Markga 2
2
1Egi hamb jarnahagiregi Kapernaum‐eja shige hokewena, egi jhiejarnak aire naxguinegi.
2Egi higuana roha sto‐khinena, rokanaxjinge jhira hakhini‐khinena, jhirobra reshge hakhini‐khinena, egi hoit’era wawihokhuna.
3Egi hirajirena, hisha howasha ro‐t’eg ungi e jopihi harnijiwina.
4Egi jaja inke hiraji ruxurug‐hiranigi worohanka hawau, hajinjanankhi eja jhihagra ruhas‐hirena, egi jaja rusheregi homigra (wagina hiroishge) harnukanag gigirena, howasha ro‐t’eganka homigra.
5Jaja Jesus harnaxgu warninera wagijagi, howasha ro‐t’eganka wagena: Hinighaxji washa woishana washinira wanigit’unairena.
6Eshi wowagax‐hiperesra hota hijaminag‐anankshana, egi najge warnineja wewinankshana:
7Jagu‐ungaja wang de‐e (Maura) raxjashguni hit’eshe? Peshe washa woishana wagit’une ruxurugshe Maura eshana?
8Egi higuana jaja Jesus naxirag harnira hikuanaga hiperesgi deshesge wowewira hiranankhi wawagena: Najge washiniwieja washa de‐e jagu hirarashanakshe?
9Hajanjega era wowategenigshe, wang howasha rot’eganaka wagena, washa woishana washinira warnigit’untena era, nigeshge nashianaga homigra kurusanaga egi manine era?
10Eshi hiraperes‐kjanihawina Wankshig‐hinigra homashja harnijena ma‐egi washa woishana wagit’une (howasha ro‐t’eganka wagena),
11Hinigena, kikawa‐ane, egi homig hashinira kurusanaga, egi jhi‐horajhieja howakarare.
12Egi higuana kikawa‐ana homigra rusanaga egi jowehireja nigeowakerena. Egi harnaj khorairena, egi Maura rajank‐hirena, wairena: Washa de‐shesge inkaga hajawinigaja.
13Egi shige teja hijejra howarena, egi worohanka harnaj hirahirena, egi washa wagigus‐shana.
14Egi e‐hahiowegaja, Lewi hajarna, Alpheus hinigra, woirowe horuseja minaganankshana, egi wagena: Hiroinagre. Egi nashianaga egi hironagshana.
15Egi herena e hojhieja Jesus worujeja minagshana, publikanra roha egi washa woishana ura hishge Jesus hakishu minagnankshana egi wironag warnira, roha hijake, egi hironaghirena.
16Egi jaja wowagax‐hiperesra egi Pharisera hajairegi, publikanra egi washa woishana ura waruj wakishu unankhi, wironag warnira wawagairena: Jasgegaja waruj egi rajga publikanra egi washa woishana ura wakishu unakshe?
17Jaja Jesus naxgungi, wawagena: Jarnaga wanaishguni‐ankhi inke makhani hiuninankshana, eshi jarnaga howashakhi. Inke phira wagigo hajinina, eshi washa woishana ura najgerawakarateg hirekjege.
18Egi Johnga wironag warnira egi Pharisera warninera hantaginaj‐hireshununa, egi hajiranaga egi wagairena: Jagu‐u Johnga wironag warnira egi Pharisera warninera hantaginaj‐hire, eshi wironag washinira inke hantaginajhirani?
19Egi Jesus wawagena: Jasge‐hiranaga khikanaghoueja hahiregi hantaginaj hiranashe, jajaixji hinug‐khanaikjanega wakishu unjegi? Jajaixji hinug‐khanaikjanega wakishu unankhi, inke hantaginaj ruxurug hiraninana.
20Eshi hambra hajiregi, eja hinug‐khanaikjanega wagirus‐hirekjanena, egi hambanaka eja hantaginaj‐hirekjanena.
21Inke wankshigra hisha wonashi jegeja nige rusanaga wonashi sh’ageja hirarujag‐ninana, jegnanka rukixanaga shaganaka rugasnage esge, egi hopoxra hiraijera hinana.
22Egi inke hisha nishuj‐jeg hiregi pex‐shageja hoshuinana, shesge higi nishuj‐jegjega pexra xuxre‐hinana egi nishujra xunarnana, egi pexjega maisinjnana. Eshi nishuj jegra pex jegeja woshuiranana.
23Egi wauna waisgab maxra hahiowena Sabath hambregi. Egi harahairau wironag warnira waisgab russojhajiarairena.
24Egi Pharisera Jesus wagairena: Horuxujre, jagu ungaja Sabath hambregi wauineshe e woehira roxiagra.
25Egi wawagena: Jasge inkaga wowagaxra hashjawinishe Dawidga jagu una jaja warogungi egi dokewehigi egi jarnaga hakishu uankhi?
26Jasge Maura hojhieja hokawarnaga higi, Abiathar nabhoruxaj hirukana hungra hamb harnieja, egi waisgabwahara rujshana, e woehieja rujra roxira, eshi nabhoruxaj hirukanarashana, egi wakishu unjega hishge wawogarna?
27Egi wawagena: Sabathra wankshigra wawagiuna, egi inke wankshigra Sabathra ewarninina.
28Esge Wankshig‐hinigra Sabathra hishge hirukanana.
