendagi nte tondè, n’arweṉi yè ni ngulu.
5Gw’avônagi myè zim̃a, vôna, mbôṉi ṉôm̃e y’aṽyeṉi avila gô nkôṽa yi kènda ni nkômbe, nkangaṉaga g’ôzô wi ntye yôdu, ko y’agôza gô ntye; mbôṉi yiṉo y’avegagi ni mengô mpôlô gw’isôngô. 6N’aṽyeṉi yô kwanga gôr’idomb’iṉôm̃e ny’avegagi n’imengô, ny’ayenyô myè kum̃aṉa pa swaswo n’ôrèmbo, n’avali nyô mangô gô yô n’eguṉu evôlô. 7N’ayeṉi myè yô yi susa pyèrè n’idomb’iṉôm̃e aṽendiṉa nyô; awôli yô idomb’iṉôm̃e am̃oguṉ’imengô mbaṉi sa nyô, n’idombè nyi re pegage ni ngulu yi kum̃aṉa g’ôzô wa yô, n’avôsunyi yô nyô gô ntye ayara nyô, e re pegag’ôma gô sungiṉ’idombè. 8N’arweṉi mbôṉi ni ngulu mpôlô; ndô gw’arweṉi yô ni ngulu mpôlô, mengô mpôlô ya yô y’am̃ogwi. N’awôm̃w’imengô impôlô nay gô mbôra ya yô, gw’impung’inay y’ôrôṽa.
9N’avila gô mori gô sô agogwi mengô nyangô, y’avendi pôlô gô nkôṽa yi tongwa ni nkômbe, na gô nkôṽa yi ntye mbyamè. 10N’avandi yô kwanga gô mbèli y’ôrôṽa, n’avôsunyi yô mbèy yi mbèli mèyoṉo n’igègèṉi gô ntye, ayara yô. 11N’avandi yô kwanga gôr’ôvangiṉi wi mbèli, n’arômbiṉô yô ntyagô yi ntyugw’edu, n’ayônyô mbôra y’ôrunda ya yô. 12Mbèli ni ntyagô yi ntyugw’edu ta y’avenyô yô, g’ômwanja w’ibe; mengô y’avôsuny’ôrèti gô ntye, n’agèndi yô mbyambye. 13N’ayogyô myè ôyombwi e kamba; n’ôyombwi ômwèṉè awulinyi mèwoṉo w’agambagi inè: Ôlingô sèṉi wi be dwaṉizô ijeṉa gô ntyagô yi ntyugw’edu na gw’ibe si jiliza? Ôlingô sèṉi wi be jarô mbôra y’ôrunda ni mbèli ta? 14N’awulinyi yè myè inè: Ntozèny mbaṉi n’inkam̃a s’inkôlô na s’ibanga ntyarô, gambèṉè mbôra y’ôrunda yi be mèpizô.
15N’arweṉi myè, Danyèl, gw’ayeṉi myè ijeṉa siṉo ko mi buta gô kôtiza sô, vôna, agum̃aṉi swaswo na myè ezom̃a mpangiṉi g’ôma. 16N’ayogyô myè inyôy ny’ôma gô garegare y’Ulay; e tônga awulya inè: Gabriyèl, ṽènguṉ’ôma wiṉo ijeṉa. 17Yeṉo aṽyeṉi yè pyèrè gô mbôra y’avegagô myè; na gw’azusi yè pyèrè, my’aryeṉi, avôsuny’ôzô wam̃ gô ntye. N’awulinyi yè myè inè: Lwaṉa n’ôkeli, awè ômwaṉa w’ôma, konde ijeṉa si re g’ômwanja w’egômbe zi be dwaṉe ntyay. 18Gw’agambagi yè na myè, my’agôtyô igolongo ôzô mbè gô ntye. Agôti yè myè, agum̃anya myè gôre gô mbôra y’avegagô myè. 19Avila vovo awulinyi yè myè inè: Mi ke myezo nte be twa gô ntyay y’eguṉu, konde ar’egômbe tetô pa gô dwaṉe ntyay. 20Idomb’iṉôm̃e ny’ayenyô wè, ny’avegagi n’imengô, sô ne aga wi Maday na wi Paras. 21Mbôṉi nôm̃e, ne ôga wi Yavan. Mengô mpôlô gw’isôngô, ne ôg’ôlônga. 22Mengô nay s’agogwi gô mbôra yi mengô mèyoṉo y’am̃oguṉô, sô ne ipangiṉa nay si be kum̃aṉa gw’iṉongo nyiṉo, ndô nyi ze dwaṉe ni ngulu mpôlô. 23Gô ntyay y’ipangiṉi saô, gô be jilizô aṉag’aṽe, e be kum̃aṉ’ôga w’ererya n’ikôtize wiryè. 24Ni ngulu yè yi be penda, ndô aranga ni ngulu yèmè; e be jiliz’ijiliza si mamô, e be kènda mbyambye gô ṽilô yè, e be jiliz’ingulungulu n’iṉongo ny’aṉaga w’ôrunda. 25Na g’ômwanja w’ômbyambye wè na w’avôṉô mè ampôlô, e be dwaṉa n’ekale g’ôrèm̃i wè, e be jiliz’aṉag’awenge w’am̃ènjè, e be kum̃aṉa kè gô sir’ôvangiṉi w’ivangiṉi; ndô e be moguṉô, aranga n’ôgo. 26N’ijeṉa s’inkôlô na s’ibanga, si kambô vèṉo, si re rèti. Ndô yumbuṉ’ijeṉa siṉo, konde si be dwaṉa gô gômbe la.
27Myè Danyèl, my’avegag’intyugu sinyenge nkèndage ntyèla ni njogogo nkaṉi; avila vovo agum̃aṉi myè, ayanje ṽilô y’ôga. My’am̃ami g’ômwanja w’ijeṉa, ndô e pa pegag’ôma wi mya sô.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.