Danyèl 10
10
1G’ômpum̃a w’irarô wi Kirus, y’ôga wi Paras, igamba ny’arum̃inyô gôre Danyèl, aweyôgô inè, Bèltisazar. Igamba mè nyi re giligili nyi myeze njuke mpôlô. N’avôganyô yè igamba mè, agôtizi yè ijeṉa.
2Gw’egômbe mèzoṉo, myè Danyèl, my’alwaṉi n’iwoga wiki ntyarô. 3Mi pa ny’iny’ibya, mi pa ny’eṽèrè ge jong’ivè g’ôgwaṉi wam̃, mi pa sagy’ôkuṽi wam̃ agali kaô wiki ntyarô s’akekizyô.
4Gw’agôm̃i m’intyugu ambaṉi ni ntyugu nay s’ôgwèli ôlônga, my’avegagi g’ôsaṽa w’ôrèmbo ômpôlô wô ne Idekèl. 5N’arômbiṉi myè antyo mam̃, n’avôni myè, na vôna, avegag’ôṉôm̃e boryô pa ni nkèmbo ya pupu, n’ôtumba wi sika ya teṉateṉa w’Ufaz diryô pa g’ôni wè. 6N’ôkuṽi wè w’avegagi ga kirizôliti, ôzô wè w’aṽambagi ga inônyingwèmbôlô, antyo mè m’avegagi ga ibam̃iṉa s’ôgôṉi, ago mè n’intyôzô sè ga nyènyè mbya, n’inyôy ny’agambi mè ga nyongolè yi nkondo mpôlô y’aṉaga. 7Na myè Danyèl, my’ayeṉ’ijeṉa, myè dadyè, n’aṉaga w’avegagi na myè wi pa jeṉe sô, ndô w’agôtyô n’itya sipôlô, n’awangi waô gô sombuṉa. 8N’alèki myè dadyè, n’ayeṉi myè ijeṉ’ipôlô siṉo; ngulu y’aziliṉi myè, ôzô wam̃ w’agalwi iboṉa, n’averyô myè, ne ngulu yôdu. 9N’ayogyô myè inyôy ny’agambi mè, na gw’ayogyô myè inyôy ny’agambi mè; my’agôtyô isènda ôzô mbè gô ntye. 10Na vôna, my’awatyô n’ôgo, n’azugyazugyi ampuṽi mam̃ n’ago mam̃. 11N’awulinyi yè myè inè: Danyèl, ôma wi tondô, vôganyô agamba mi be bulinya myè wè, ko kum̃aṉa gôre gô mbôra yi re wè; konde my’atôm̃ô vèṉo gôre wè. Gw’agambi yè yeṉo na myè, my’agum̃aṉi gôre ntatam̃iṉaga.
12N’awulinyi yè myè inè: Danyèl, arya; konde avila gô ntyugu nônga y’avegagi wè n’ôrèm̃a gô kôtiza, na gô sôny’ôkuṽi wo g’ôzô w’Anyambyè yo, agambi mo m’ayogaṉô, my’are bya pa g’ômwanja w’agambi mo. 13Ôvangiṉi w’iṉongo nyi Paras anweṉi na myè agôm̃i m’intyugu ambaṉi ni ntyugu mori, ndô Mikaèl, ôm̃ori avila gôr’ivangiṉ’impôlô, aṽyeṉi gô nunguṉa myè, n’alwaṉi myè vovo n’aga wi Paras. 14My’abya vèṉo gô myezo ga nte be twa gôr’iṉongo nyo gô gômbe ṉum̃uṉa, konde ijeṉa si p’are gô gômbe mèyoṉo.
15Gw’agambagi yè na myè agamba miṉo, my’avôni gô ntye, alwaṉa dodo. 16Na vôna, ôma avegagi n’ebagaṉô z’awaṉa w’aṉaga awat’iṉumbu yam̃. Aṉunguṉi myè ôgwaṉa, agambi myè, n’awulinyi myè yè y’agum̃aṉi swaswo na myè inè: Reri yam̃, ijeṉa s’ajônyi myè n’ererya, na my’aperyô ni ngulu yôdu. 17Nyôngô ya reri yam̃ ko jolye kamba na reri yam̃ sè? Ndô vèṉo my’asiliṉô ngulu, na my’azele nyèṉè n’ômwèy. 18Vovo ayè y’avegagi n’ebagaṉô z’ôma arô bwati myè, ayoliza myè. 19N’awulinyi yè myè inè: Arya, awè ôma wi tondô, am̃ènjè mi ga lwaṉe na wè! Zindy’ôrèm̃a! Zindy’ôrèm̃a! Na gw’agambagi yè na myè, my’arô dèngi ngulu, n’awulyi myè inè: Reri yam̃ e ga gambe, konde ô re joliza pa myè.
20N’awulinyi yè myè inè: W’avôrô ntiṉa y’abya myè gôre wè? Ndô vèṉo mi fwinya gô nwa n’ôvangiṉi wi Paras; na gô be kènda myè, vôna, ôvangiṉi wi Yavan e be bya. 21Ndô mi bele myezo ga nt’are tèndô pa gw’ezangô z’ôrèti. E zel’ôma wi nunguṉa myè gô sira mongi mèsoṉo, tômbare pa Mikaèl, y’ôvangiṉi waṉi.
