KUTUHUKA 21
21
1Yiyulo yino mukayisela ku meso jo. 2Kachi mulanda ndungo Ka-Hepreu, akavumbike miaka yisambano. Ha mwaka wamuchishimbiali akatusuke chawana. 3Kachi iye manjila ukawenyi, kachi akatuhuke ukawenyi. Kachi hambata pwo, kachi pwo lienyi akatuhuke hamwe nenyi. 4Kachi kako mamwaha pwo mba iye mamusemena ana a malunga ni ana a mapwo, kachi mwe pwo ni e ana mapwa a mbala a kako, lunga akatuhuke ukawenyi. 5Alioze nyi ndungo mapatula pundu ngwenyi, Ami kunazanga kaka ni mukwetu-pwo ni ana jami, chazangile kutusuka. 6Henaho kako akamuhetese kuli ngaji. Amunehe ku chikolo chipwe ku yipamba ya ku chikolo. Mwe kako akamutuwe twitwi lienyi ni katwalo. Iye akamuvumbike ndo ku miaka ya mutolo.
7Kachi umwe lunga malanjisa mwanenyi wa pwo akapwe ndungo, kanda akatuhuka chizechene ngwe ndungo ja malunga. 8Kachi mapihila kako yoze wamutendele kachi até, amukule.
Kechi kuhasa kumulanjisa kuli tundaka se halinga nenyi ni mafwefwe. 9Kachi mamuhangisa kuli mwanenyi wa lunga kachi akalinge nenyi nikulita ni shimbi ya anenyi a mapwo. 10Nyi mambata mukwo, kanda akakehesa kulia chenyi, chipwe mahina jenyi, chipwe ndako ya ulo wenyi. 11Mba nyi lunga kechi kumulingila yino yuma yitatu, mba iye akatusuke chawana. Kechi kufweta mbongo, ka.
12Yoze malamba mutu, mba mafwa akamushihe lume. 13Nyi mutu kechi kujikinyina mukwo alioze Zambi mamukunjika ku kwoko lienyi, yami mungukamusela chihela cha kuchinyinako. 14Nyi mutu mavwila shili mwenyembo wenyi mukumushiha ni kalimbalimba, ukamuchize ku chilumbilo chami, akafwe.
15Yoze malamba tato hanji naye, akamushihe lume.
16Yoze meya mutu nikumulanjisa, hanji mamuwana nenyi, akamushihe lume.
17Yoze mashililika tato hanji naye, akamushihe lume.
18Nyi malunga mazwela, umwe malamba mukwo ni liwe chipwe ni kome, mba mapomba ha muhela nikuyiza hindu kechi kufwa. 19Kachi iye mahinduka nawa, maya haze nikujikijila ha mulumbu wenyi, kanda akasuma mutonga yoze wamulamba. Akafwete wika matangwa aze a kuyiza chenyi. Akamuhindwise liakulu.
20Kachi mutu malamba ni mbwechi ndungo yenyi wa lunga, hanji ndungo yenyi wa pwo, mba mafwa ni kwoko lienyi, akamukale. 21Hindu nyi iye matwama ni mwono matangwa amwe, kanda akamukala mumu iye mbongo jenyi.
22Kachi atu mazwela, malemeka kafumbakaji chocho maselumuna mwana, alioze kukuchi kupwa ulema, akamufwetese lume, nikulita ni chize mukwo-lunga mamusela. Iye akafwete ngwe ngaji matongola. 23Alioze kachi ulema umwe muusoloka kachi akahane mwono ha mwono, 24liso ha liso, lizo ha lizo, kwoko ha kwoko, kulu ha kulu, 25kuwema ha kuwema, ulema ha ulema, mujiji ha mujiji.