Currently Selected:
Markga 2: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
Markga 2
2
1Egi hamb jarnahagiregi Kapernaum‐eja shige hokewena, egi jhiejarnak aire naxguinegi.
2Egi higuana roha sto‐khinena, rokanaxjinge jhira hakhini‐khinena, jhirobra reshge hakhini‐khinena, egi hoit’era wawihokhuna.
3Egi hirajirena, hisha howasha ro‐t’eg ungi e jopihi harnijiwina.
4Egi jaja inke hiraji ruxurug‐hiranigi worohanka hawau, hajinjanankhi eja jhihagra ruhas‐hirena, egi jaja rusheregi homigra (wagina hiroishge) harnukanag gigirena, howasha ro‐t’eganka homigra.
5Jaja Jesus harnaxgu warninera wagijagi, howasha ro‐t’eganka wagena: Hinighaxji washa woishana washinira wanigit’unairena.
6Eshi wowagax‐hiperesra hota hijaminag‐anankshana, egi najge warnineja wewinankshana:
7Jagu‐ungaja wang de‐e (Maura) raxjashguni hit’eshe? Peshe washa woishana wagit’une ruxurugshe Maura eshana?
8Egi higuana jaja Jesus naxirag harnira hikuanaga hiperesgi deshesge wowewira hiranankhi wawagena: Najge washiniwieja washa de‐e jagu hirarashanakshe?
9Hajanjega era wowategenigshe, wang howasha rot’eganaka wagena, washa woishana washinira warnigit’untena era, nigeshge nashianaga homigra kurusanaga egi manine era?
10Eshi hiraperes‐kjanihawina Wankshig‐hinigra homashja harnijena ma‐egi washa woishana wagit’une (howasha ro‐t’eganka wagena),
11Hinigena, kikawa‐ane, egi homig hashinira kurusanaga, egi jhi‐horajhieja howakarare.
12Egi higuana kikawa‐ana homigra rusanaga egi jowehireja nigeowakerena. Egi harnaj khorairena, egi Maura rajank‐hirena, wairena: Washa de‐shesge inkaga hajawinigaja.
13Egi shige teja hijejra howarena, egi worohanka harnaj hirahirena, egi washa wagigus‐shana.
14Egi e‐hahiowegaja, Lewi hajarna, Alpheus hinigra, woirowe horuseja minaganankshana, egi wagena: Hiroinagre. Egi nashianaga egi hironagshana.
15Egi herena e hojhieja Jesus worujeja minagshana, publikanra roha egi washa woishana ura hishge Jesus hakishu minagnankshana egi wironag warnira, roha hijake, egi hironaghirena.
16Egi jaja wowagax‐hiperesra egi Pharisera hajairegi, publikanra egi washa woishana ura waruj wakishu unankhi, wironag warnira wawagairena: Jasgegaja waruj egi rajga publikanra egi washa woishana ura wakishu unakshe?
17Jaja Jesus naxgungi, wawagena: Jarnaga wanaishguni‐ankhi inke makhani hiuninankshana, eshi jarnaga howashakhi. Inke phira wagigo hajinina, eshi washa woishana ura najgerawakarateg hirekjege.
18Egi Johnga wironag warnira egi Pharisera warninera hantaginaj‐hireshununa, egi hajiranaga egi wagairena: Jagu‐u Johnga wironag warnira egi Pharisera warninera hantaginaj‐hire, eshi wironag washinira inke hantaginajhirani?
19Egi Jesus wawagena: Jasge‐hiranaga khikanaghoueja hahiregi hantaginaj hiranashe, jajaixji hinug‐khanaikjanega wakishu unjegi? Jajaixji hinug‐khanaikjanega wakishu unankhi, inke hantaginaj ruxurug hiraninana.
20Eshi hambra hajiregi, eja hinug‐khanaikjanega wagirus‐hirekjanena, egi hambanaka eja hantaginaj‐hirekjanena.
21Inke wankshigra hisha wonashi jegeja nige rusanaga wonashi sh’ageja hirarujag‐ninana, jegnanka rukixanaga shaganaka rugasnage esge, egi hopoxra hiraijera hinana.
22Egi inke hisha nishuj‐jeg hiregi pex‐shageja hoshuinana, shesge higi nishuj‐jegjega pexra xuxre‐hinana egi nishujra xunarnana, egi pexjega maisinjnana. Eshi nishuj jegra pex jegeja woshuiranana.
23Egi wauna waisgab maxra hahiowena Sabath hambregi. Egi harahairau wironag warnira waisgab russojhajiarairena.
24Egi Pharisera Jesus wagairena: Horuxujre, jagu ungaja Sabath hambregi wauineshe e woehira roxiagra.
25Egi wawagena: Jasge inkaga wowagaxra hashjawinishe Dawidga jagu una jaja warogungi egi dokewehigi egi jarnaga hakishu uankhi?
26Jasge Maura hojhieja hokawarnaga higi, Abiathar nabhoruxaj hirukana hungra hamb harnieja, egi waisgabwahara rujshana, e woehieja rujra roxira, eshi nabhoruxaj hirukanarashana, egi wakishu unjega hishge wawogarna?
27Egi wawagena: Sabathra wankshigra wawagiuna, egi inke wankshigra Sabathra ewarninina.
28Esge Wankshig‐hinigra Sabathra hishge hirukanana.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.