KUTUHUKA 22
22
1Kachi mutu meya ngombe hanji panga mba mamushiha chipwe mamulanjisa, iye akafwete ngombe atano ha ngombe umuwika. Mapanga awana ha panga umuwika.
2Nyi makwata mwiji kanalokola zuwo, mamulamba chocho mafwa, kukuchi kapwa uhiso wa manyinga mumu hali iye. 3Kachi tangwa mulimuvumbukila, kumukukapwa uhiso wa manyinga mumu hali iye. Akahilwise yeswe. Nyi mokomoko ali, akamulanjise mumu ha wiji wenyi. 4Kachi mawana chuma cha wiji ku kwoko lienyi chichili ni mwono, chipwe ngombe, chipwe chimbulu, chipwe panga, iye akafwete kaali.
5Kachi mutu maliwisa munda, chipwe wa uva, nyi mazulwila chimuna chenyi mba malia ku munda wa mbala, akahilwise yeswe ya ku yuma yipema yahiana ya mu munda wenyi wa uva, hanji ya mu wande wenyi.
6Kachi kahia mukasambuka mba mingonga muyikwata kahia chocho yichita ya mbuto muyiwema, chipwe mbuto yize yichili ku ulime chipwe munda, yoze wawikanga ke kahia akahilwise yeswe lume.
7Kachi mutu makunjika kuli mwenyembo wenyi mbongo hanji yikumba akayitulike, mba mamwiyayo ku zuwo lia mwe mutu, nyi mawana mwiji, akafwete kaali. 8Alioze nyi kechi kuwana mwiji mba mwenya zuwo mamuhetesa kuli ngaji akatale nyi iye mwene kakwachile ni kwoko lienyi ye yikumba ya mwenyembo wenyi.
9Ha yikuma yeswe ya uvulumunyi chipwe ha kutwala ku ngombe, hanji chimbulu, hanji panga, hanji mahina, hanji chuma cheswacho chatoka chize mutu mavuluka ngwenyi, Acho nichami. Liji, lia eswe aali likahete kumeso ja ngaji. Yoze mamuhisa kuli ngaji akafwete kaali kuli mukwo.
10Kachi mutu makunjika kuli mukwo chimbulu, hanji ngombe, hanji panga, hanji chimuna, akamwajilileye, mba mafwa, hanji malemana, hanji matoka, niumwe kuchimona wakuhi. 11Shingo lia Yehova likapwe hakachi ka eswe aali ngwenyi, Chakwachile ku yuma ya mukwetu. Mba mwenyacho akachifuliele, kanda akachifweta. 12Alioze nyi mamwiyacho, akahane cheka kuli mwenyacho. 13Nyi hapapuluka yipinji akamuhetese ha yela. Kanda akafweta yoze wapapuluka.
14Kachi mutu matambula chimuna kuli mukwo mba malemana hanji mafwa, kako te keshiko; akamuhilwishile weka. 15Kachi mwe kako mapwa hamwe nenyi, kanda akamuhilwishila weka. Kachi wapwa wa fweto, kejilanga fweto yenyi.
16Kachi lunga masongojola mwana-pwo yoze te kanda achipomba ni lunga, kanda achimutenda, mba mapomba nenyi, kachi iye akafwete chihako lume hali iye, akapwe mukwo-pwo. 17Kachi tato ya mwana-pwo kasolo pundu kumwahaye, mwe lunga akafwete mbongo nikulita ni yihako ya ana-mapwo waze kanda achipomba ni malunga.
18Kanda ukatayiza chimbanda kutwama ni mwono.
19Mweswawo mapomba ni kashitu, akamushihe lume.
20Yoze matambula kuli kazambi keswako shina Yehova wika, akamwonwone liakulu.
21Kanda ukalinga chipi kuli njize chipwe kumumwesa lamba, ka. Mumu yenu nwapwile njize mu chifuchi cha Engitu. 22Kanda nukayindamisa twamishi wa pwo chipwe mwana-shiwa, ka. 23Kachi munwayindamisa chimwe mba o mateta kuli yami kachi chamwenemwene kumungwivwa muteto wo. 24Mba utenu wami muukasasaminya, kumungukamushiha ni katana. Akwenumapwo kumakapwa tuliwa; ana jenu ashiwa.
25Kachi muhana mbongo ja makongo kuli chiswale mweswawo wa atu jami, kanda ukapwa kuli iye mukwa kuhana mbongo chipwe kanda ukamufwetesa mbwezo. 26Nyi hanji mutambula uzalo wa mukwenu ukapwe chifungo, umuhilwishilewo shimbu tangwa kanda likatoka. 27Mumu lioliene kuliapwa lia kulifuka nalio. Kuliapwa hina lia ku mujimba wenyi. Neka mapomba? Mba muze iye mateta kuli yami, kumungwivwa, mumu yami mukwa vumbi.
28Kanda ukashililika Zambi. Chipwe kanda ukatuka mukwa kuyula atu je.
29Kanda ukalaluka kutambula ya ku kulumbama cha mbuto ye, ni ya ku maji a mu ukamino we.
Tupula-majimo a kuli ané a malunga ukaahane kuli yami. 30Chizechene ukalinge ni ngombe je ni mapanga je. Mwana atwame ni naye matangwa shimbiali. Ha tangwa liamuchinake ukamuhane kuli yami.
31Nukapwe atu asandu kuli yami. Kashika kanda nukalia yifwo niyimwe yize vinapapuluka kuli tushitu a mu yambu. Nukayimbile ku tuwa.