26Kachi mutu malamba liso lia ndungo yenyi wa lunga, hanji liso lia ndungo yenyi wa pwo, mamushihalio, akamutusule mumu ha liso lienyi. 27Kachi mapukula lizo lia ndungo yenyi wa lunga, hanji lizo lia ndungo yenyi wa pwo, akamutusule mumu ha lizo lienyi.
28Kachi ngombe mapupa ni mbinga lunga hanji pwo, mba mafwa, akase mawe mwe ngombe. Kanda akalia yifwo yenyi. Kako wa mwe ngombe kanda amusuma mutonga. 29Alioze nyi mwe ngombe wapwile nikupupa matangwa a kunyima, mba yachishindakenya kuli kako, hindu kamwajilile, alioze hashiha lunga hanji pwo, akase mawe mwe ngombe. Akashihe nawa mwe kako.
30Kachi mamusela ndando ya kuka kachi akahane ukule wa mwono wenyi cheswacho mamuselacho. 31Chipwe hapupa ni mbinga mwana-lunga, chipwe hapupa ni mbinga mwana-pwo, nikulita ni chiyulo chino akalinge kuli iye. 32Nyi ngombe mapupa ni mbinga ndungo wa lunga hanji ndungo wa pwo, akahane kuli kako makumi atatu a shekele ja prata. Akase mawe mwe ngombe.
33Kachi mutu mashikulula wumbu hanji mashima wumbu kulishi kufuka, mba hanji ngombe hanji chimbulu maholokelamo, 34mukwa wumbu akafwete. Akahane mbongo kuli kako. Kashitu yoze wafwa akapwe niwenyi.
35Kachi ngombe wa mutu umwe malemeka ngombe wa mbala mba mafwa, kachi akalanjise ngombe wa mwono akalipangile ye ndando. Akalipangile nawa yoze wafwa. 36Alioze nyi hanyingika ngwo, Mwe ngombe wapwile nikupupa matangwa a kunyima, kako kamukuchikileko. Iye akafwete lume ngombe ha ngombe. Kashitu yoze wafwa akapwe niwenyi.
Currently Selected:
KUTUHUKA 21: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
KUTUHUKA 21
21
1Yiyulo yino mukayisela ku meso jo. 2Kachi mulanda ndungo Ka-Hepreu, akavumbike miaka yisambano. Ha mwaka wamuchishimbiali akatusuke chawana. 3Kachi iye manjila ukawenyi, kachi akatuhuke ukawenyi. Kachi hambata pwo, kachi pwo lienyi akatuhuke hamwe nenyi. 4Kachi kako mamwaha pwo mba iye mamusemena ana a malunga ni ana a mapwo, kachi mwe pwo ni e ana mapwa a mbala a kako, lunga akatuhuke ukawenyi. 5Alioze nyi ndungo mapatula pundu ngwenyi, Ami kunazanga kaka ni mukwetu-pwo ni ana jami, chazangile kutusuka. 6Henaho kako akamuhetese kuli ngaji. Amunehe ku chikolo chipwe ku yipamba ya ku chikolo. Mwe kako akamutuwe twitwi lienyi ni katwalo. Iye akamuvumbike ndo ku miaka ya mutolo.
7Kachi umwe lunga malanjisa mwanenyi wa pwo akapwe ndungo, kanda akatuhuka chizechene ngwe ndungo ja malunga. 8Kachi mapihila kako yoze wamutendele kachi até, amukule.
Kechi kuhasa kumulanjisa kuli tundaka se halinga nenyi ni mafwefwe. 9Kachi mamuhangisa kuli mwanenyi wa lunga kachi akalinge nenyi nikulita ni shimbi ya anenyi a mapwo. 10Nyi mambata mukwo, kanda akakehesa kulia chenyi, chipwe mahina jenyi, chipwe ndako ya ulo wenyi. 11Mba nyi lunga kechi kumulingila yino yuma yitatu, mba iye akatusuke chawana. Kechi kufweta mbongo, ka.
