Markga 5
5
1Egi teageja hahirena Gadarera ma harnineja hahirena.
2Egi jaja wajeja hihinab hiregi, higuana wang hisha naxirag shishig hisha harni warnaxi homigeja howaji hikiparna.
3E warnaxi homig horogeja jhijena, egi hinkisha rusgij ruxurugnina, inkaa, inke mas‐hokiwaxuxug hirusgij phinina.
4Mas‐wirusgij egi mas‐hokiwaxuxug hirusgij‐kairege egi mas‐hokiwaxuxugra waiwaxshununa egi mas‐wirusgijra waishishish, hinkisha waphi hiruxurugnina.
5Egi hoishib hahega egi hambga xexeteja egi warnaxi homigeja uniheshununa, uwanaga egi ini hirokijianaga khikunugshununa.
6Eshi jaja Jesus hari hajagi nuwanganaga egi gikarajshana.
7Egi mashja uwana egi wena: Jagu ningiu hajeshe, Jesus Maura eshana xetenagra Hinigra neninegaja? Wihohire Maura jowehieja, inke hawe‐hinanikjege.
8Wangjega eja hihinabre naxirag shishigranina hihege esge.
9Egi Jesus higiwaxshana, rashra jagu hinigaireshe? Egi horniharna, wena: Rashra Legion hingairena, woirohawige esge.
10Egi gitara rokana wena: Inke ma‐sheja hijahi howahasnikjege.
11Egi xexetenanki hiwusunsheja xguxguishe hornihe xeteisha wakanankshana.
12Egi waxopinishishig‐nanka harnaj gitairena, wairena: Xguxgushenanka eja howare‐hingigiwire, xguxgusheja wakewekjawina.
13Egi higuana Jesus wagiuna. Egi naxirag shishignanka hihinab‐hirena, egi xguxguisheja hokawairena. Egi xguxguishe horniheaka hiranukanageja nuwangra rokana wauinena tejainja howahiarairena egi nieja d’airena (ejaxji hogihixete nupguni).
14Egi wirakaranankhi gias‐hirena, egi jhinageja hagi horaghirena egi hojainainja. Egi hihinabhirena jagu uinegi hajarairena.
15Egi Jesus hirajirena, egi waxopinishishig harniranihera hajairena, minaganagshana egi waini‐un, egi wanaina wogisog, wankshig she‐e e legion harniranihera, egi nakawairena.
16Egi jarnaga hajagi, horaghirena wankshig waxopinishishig harnirajega jasgegigira egi shige xguxguishenanka jasgewagigira.
17Egi gita hajiarairena ma‐hiwusunsh harnineja nige howakereshirena.
18Egi jaja wajeja hoikewegi, hisha waxopinishishig harniranihera gitarna hakishu unjekjege.
19Eshi Jesus inke giunina, eshi wagena: Hijakorowaraija howakarare, egi Hirukanara washa rokanaisha ningiuna horagaje, egi najhonigijara.
20Egi nigeowarena egi jhinagra kerepanaishara wogiragshana, washa rokanaxji Jesus giuna, egi harnaj khorairena.
21Egi jaja Jesus shige wajowe ageja gigi, wankshigra rokana hirahina, egi tehijejeja unjena.
22Egi horuxujre, wohokhu‐hojhi hirukanaisha jina, Jairus higairera egi jaja hajagi si‐hieja jimpshana.
23Egi gitara rokana wena: hinugha xununigra d’e hikorohorna, huarnaga egi hikiore, e rushjankjena, egi niambhikjena.
24Egi Jesus hakishu kerena, egi wankshigra roha hironaghirena, egi hiranassunsh‐hirena.
25Egi hinugisha ma kerepanaishanaga‐nuphashana wai‐xuna.
26Egi makanira roha washara roha hirawe‐hirena, egi washa harnigi harnaj shena‐hina, egi inkaga hirohegnina, eshi hiraijera wakinina.
27Jaja hinugjega Jesus naxgungi woroha horogeja hageja howajianaga egi wainira higikiorna.
28Wakigena: Wonashi harnira hiagikio duxurugkhi, hirushja‐shgunina.
29Egi higuana hinugjega mai wai harnira wussana, egi ro earnira hikaraperes‐shana howasha she‐e rushjana.
30Egi Jesus higuana hikiperes‐shana homashjara higihinabge, worohainja hapahi‐nashianaga, egi wena: Peshe wonashi harnira hingikioshe?
31Egi hironag warnira wagairena: Washjarajegaja worohangre hiranani‐kissunshnangra egi washena, peshe hinkioshe?
32Egi hogigix horuxujshana, hinug washa de‐e una hajakjege.
33Eshi hinugra naxirena egi gissasana, jagu giuinera hikiperesge, hiarnaga egi jowehieja himpshana, egi wogisogji harnaj hogiragshana.
34Egi wagena: Hinughaxji, harnaxgu hashinira rushjanina, wanaishguni karare egi howasha hashinira rushjane.
35Egi hit’at’ajau wohokhuhojhi hirukanajega hojhieja hisha howajina e wena: Hinugraga d’ena, jagu‐u Hirukanara hiraijera hoishanakjeshe?
36Higu Jesus hit’at’arnaka hoit’e she‐e naxgungi wohokhuhojhi hirukanajega wagena: Inke naxiranine, harnaxgurashana une.
37Egi hinkisha hironag‐hirekhinina Peter egi Jakob egi Jakob khinubra Johnga eshana hironag‐hirekhina.
38Egi wohokhu‐hojhi hirukanajega hojhieja hina, egi woxehi hajarna, egi xagnanka egi gixagra rokanawarnaukshana.
39Egi jaja hijokewegi, wawagena: Jagu‐ungaja woxerawishe, egi raxagwishe? Hinugnigra inke d’arniankshana, eshi na‐nankshana.
40Egi waixjairena igixja. Eshi jaja harnaj hihinabwagigigi hinugniganka hianjra egi hiunira warussana egi wakishu higa egi hinugniganka hajinja mingankhi eja hokawairena.
41Egi hinugniganka nabeja harukos‐shana, egi wagena: Talitha kumi, hinigena, nashine.
42Egi higuana hinuginiganka kikawa‐ana, egi manine, ma kerepanaishanaga‐nuphashanaisha herena, egi khorera rokanaxji hirena.
43Egi harojaxji roxina, inke hisha hiperes‐nikjege, egi washa ruj hoku washina.
Currently Selected:
Markga 5: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
