HOSEA 6
6
To Isaraeli bareʼe monco-monco kojo kajeanya
6:1–7:2
1Waʼa nto Isaraeli mantoʼo, “Maʼi kita da mewalili ri Pue. Siramo anu mampakajuʼa kita, paikanya Sira woʼu anu da mampakaʼosa. Sira anu mampaka wela, paikanya Sira woʼu anu da mangawewesi waʼa mbelata. 2Ri raya anu radua bara anu tatogo eo seʼi Sira da mampakaʼosa kita, pai kita da tuwu ri raya pangkariania. 3Inceʼe painaka maʼimo tapompari-mpari ri gori ngkamonconya mangaincani i Pue. Manoto Sira da maʼi ri kita, da ewa powinangkasi ndeme, pai da ewa uja anu mangayoʼosi tana ri potando turo mpouja.”
4Paikanya ndatoʼo i mPue, “Ee Isaraeli pai Yahuda! Nunjaa anu sangaya-ngaya da nupowia ri komi? Mawomi ri Yaku sambinoroja, podo ewa gawu bara rini ri mpowuro. 5Incetu puʼunya Yaku mampokau waʼa nabi-Ku da mangamparata ri komi botusiku, kakominya sangaya-ngaya da ndahuku pai ndagero. Anu kupodaraya ungka ri komi inceʼemo yosa pai manasa: 6#Mat. 9:13, 12:7 Anu kupokono inceʼe komi mangaincani Yaku pai da mampotowe Yaku, painaka komi maʼombasi pai mampanyombaka panyomba ri Yaku.
7 #
Luk. 21:22
Paikanya ewa i Adama, komi malewa janjimi pai Yaku. 8Gilea inceʼemo kota anu buke pai waʼa ntau majaʼa pai topopepate. 9Waʼa ntadu mpanyomba ri kota setu bareʼemo sala ewa sadompu gerombola mparampo anu mangantundani tau anu moliu. Ri jaya anu da njoʼu ri kareʼe anu magali ri Sikemi ntano nawianaka ntau seʼe pepepate! Pura-pura jaʼa setu naʼoamo ntau seʼe mangawianaka. 10Ri Isaraeli Kukita sangaya anu ndapengkundidika; waʼa ntauku mampakakarika koronya pai panyomba ri lamoa.
11Kakononya komi, ee to Yahuda, roomo kupakanoto temponya da mangahuku komi woʼu ua powiami.”
Currently Selected:
HOSEA 6: LAIPMF
Highlight
Share
Compare
Copy
Want to have your highlights saved across all your devices? Sign up or sign in
