Markga 3
3
1Egi shige wohokhu‐hojhieja hokewena, egi wangisha ejanankshana, e nabra d’akasere.
2Egi hirakarairena Sabath hambeja rushjahiege hirairege, e washinaraj‐hirekjege.
3Egi wang nab‐takaserenanka wagena: Hokissagregi nashine.
4Egi wawagena: Sabath hambregi jagu hiuwigi phinkjaneshe, washophi u‐anaga nigeshge washoshishig unashe? Hisha niambhianaga nigeshge hisha d’ehinashe? Eshi inke xabhiranina.
5Egi jaja hogigix woruxujshana wogiteg, najgerategshana najge warninera warnuxshag‐hirege, wangjega wagena: Ara wajigre, egi ara wajigshana, egi nabra niambshana hirakissanigra hikarakisgena.
6Egi Pharisera hihinab‐hiranaga egi higuana Herodes ware warnira wakishu karagus‐hirena hakira, jasgehiranaga d’ehiranagi.
7Eshi Jesus nigeowakerena wironag warnira wakarakishu tejana howarena. Egi hornihexete Galilea‐eja howaji hironag‐hirena egi Judea‐eja howaji.
8Egi Jerusalem‐eja howaji egi Idumea‐eja egi Jordan ageja, egi Tirus egi Sidon hiwusunsh jhinakhi hornihe xetexji, jaja naxguinegi washa rokanaxji unjegi hirajirena.
9Egi wironag warnira wawokit’ena, wajra hisha hirushja gigirekjege hornihe‐xeteaka hawau e inke hiranassunsh hiranikjege.
10Roha rushjahina, hiranassunsh hahurnankshana hikiornai, jarnaga tetegankhi.
11Egi naxirag shishigra jaja hajairegi, jowehieja jimphirena, egi uwainena, wairena: Maura Hinigra neninegaja.
12Egi harojaxji warogixina, inke hiperes‐hirehi wahiranikjege.
13Egi xexete hisha eja hotina, egi peshe giphingi wagigorna egi hirahirena.
14Egi nuphashana injabkerena, e hakishu uinekjege, egi wahokhu rewagigikjege,
15Egi homashja harniwagigina howasha rushja hirekjege, egi waxopinishishig jangra howahas‐hirekjege.
16Egi Simon rash hinup harnira Peter higairena.
17Egi Sebedai hinigra Jakob, egi Jakob khinubra Johnga egi rash hinuphisha harniwagigina Boanerges wigena, wakanjara hinig wahira wige wena.
18Egi Andreas egi Philip egi Bartholomea egi Matthaiga egi Thomas, egi Alpheus hinigra Jakob, egi Thaddeus, egi Simon Kanaan‐eja hereisha,
19Egi Judas Iskariot, e himanagshana, egi jhi‐hisha eja hokawairena.
20Egi shige worohaxji hija storna, inke waisgab ruj ruxurug phinina.
21Egi jaja washawahira naxguinegi hihinabhirena hakurukos‐hirekjege, wairena: Warnaxi‐howankjena.
22Egi wowagax‐hiperesra Jerusalem‐eja howajiregi wairena: Be‐elsebub harnijena, egi waxopinishishig hungra hiuanaga waxopinishishig jangra howahasjena.
23Egi wagigorna, egi wawagena washa hisgera hiu: Jasgehianaga Satanra Satan jangra howahasnashe?
24Hungmara hisha khirujekhi‐anaga hakikiragi hungma she‐e inke nashi ruxurugninana.
25Egi jhira hisha khirujekhi‐anaga hakikiragi jhi she‐e inke nashi ruxurugninana.
26Egi Satanra nashianaga hakikragi egi khirujekhingi, inke nashi ruxurugninana, eshi sheja hiranana.
27Inkisha wang mashjara hojhieja hokawaninana, egi washa warnira wanasheninana, inke jorni wang mashjajega rusgijninashe, egi hagenigi washara wanashenana.
28Hisgexjina hinigawina: Washa woishanara harnaj wankshigra wagit’unairekjanena egi, raxjashgunira, higu peshe raxjashgunigi.
29Eshi hisha Naxirag‐Wakanjangra hakira raxjashgunigi, inkaga git’unairanikjanena, eshi wigishanajanana manegusdi hawanana.
30Naxirag shishig hisha harnijena airege esge.
31Egi wakhinubra egi hiunira hajirena, egi jangeja nashinankshana gigo‐wagigirena.
32Egi worohanka hogigix minagnankshana, egi wagairena: Horuxujre, hiuniraga egi warakhinubra jangregi hornininankshana.
33Egi wawornigiharna wena: Peshe naniga hereshe, shige wakhinubgi?
34Egi hogigix horuxujshana hijaminag‐anankhi, egi wena: Horuxujwire, naniga egi wakhinubra.
35Higu peshe Maura woshga harnira ungi e hakhinubra herena egi hinughajabra egi naniga.
Currently Selected:
Markga 3: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
