2 A-KORINDU 4
4
1Kashika se uvumbiko uno tuli nawo, nikulita ni keke yino hitunawane, kutushi kulezumioka: 2alioze hitunalituna yuma ya kuhengama ya sonyi; kutwendele ni kalimbavuli, chipwe kutwalongesele liji lia Zambi ni kalimbalimba; alioze ha kwambulula umwenemwene, twakusoloka kanawa ku mbunge ya atu eswe kumeso ja Zambi. 3Nyi kachi sango lietu linafukiwa, linafukiwa kuli waze anatoko: 4muli ayo zambi ya mwakono hanapupuchisa manyonga ja waze keshi kufuliela, hanga kupanguka cha sango lipema lia uhenya wa Kristu, Mwenawo che kulifwa cha Zambi, kuchichi kapanguka hali ayo. 5Mumu kutushi kuliambujola yetwene, alioze Kristu Yesu mwe Mwene, ni yetwene ndungo jenu mumu hali Yesu. 6Mumu iye Zambi, yoze wambile ngwenyi, Pangu lipanguke mu milima, mwenawo hanapanguka mu mbunge jetu, mukutwaha kupanguka cha chinyingi cha uhenya wa Zambi kumeso ja Yesu Kristu.
7Alioze upite uno tuli nawo mu yikwachilo ya uma, hanga kuhiana cha tachi chikapwe cha kuli Zambi, hi cha kuli yetwene ko. 8Kakutushinda chikolo ku malumbu eswe, hindu kutushi kushinana; twakukakashana, hindu kutushi kwecha kutalatala; 9kakutuhungumiona, hindu keshi kutwehuka; twakulambama hashi, hindu keshi kutwonwona; 10matangwa eswe twakumbata mu mujimba kufwa cha Yesu, hanga mwono nawa wa Yesu ukasoloke mu mujimba wetu. 11Mumu shimbu tuli ni mwono, kakutukunjika ku kufwa matangwa eswe mumu hali Yesu, hanga nwono nawa wa Yesu ukasoloke mu musunya wetu wa kufwa. 12Chocho kufwa kuchakulinga muli yetu, alioze mwono kuwakulinga muli yenu.
13Alioze se tuli ni Spiritu yimuwika ya Ufulielo, nikulita ni chize chinasonewa, ngwo, Nafulielele, kashika nahanjikile; ni yetu nawa kutwafuliela kashika twakuhanjika; 14tunanyingika yoze wahindwishile Mwene Yesu Kristu, makatuhindwisa yetu nawa hamwe ni Yesu, kumakatuhetesa kumeso jenyi hamwe ni yenu. 15Mumu yuma yeswe yinapu mumu hali yenu, hanga lie vumbi nikwoka kuli anji, likalumbamise kusakwila ha uhenya wa Zambi.
16Kashika kutushi kulezumioka; alioze kachi chamwenemwene mutu wetu wa haze mapola, hindu kakupwisa mutu wa muchima mwaha tangwa ha tangwa. 17Mumu luyinda wetu mulelu, wa kashimbu kano kakepekepe, kakulinga hali yetu kulumbama chahiana cha uhenya wa mutolo; 18shimbu kutushi kutala ha yuma yize yakumoneka, alioze ha yuma yize kuyamonekene: mumu yuma yize yakumoneka, ya shimbu wika, alioze yize kuyamonekene, ya mutolo.
Currently Selected:
2 A-KORINDU 4: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
2 A-KORINDU 4
4
1Kashika se uvumbiko uno tuli nawo, nikulita ni keke yino hitunawane, kutushi kulezumioka: 2alioze hitunalituna yuma ya kuhengama ya sonyi; kutwendele ni kalimbavuli, chipwe kutwalongesele liji lia Zambi ni kalimbalimba; alioze ha kwambulula umwenemwene, twakusoloka kanawa ku mbunge ya atu eswe kumeso ja Zambi. 3Nyi kachi sango lietu linafukiwa, linafukiwa kuli waze anatoko: 4muli ayo zambi ya mwakono hanapupuchisa manyonga ja waze keshi kufuliela, hanga kupanguka cha sango lipema lia uhenya wa Kristu, Mwenawo che kulifwa cha Zambi, kuchichi kapanguka hali ayo. 5Mumu kutushi kuliambujola yetwene, alioze Kristu Yesu mwe Mwene, ni yetwene ndungo jenu mumu hali Yesu. 6Mumu iye Zambi, yoze wambile ngwenyi, Pangu lipanguke mu milima, mwenawo hanapanguka mu mbunge jetu, mukutwaha kupanguka cha chinyingi cha uhenya wa Zambi kumeso ja Yesu Kristu.
7Alioze upite uno tuli nawo mu yikwachilo ya uma, hanga kuhiana cha tachi chikapwe cha kuli Zambi, hi cha kuli yetwene ko. 8Kakutushinda chikolo ku malumbu eswe, hindu kutushi kushinana; twakukakashana, hindu kutushi kwecha kutalatala; 9kakutuhungumiona, hindu keshi kutwehuka; twakulambama hashi, hindu keshi kutwonwona; 10matangwa eswe twakumbata mu mujimba kufwa cha Yesu, hanga mwono nawa wa Yesu ukasoloke mu mujimba wetu. 11Mumu shimbu tuli ni mwono, kakutukunjika ku kufwa matangwa eswe mumu hali Yesu, hanga nwono nawa wa Yesu ukasoloke mu musunya wetu wa kufwa. 12Chocho kufwa kuchakulinga muli yetu, alioze mwono kuwakulinga muli yenu.
13Alioze se tuli ni Spiritu yimuwika ya Ufulielo, nikulita ni chize chinasonewa, ngwo, Nafulielele, kashika nahanjikile; ni yetu nawa kutwafuliela kashika twakuhanjika; 14tunanyingika yoze wahindwishile Mwene Yesu Kristu, makatuhindwisa yetu nawa hamwe ni Yesu, kumakatuhetesa kumeso jenyi hamwe ni yenu. 15Mumu yuma yeswe yinapu mumu hali yenu, hanga lie vumbi nikwoka kuli anji, likalumbamise kusakwila ha uhenya wa Zambi.
16Kashika kutushi kulezumioka; alioze kachi chamwenemwene mutu wetu wa haze mapola, hindu kakupwisa mutu wa muchima mwaha tangwa ha tangwa. 17Mumu luyinda wetu mulelu, wa kashimbu kano kakepekepe, kakulinga hali yetu kulumbama chahiana cha uhenya wa mutolo; 18shimbu kutushi kutala ha yuma yize yakumoneka, alioze ha yuma yize kuyamonekene: mumu yuma yize yakumoneka, ya shimbu wika, alioze yize kuyamonekene, ya mutolo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.