Korint I 5
5
HEG NONGEN LE LONGU HENDR E HENDR MOMEN BER GOR KORINT.
Gord ad Paulus le ndro homo i da bo longu sungsou.
1Ngarnongen i hilou le gor masi, le longu momen i da le molengamu, longu le sungsou, ngarnongen le longu momen manden ge, i da le molengasu Haiden bui, homo i da medir le um ad numbulen ad damen. 2Malabo mu da beg mugueni bern ademu, bergolmu de reng bui, le longu momen ogo manden i da le molengamu? 3Ehe, mondro i da manan ge le gor ademu. Meluo i da le gor ademu. Io da gin bo gord le ndro ndramed i da gin hinen longu momen manden dagara, io da gin hinen le ndro i gord boen, io dege le gor ademu. Io gin dieni ndramed ogo. 4Iou da beg hilou me goure le ngarn ad Ndorlaben Jesu Kristo, meluo ma ndoui ad Ndorlaben Jesu Kristo ma mu masigane. 5Iou beg doui mandrn ad ndramed ogo le ndro Satan, i rii mandrn, debosan meluan i gina momen ge le rang ad Ndorlaben Jesu Kristo, i da beg mehere.
6Mugueni ademu i da heb hian monen bui, de danmu bui, heb drib i da iau le vlouer masigane. 7E bieni longu momen sagen ogo, boen bergolmu i houen ge. Mu Kristen, Ndorlaben gin rumburdi mu le longu masi momen, Kristus i gin surien longu adu momen ber goru. I ndurmeh adu, su gin daii i. 8Iou da beg bo gous, beg mugmug ge, le bern houen, le bergoln rosan hian ge. Iou bieni bern sagen, longu momen e hanguruen momen.
9Io gin hondre le ndro mu goru: Mbue mu da baghege le ndro su, su da bo longu momen, le sungsou. 10Aga i de vonei bui, mu gbieni su, su da bo longu momen, su da bo sungsou, su da behena, su da bahilou, de su da dirhor le ndro su beld. Be mu beg bieni su, mu gbieni gor boan ogo sumburdi. 11Io gin hondre le ndro mu, mbue da baghege ndro homo, i hom Kristen, i da bo longu momen, i da bo sungsou, i da bahilou, i da dirhor ndro su beld, i da gogobaini su, i da ilmui longu mabosanged momen. I hom daiian ndramed, mbue da le mandrgos geao ad hom ndramed dagara. 12Io da hanguruen su ndramed ber gor bugane, io de dieni su Haiden bui, io hanguruen su Kristen malabo. 13Jehova, i ge, i gdieni su Haiden. Robuldi ndramed momen i da le molengamu giao.
Currently Selected:
Korint I 5: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
