Markga 7
7
1Egi Pharisera Jesus eja stoirena egi wowagax‐hiperesra hota, e Jerusalemeja howajirena.
2Egi jaja wironag warnira hota waisgab rujhiregi wajairena nabra shishig wauinegi, inke nabra rushani wagairena, najwisgirena.
3Pharisera egi judra harnaj inke waisgab ruj‐hiraninana inke jorni nab rushara rokana wauinaningi, xetera woshga warninera wawagiuine.
4Egi jaja woruwieja howakiriregi, inke kikurushairanigi inke waruj‐hiraninana, egi washinjahina roha hijakshana, e wawau hirekjera, niwirajga rushara, egi wasgera, mas‐si rexra egi warujra.
5Egi Pharisera egi wowagax‐hiperesra wigiwaxhirena: Jagu‐u wironag washinira xetera woshga warninera inke eowarninankshe, eshi inke nab‐rushani waisgab rujnang.
6Horniharna egi wawagena: Hipokrit‐raniwira Isaias phi prophetniwina, shesge wagaxankshana: Wankshig de‐e ixu warninera hingishag‐nankshana, eshi najge warninera hari hingiuinena.
7Eshi gikaraj warninera hoinige waunankshana, wogus wagigusnanke, wankshig u‐washi harnine.
8Maura u‐washi harnira nigeratumb‐wianaga, egi wankshig woshga harninera sh’uharajena, rex egi wasge horushagre egi washa deshesgera roha sh’uwina.
9Egi wawagena: Wogisog Maura u‐washi harnira shawajiswigaja, e woshga washiniwira warakunkjawige.
10Mosesga wena: Karaishagre hianjraga egi hiuniraga, egi higu peshe hianjra egi hiunira washoshishig howe rogigungi, d’ehirekjena.
11Eshi washawina: Wankshigra hisha hianjra egi hiunira wagarnana Korban, wogara e wairena, jagu hophi egi hushurus winara (she‐e phi hinana).
12Deshegu higi hianjra egi hiunira inkaga washanisha wagiuninana.
13Egi Maura hoit’era inke washinkisge rawinina, woshga hashiniwira hawau. E ne‐wash’uwina, egi washa shesgera roha sh’uwina.
14Egi jaja wankshigra harnaj wagigogi, wawagena: Jarnaga raniwira, harnaj harnaigixguwine egi hipereswire,
15Washanisha wankshigra jang‐hieja‐nankhi, egi wankshigeja hokewegi she‐e inke shishig hiraninana. Eshi washa jagu wankshigeja hihinabanka, washa she‐e wankshigra e shishighinana.
16Hisha nux‐hopox winaxgu jungi, naxgu‐hiwiaje.
17Egi jaja wankshignanka eja howakiri jhieja hoikewegi, wironag warnira washinsgerara higiwaxhirena.
18Egi wawagena: Hishge inke washa hiraperes‐winishe? Inkiraperes‐winishe higu washa jagura hisha jangeja howahigi egi wankshigeja hokewegi inke shishighi ruxurug‐ninana.
19Inke najge harnieja hokawaninage esge, eshi nixaija howairanana, egi jangeja horeja hihinabnana, hiwarujwiga howaragra eowaranana.
20Egi wena: Washa jagu wankshigeja haxebanka, she‐e wankshigra shishig‐hinana.
21Rogeja howajiaka wankshig najgeja howajiakshana, wowewishishig haxebankshana, kikhanag‐rushera, hikikshakshara, wankshig‐d’ehira,
22Wamanukera, washa warogigukera, wowongra, waishjankera (washa u‐unkera) hojamb‐shishigra, raxjashgunira, wauxjiwakira, wanaiwowongra,
23Washa shishig de‐e harnaj rogeja howaji‐nankshana, egi wankshigra shishig‐hinana.
24Egi eja nashianaga rena, egi Tirus egi Sidon hijejra howarena, egi jhi‐hisha eja hokewena egi inke hisha hiperes‐nikje wagiuna, eshi inke nuxawa ruxurugnina.
25Hinugisha, hinugnigra naxirag shishig harninena, hinugjega Jesus naxgungi hiarnaga egi si‐hieja himpshana.
26Hinugjega Hellenos hisha herena Sirophenikia eja jhina. Egi gitarna hinugra eja waxopinishishigra jangra hogiwahas‐hikjege.
27Eshi Jesus hinugjega wagena: Ninkjangnigra jorni wainaj hirekjena, inke phinigaja ninkjangnigra waisgabra wagirus‐anaga egi shung‐eja wogit’unera.
28Egi horniharna egi wagena: Hojia Hirukanara, shesgarnunige shungnagre waruj khuhainja ninkjangnigra waisgab‐hoxjug harninera rujnankshana.
29Egi Jesus hinugjega wagena: Hoit’e de‐e hawau karare, waxopinishishigra hihinabshana hinugraga eja.
30Egi jaja eojhieja gigi, waxopinishishigra hihinabra hiperessana, egi hinugnigra homigeja mingankshana.
31Egi shige Tirus egi Sidon hijej‐eja nigeowakerena, Galilea teja gina, jhinag kerepanaisha hijej horogra howaguna.
32Egi hisha nuxra‐ninkhi hagarnihajirena egi hit’et’era wogijexina, egi gitairena nabra hik’uanaga hikiokjege.
33Egi worohanka eja injab‐kerena, egi nab‐waisara nux‐hopox harnieja hokerena, egi shorna, egi resira higikiorna.
34Egi wangregi horuxujshana, nihasigina, egi wena: Hephata, gihasra e wena.
35Egi higuana nux‐hopox warnira gihas‐hirena, egi resihikara shgarairena, egi hit’et’era waraphina.
36Egi rogixina inke hisha hogirag hiranikjege, eshi hiraijera warogixigi shige eja hiraijera rokana horaghirena.
37Egi khorera rokanaxji‐hirena, wairena: Washara harnaj phihigaja. Nux‐ningra warnaxgu‐wahianaga egi iningra hit’et’e wahigaja.
Currently Selected:
Markga 7: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