Currently Selected:
Danyèl 10: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Danyèl 10
10
1G’ômpum̃a w’irarô wi Kirus, y’ôga wi Paras, igamba ny’arum̃inyô gôre Danyèl, aweyôgô inè, Bèltisazar. Igamba mè nyi re giligili nyi myeze njuke mpôlô. N’avôganyô yè igamba mè, agôtizi yè ijeṉa.
2Gw’egômbe mèzoṉo, myè Danyèl, my’alwaṉi n’iwoga wiki ntyarô. 3Mi pa ny’iny’ibya, mi pa ny’eṽèrè ge jong’ivè g’ôgwaṉi wam̃, mi pa sagy’ôkuṽi wam̃ agali kaô wiki ntyarô s’akekizyô.
4Gw’agôm̃i m’intyugu ambaṉi ni ntyugu nay s’ôgwèli ôlônga, my’avegagi g’ôsaṽa w’ôrèmbo ômpôlô wô ne Idekèl. 5N’arômbiṉi myè antyo mam̃, n’avôni myè, na vôna, avegag’ôṉôm̃e boryô pa ni nkèmbo ya pupu, n’ôtumba wi sika ya teṉateṉa w’Ufaz diryô pa g’ôni wè. 6N’ôkuṽi wè w’avegagi ga kirizôliti, ôzô wè w’aṽambagi ga inônyingwèmbôlô, antyo mè m’avegagi ga ibam̃iṉa s’ôgôṉi, ago mè n’intyôzô sè ga nyènyè mbya, n’inyôy ny’agambi mè ga nyongolè yi nkondo mpôlô y’aṉaga. 7Na myè Danyèl, my’ayeṉ’ijeṉa, myè dadyè, n’aṉaga w’avegagi na myè wi pa jeṉe sô, ndô w’agôtyô n’itya sipôlô, n’awangi waô gô sombuṉa. 8N’alèki myè dadyè, n’ayeṉi myè ijeṉ’ipôlô siṉo; ngulu y’aziliṉi myè, ôzô wam̃ w’agalwi iboṉa, n’averyô myè, ne ngulu yôdu. 9N’ayogyô myè inyôy ny’agambi mè, na gw’ayogyô myè inyôy ny’agambi mè; my’agôtyô isènda ôzô mbè gô ntye. 10Na vôna, my’awatyô n’ôgo, n’azugyazugyi ampuṽi mam̃ n’ago mam̃. 11N’awulinyi yè myè inè: Danyèl, ôma wi tondô, vôganyô agamba mi be bulinya myè wè, ko kum̃aṉa gôre gô mbôra yi re wè; konde my’atôm̃ô vèṉo gôre wè. Gw’agambi yè yeṉo na myè, my’agum̃aṉi gôre ntatam̃iṉaga.
12N’awulinyi yè myè inè: Danyèl, arya; konde avila gô ntyugu nônga y’avegagi wè n’ôrèm̃a gô kôtiza, na gô sôny’ôkuṽi wo g’ôzô w’Anyambyè yo, agambi mo m’ayogaṉô, my’are bya pa g’ômwanja w’agambi mo. 13Ôvangiṉi w’iṉongo nyi Paras anweṉi na myè agôm̃i m’intyugu ambaṉi ni ntyugu mori, ndô Mikaèl, ôm̃ori avila gôr’ivangiṉ’impôlô, aṽyeṉi gô nunguṉa myè, n’alwaṉi myè vovo n’aga wi Paras. 14My’abya vèṉo gô myezo ga nte be twa gôr’iṉongo nyo gô gômbe ṉum̃uṉa, konde ijeṉa si p’are gô gômbe mèyoṉo.
15Gw’agambagi yè na myè agamba miṉo, my’avôni gô ntye, alwaṉa dodo. 16Na vôna, ôma avegagi n’ebagaṉô z’awaṉa w’aṉaga awat’iṉumbu yam̃. Aṉunguṉi myè ôgwaṉa, agambi myè, n’awulinyi myè yè y’agum̃aṉi swaswo na myè inè: Reri yam̃, ijeṉa s’ajônyi myè n’ererya, na my’aperyô ni ngulu yôdu. 17Nyôngô ya reri yam̃ ko jolye kamba na reri yam̃ sè? Ndô vèṉo my’asiliṉô ngulu, na my’azele nyèṉè n’ômwèy. 18Vovo ayè y’avegagi n’ebagaṉô z’ôma arô bwati myè, ayoliza myè. 19N’awulinyi yè myè inè: Arya, awè ôma wi tondô, am̃ènjè mi ga lwaṉe na wè! Zindy’ôrèm̃a! Zindy’ôrèm̃a! Na gw’agambagi yè na myè, my’arô dèngi ngulu, n’awulyi myè inè: Reri yam̃ e ga gambe, konde ô re joliza pa myè.
20N’awulinyi yè myè inè: W’avôrô ntiṉa y’abya myè gôre wè? Ndô vèṉo mi fwinya gô nwa n’ôvangiṉi wi Paras; na gô be kènda myè, vôna, ôvangiṉi wi Yavan e be bya. 21Ndô mi bele myezo ga nt’are tèndô pa gw’ezangô z’ôrèti. E zel’ôma wi nunguṉa myè gô sira mongi mèsoṉo, tômbare pa Mikaèl, y’ôvangiṉi waṉi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.