Korint I 6
6
HEB NONGEN LE GORD ASU KRISTEN.
1Hanguruen ademu i derbe, be heb longu le gord i da ndro muar hom ndere i da bo gord le ndro ndern, mu da daui gord le ndro su labenen ber gor, su Haiden, derbe? De danmu hinen gord ogo le moleng asu Kristen bui. 2De danmu i bui, su lao Helian ad Jesu Kristo su gdieni gor masi bersi muren, be mu gob gord le ndro su gor masi, de danmu hinen longu hendre e hendre monen le dogromu bui? Mu de ndoa le hinen gord monen le longu hendre e hendre molhege dagara? 3De danmu i bui, bersi muren mu gdieni su Angelo lie? Ndangen aga gord molhege gle heb memrad ademu. 4Be heb gord i da ndro mu gle memrad ber boan, desa mu da hilou le ndro su Haiden, su ghinen gord ogo gmonen? 5Hian bombulmu i gmesi gle bern ademu momen dagara. Homo i da le dogromu bui i da hinen gord ademu gmonen? 6Homo i da rui ndern aden le ndro su Haiden ber gor ademu. 7Aga longu hendre momen be mu da bo gord sidesi gle memrad ademu, ha somui ri be su da gob momen le ndro mu, be su da behena longu ademu. 8Malabo mu da bo momen le ndro su ndern, le ndro su Kristen, mu da behena memrad asu. 9De danmu i bui, homo i de danen meher le gor lundielang bui, i da bo longu momen. Mbue bahilou meluamu! Su da bo sungsou, su da dirhor le ndro su beld, su da robuldi nambulsu, su da bo longu momen le mandrsu, su da rui su ndurgamel mbunana, 10su da behena, su da bahilou, su da ilmui ndrunvain mabosanged, su da gogobami su, su daiandra med, su de meher le gor lundielang bui. 11Su holel ademu su dagara goru dege su ndramed ogo, malabo Ndorlaben gin sibui longu ademu momen gineao, mu helian ge, bergolmu i rosan ge, le ngarn ad Ndorlaben Jesus Kristo le ndoui ad Meluan Jehova.
12Uo bai: Io dono hinen longu masigane, ehe, io bai: Longu masigane i da hian le ndro uo bui, no bai: Io dono hinen longu masigane, ehe, be longu hendre i da hosi uo, i da ndounen uo, aga momen. 13Uo bai: Gan gle ndrnen, ndrno gle gan. Io bai: Ehe, Jehova i da ndumbue ndrnem, ma i da ndumbue gan anem bersi muren, Jehova i mbueren mandru gle longu sungsou, mandru gle ndro Ndorlaben, ma Ndorlaben i la mandru. 14Jehova i da gin hingeni Ndorlaben le ngad aden, ndoui aden i hingeni du lie le ngad adu. 15De danmu i bui mandrmu aga mandrn Jesu Kristo? Io hedi mandrn ad Jesu Kristo, io hengeni le ndro ndremda sungsou io gob momen leri? Bugane. 16De danmu i bui, ar homo i rui bihin le longu sungsou mandrn i da bersi, dege su gin hondre, sor marmou sor bersi. 17Ar homo i daui mandrn gle Ndorlaben meluan ma Meluan ad Jesu Kristo i da bersi ge. 18Gu vob le longu masi momen, le longu ber sungsou, ar hom ndramed i hinen longu hendre e hendre momen, i da bo momen le mandrn bui. Ar homo i da bo longu sungsou, i bo momen gle mandrn. 19De danmu i bui, mandrmu aga um ad Meluan Helian, i da le ndrnemu, Jehova gin hengen le ndro mu, mandrmu ademu bui? 20I gin semani mu gle memrad dsoln, gabmugueni Jehova le mandrmu.
Currently Selected:
Korint I 6: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