Currently Selected:
KUTUHUKA 22: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
KUTUHUKA 22
22
1Kachi mutu meya ngombe hanji panga mba mamushiha chipwe mamulanjisa, iye akafwete ngombe atano ha ngombe umuwika. Mapanga awana ha panga umuwika.
2Nyi makwata mwiji kanalokola zuwo, mamulamba chocho mafwa, kukuchi kapwa uhiso wa manyinga mumu hali iye. 3Kachi tangwa mulimuvumbukila, kumukukapwa uhiso wa manyinga mumu hali iye. Akahilwise yeswe. Nyi mokomoko ali, akamulanjise mumu ha wiji wenyi. 4Kachi mawana chuma cha wiji ku kwoko lienyi chichili ni mwono, chipwe ngombe, chipwe chimbulu, chipwe panga, iye akafwete kaali.
5Kachi mutu maliwisa munda, chipwe wa uva, nyi mazulwila chimuna chenyi mba malia ku munda wa mbala, akahilwise yeswe ya ku yuma yipema yahiana ya mu munda wenyi wa uva, hanji ya mu wande wenyi.
6Kachi kahia mukasambuka mba mingonga muyikwata kahia chocho yichita ya mbuto muyiwema, chipwe mbuto yize yichili ku ulime chipwe munda, yoze wawikanga ke kahia akahilwise yeswe lume.
7Kachi mutu makunjika kuli mwenyembo wenyi mbongo hanji yikumba akayitulike, mba mamwiyayo ku zuwo lia mwe mutu, nyi mawana mwiji, akafwete kaali. 8Alioze nyi kechi kuwana mwiji mba mwenya zuwo mamuhetesa kuli ngaji akatale nyi iye mwene kakwachile ni kwoko lienyi ye yikumba ya mwenyembo wenyi.
9Ha yikuma yeswe ya uvulumunyi chipwe ha kutwala ku ngombe, hanji chimbulu, hanji panga, hanji mahina, hanji chuma cheswacho chatoka chize mutu mavuluka ngwenyi, Acho nichami. Liji, lia eswe aali likahete kumeso ja ngaji. Yoze mamuhisa kuli ngaji akafwete kaali kuli mukwo.
10Kachi mutu makunjika kuli mukwo chimbulu, hanji ngombe, hanji panga, hanji chimuna, akamwajilileye, mba mafwa, hanji malemana, hanji matoka, niumwe kuchimona wakuhi. 11Shingo lia Yehova likapwe hakachi ka eswe aali ngwenyi, Chakwachile ku yuma ya mukwetu. Mba mwenyacho akachifuliele, kanda akachifweta. 12Alioze nyi mamwiyacho, akahane cheka kuli mwenyacho. 13Nyi hapapuluka yipinji akamuhetese ha yela. Kanda akafweta yoze wapapuluka.
14Kachi mutu matambula chimuna kuli mukwo mba malemana hanji mafwa, kako te keshiko; akamuhilwishile weka. 15Kachi mwe kako mapwa hamwe nenyi, kanda akamuhilwishila weka. Kachi wapwa wa fweto, kejilanga fweto yenyi.
16Kachi lunga masongojola mwana-pwo yoze te kanda achipomba ni lunga, kanda achimutenda, mba mapomba nenyi, kachi iye akafwete chihako lume hali iye, akapwe mukwo-pwo. 17Kachi tato ya mwana-pwo kasolo pundu kumwahaye, mwe lunga akafwete mbongo nikulita ni yihako ya ana-mapwo waze kanda achipomba ni malunga.
18Kanda ukatayiza chimbanda kutwama ni mwono.
19Mweswawo mapomba ni kashitu, akamushihe lume.
20Yoze matambula kuli kazambi keswako shina Yehova wika, akamwonwone liakulu.
21Kanda ukalinga chipi kuli njize chipwe kumumwesa lamba, ka. Mumu yenu nwapwile njize mu chifuchi cha Engitu. 22Kanda nukayindamisa twamishi wa pwo chipwe mwana-shiwa, ka. 23Kachi munwayindamisa chimwe mba o mateta kuli yami kachi chamwenemwene kumungwivwa muteto wo. 24Mba utenu wami muukasasaminya, kumungukamushiha ni katana. Akwenumapwo kumakapwa tuliwa; ana jenu ashiwa.
25Kachi muhana mbongo ja makongo kuli chiswale mweswawo wa atu jami, kanda ukapwa kuli iye mukwa kuhana mbongo chipwe kanda ukamufwetesa mbwezo. 26Nyi hanji mutambula uzalo wa mukwenu ukapwe chifungo, umuhilwishilewo shimbu tangwa kanda likatoka. 27Mumu lioliene kuliapwa lia kulifuka nalio. Kuliapwa hina lia ku mujimba wenyi. Neka mapomba? Mba muze iye mateta kuli yami, kumungwivwa, mumu yami mukwa vumbi.
28Kanda ukashililika Zambi. Chipwe kanda ukatuka mukwa kuyula atu je.
29Kanda ukalaluka kutambula ya ku kulumbama cha mbuto ye, ni ya ku maji a mu ukamino we.
Tupula-majimo a kuli ané a malunga ukaahane kuli yami. 30Chizechene ukalinge ni ngombe je ni mapanga je. Mwana atwame ni naye matangwa shimbiali. Ha tangwa liamuchinake ukamuhane kuli yami.
31Nukapwe atu asandu kuli yami. Kashika kanda nukalia yifwo niyimwe yize vinapapuluka kuli tushitu a mu yambu. Nukayimbile ku tuwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.