12Yoze malamba mutu, mba mafwa akamushihe lume. 13Nyi mutu kechi kujikinyina mukwo alioze Zambi mamukunjika ku kwoko lienyi, yami mungukamusela chihela cha kuchinyinako. 14Nyi mutu mavwila shili mwenyembo wenyi mukumushiha ni kalimbalimba, ukamuchize ku chilumbilo chami, akafwe.
15Yoze malamba tato hanji naye, akamushihe lume.
16Yoze meya mutu nikumulanjisa, hanji mamuwana nenyi, akamushihe lume.
17Yoze mashililika tato hanji naye, akamushihe lume.
18Nyi malunga mazwela, umwe malamba mukwo ni liwe chipwe ni kome, mba mapomba ha muhela nikuyiza hindu kechi kufwa. 19Kachi iye mahinduka nawa, maya haze nikujikijila ha mulumbu wenyi, kanda akasuma mutonga yoze wamulamba. Akafwete wika matangwa aze a kuyiza chenyi. Akamuhindwise liakulu.
20Kachi mutu malamba ni mbwechi ndungo yenyi wa lunga, hanji ndungo yenyi wa pwo, mba mafwa ni kwoko lienyi, akamukale. 21Hindu nyi iye matwama ni mwono matangwa amwe, kanda akamukala mumu iye mbongo jenyi.
22Kachi atu mazwela, malemeka kafumbakaji chocho maselumuna mwana, alioze kukuchi kupwa ulema, akamufwetese lume, nikulita ni chize mukwo-lunga mamusela. Iye akafwete ngwe ngaji matongola. 23Alioze kachi ulema umwe muusoloka kachi akahane mwono ha mwono, 24liso ha liso, lizo ha lizo, kwoko ha kwoko, kulu ha kulu, 25kuwema ha kuwema, ulema ha ulema, mujiji ha mujiji.
26Kachi mutu malamba liso lia ndungo yenyi wa lunga, hanji liso lia ndungo yenyi wa pwo, mamushihalio, akamutusule mumu ha liso lienyi. 27Kachi mapukula lizo lia ndungo yenyi wa lunga, hanji lizo lia ndungo yenyi wa pwo, akamutusule mumu ha lizo lienyi.
28Kachi ngombe mapupa ni mbinga lunga hanji pwo, mba mafwa, akase mawe mwe ngombe. Kanda akalia yifwo yenyi. Kako wa mwe ngombe kanda amusuma mutonga. 29Alioze nyi mwe ngombe wapwile nikupupa matangwa a kunyima, mba yachishindakenya kuli kako, hindu kamwajilile, alioze hashiha lunga hanji pwo, akase mawe mwe ngombe. Akashihe nawa mwe kako.
30Kachi mamusela ndando ya kuka kachi akahane ukule wa mwono wenyi cheswacho mamuselacho. 31Chipwe hapupa ni mbinga mwana-lunga, chipwe hapupa ni mbinga mwana-pwo, nikulita ni chiyulo chino akalinge kuli iye. 32Nyi ngombe mapupa ni mbinga ndungo wa lunga hanji ndungo wa pwo, akahane kuli kako makumi atatu a shekele ja prata. Akase mawe mwe ngombe.
33Kachi mutu mashikulula wumbu hanji mashima wumbu kulishi kufuka, mba hanji ngombe hanji chimbulu maholokelamo, 34mukwa wumbu akafwete. Akahane mbongo kuli kako. Kashitu yoze wafwa akapwe niwenyi.
35Kachi ngombe wa mutu umwe malemeka ngombe wa mbala mba mafwa, kachi akalanjise ngombe wa mwono akalipangile ye ndando. Akalipangile nawa yoze wafwa. 36Alioze nyi hanyingika ngwo, Mwe ngombe wapwile nikupupa matangwa a kunyima, kako kamukuchikileko. Iye akafwete lume ngombe ha ngombe. Kashitu yoze wafwa akapwe niwenyi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.