Kalatiya 4

1O romasato a sowal ako i, yo o wawaho ko mamirocok to dafong no tawki i, talacowa o no ningra koya dafong a ma^min, nikawrira, malcad ato koli cingra. 2Nawhani makowan no midipotay ato misimaway koya wawa tangasa i nipatonekan no mama ningra a romi'ad. 3Malcad tonini kita. Yo caayho ka'ikes ko pitoor ita to Kawas i, makowanho no tahaf no hkal a lkakawa no lisinan kita. 4Nikawrira, yo maraodto ko nipatonekan no Kawas a romi'ad i, ocoren no Kawas ko Wawa Ningra. Pakaynien Ningra i fafahiyan ko pihofoc Cingraan. Makowan no Rikec ko 'orip Ningra. 5Onini i, o sapitdalaw Ningra to tamdaw a paliyas nai sakowan no Rikec. Ta manga'ay kita a malawawa no Kawas.

6O sapahapinangaw no Kawas to nika o wawato Ningra kita saka, ocoren no Kawas ko todong no tireng no Wawa Ningra a 'Adingo a papicomod i faloco' ita a papilkal <<Ama: Wamaaw!>> titaanan. 7Orasaka, caayto ko koli kiso, o wawato no Kawas kiso. Tona o wawato no Kawas kiso saka, o mamirocokto kiso to dafong no Kawas.

O Sida'it ni Pawlo to i Kalatiyaay a Salikaka

8Yo caho ka fana' kamo to Kawas i ti:yaho i, malakoli no caay ko so'linay a kawakawas. 9Nikawrira, mafana'to kamo to Kawas anini. Ikaka ko nika fana' no Kawas i tamowanan. Nawiro pasayra haca kamo i tadancaay, awaay ko ^poc a lkakawa no lisinan saw? Nawiro mangalay kamo a miliyaw a malakoli nangra saw? 10Ma'imer kamo to romi'ad ato folad ato mihcaan ato kasa'owac no mihcaan. 11Maroray kako a miharateng tamowanan. Matalaw kako to kalasawadan no nitayalan ako i tamowanan.

12Salikakaaw, ngitangiten ako kamo, nanay matiya o faloco' ako ko faloco' namo. Nawhani matiya o faloco' namo ko faloco' ako. Awaay ko ccaccay aca a tatiihay a dmak namo i takowanan. 13Mato nika fana' namo, o sakapipatnak to Nga'ayay Ratoh ako i tamowanan i sa'ayaw i, o nika adada no tireng ako. 14Talacowa mapakaroray no adada ako kamo, nikawrira, caay pi^pec, caay ka 'osi kamo takowanan. 'Arawhani, matiya o mihamhamay to coyoh no Kawas, matiya o mihamhamay ci Yis Kristoan ko nipihamham namo i takowanan. 15Talacowa sato koya lipahak namo i tiyaho saw? Pasowal kako to pakayniay i tamowanan. O harateng namo itiya i, ano mamanga'ay a dicohen namo ko mata no tireng namo i, sapaflian sa kamo i takowanan kiyami? 16Anini sa i, caay pikilif kako i tamowanan. Saka, mala'ada namo kako haw?

17O lalok noya patnakay i tamowanan i, caay ko so'linay ko faloco' nangra. O sapakacacayaw nangra i takowanan ko patosokan nangra, ta pasayra to ko lalok namo i cangraan. 18O nga'ayay ko nika lalok namo to nga'ayay a dmak. Nikawrira, caay ka nga'ay yo itira kako i tamowanan a ccay a malalok kamo. 19Wawaaw ako, miliyaw haca kako a matiya o ma'at'atay a misemsem tangasa i kasafacoan ni Kristo i faloco' namo. 20Ano mama^deng i, tayra sa kako i tamowanan, ta mafalicto ko harateng ako to pakayniay i tamowanan. Nawhani marawraw ko faloco' ako a miharateng tamowanan.

Pakayniay ci Hakaran aci Saraan a Tinako

21Kamo o mangalayay a makowan no Rikec i, paca'ofen kako. Caayho ka tngil namo ko Rikec ni Mosi saw? 22Matilid i Rikec ko nika tatosa no wawa ni Apraham. O ccay i, o wawa no koli a fafahiyan. O ccay i, o wawa no caay ko koli a fafahi ningra. 23O wawa noya koli a fafahiyan i, o no tamdawan a niharatengan a nihofocan. O wawa noya caay ko koli a fafahi ningra i, o nano niktonan no Kawas a sowal ko sakahofoc ningra. 24O sapatinako konini. Onini a tatosaay a fafahiyan i, o todong no tosaay a katatlekan. O ccay nonini i, nai Sinay a lotok a masadak. Ci Hakar konini. O nihofocan ningra i, o koli a ma^min. 25O todong no i Arapiyaay a Sinay a lotok ci Hakar. O tatodong no aniniay a Yirusalim cingra. Nawhani malakoli cingra ato wawa ningra. 26Kirami, oya i kakarayanay a Yirusalim i, caay ko koli, o ina ita cingra. 27Nawhani, o sowal a matilid i Fangcalay Cudad i,

<<Kalipahak kiso o ma'asicay a fafahiyan!

Pilkal a pangiha' a lipahak kiso o caay ka fana' to 'at'at a fafahiyan!

Nawhani ikaka no nika 'aloman no wawa no caay piliyas ko fa'inay a fafahi ko nika 'aloman no wawa no nisawadan no fa'inay a fafahiyan,>> saan.

28Salikakaaw, matiya ci Isak kamo. Nawhani o nano nisowalan no Kawas ko saka malawawa Ningra kamo. 29Nikawrira, i ti:yaho i, kari'angen no tamdawan a niharatengan a nihofocan a wawa ko nano Fangcalay 'Adingo a nihofocan a wawa. Mahaen ito anini. 30Maan saan ko sowal i Fangcalay Cudad saw? <<Fahfahen koya fafahiyan a koli ato wawa ningra. Nawhani o wawa no fafahiyan a koli i, caay ka nga'ay a mikapot to wawa no caay ko koli a fafahi a mirocok,>> saan. 31Orasaka, salikakaaw, caay ko no koli a fafahiyan a wawa kita. O wawa no caay ko koli a fafahi kita.

Currently Selected:

Kalatiya 4: AMIS2019

Highlight

Copy