Korint I 3
3
1Mu ndere hian, be io da gin meher ndro mu hanu, io de gin bohernou le ndro mu dege le ndro su ndramed ad Meluan Helian bugane. Io da gin bohernou le ndro mu dege le ndro su ndramed ber boan. Mu dege mamamei le ndoui ad Kristo. 2Io da gin hengen le ndro mu sus ge, heb gan ndoa bui, de danmu gien gan ndoa masou, ehe, malabo lie de danmu ien gan hian masou. 3Mu da hanguruen ge longu le sengen ademu molhege. Be bahun i da le molengamu, mu da hanguruen longu ber sengen ge, mu da dogi dege su ndramed ber gor. 4Be homo i bai: Io ad Paulus, homo i bai: Io ad Apolos, ndangen mu dege su ndramed masi ber boan molhege.
5Apolos i sie, Paulus i sie? Su lao dandendegei ad Jesu ge. Sor da gin bohernou le ndro mu nongen le Ndorlaben, homo i da bo mburer ad Ndorlaben, ma homo lie, dege Ndorlaben gin henunuen i. 6Io gin daui mu le boan, Apolos i gin bogulue mu le beleng, Jehova, i ge, i gin hengen ndoui aden le ndro mu, mu gin menda. 7Homo i da daui gan le beleng, i hom molhege, dagara i, i da bogulue beleng i molhege, Jehova ge, i da hengen ndoui gle gan i da reg hian ge, i Ndorlaben. 8Homo i da daui gan le beleng, i dege homo i da bogulue beleng, sor marmou sor da bo mburer ge. Ndorlaben i hengen le ndro su gle memrad ber lang, le ndro homo ma homo, le surien mburer aden. 9Iou da bo mburer ad Jehova ge. Mu ge, mu beleng ad Jehova, mu um ad Jehova ge. 10Io dege ndremda marbahar, Jehova i gin hengen ndoui aden me ndro io. Io da gin daui bahud ber um, homo i da bo mburer le um lie, i daui gei heie e heie, beg mengseni um boen. 11Jesus Kristo, i ge, i gin sindrdi bahud, aga mburer aden ge. Ndangen, Jesu Kristo i bahud ber um. 12Be homo i da hidi gei ndoun ndoun, de gei molhege, momen ge, 13bersi muren dansu i, sehe mburer uo da gin hinen i. Jehova i da ilndri mburer adem, i danen mburer adem uo da gin hinen i, i hian, de i momen, molhege. I da ndoa be ior manden, i ngoh le gemis manden i da mehere, de i gbud. 14Be um aden i da gin mengseni i ndoa ge, i de glos bui, Ndorlaben surien mburer aden hian. 15Be mburer adem gina los, gina boan sumburdi, surien le mburer adem bui. Ndorlaben i rumburdi i, dege homo i da rumburdi ndramed le um hom, moan beg dilmui i.
16De danmu i bui, mu um ad Jehova, Meluan Helian gin ibdi mu le um aden? 17Ar homo i ndumbue um ad Jehova, Jehova i ndumbue i lie, um ad Jehova i helian, mu ge, mu um ad Jehova. 18Mbue bahilou gle meluamu, ar homo i ha lengi i hom labenen ber gor, i gbieni longu masi hian ber gor, boen i ibdi memrad hian ber lang. 19Ar homo i danen memrad ge ber boan, aga molhege le ndro Ndorlaben Jehova, dege homo gin hondre: Memrad ber boan ma hanguruen gleri, aga i dege gahu su bor ni gleri. Bersi su hosi i gle gahu aden. 20Homo i gin hondre lie: Ndorlaben i danen hanguruen asu labenen, asu ndremda marbahar, hanguruen asu molhege. 21Mbue mugueni hom ndramed, longu masi ber boan i ademu. 22Paulus i ademu, Apolos sor Kevas i ademu, gor masi i ademu, ar mu da mamaren ar mu na gmed, longu masigane i ademu, malabo ma bersi muren lie. 23Mu ge, mu ad Kristo, Kristo i ad Jehova.
Currently Selected:
Korint I 3: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
