Matthaiga 28
28
1Sabath hoshejainja, hambguregi hambjornira hereharegaja haramihehambregi Maria Magdalena egi Maria hijanera warnaxi‐hoshura haja hahirena.
2Egi horuxujre, mara hixgara rokanana, Hirukanara waxopiniwarajire harnira wangregi howajige esge, egi jiarnaga egi jhirobeja ininaka hijahi hawanana egi haminagshana.
3Hishja harnira wakanja‐hojamb hikisgena egi waini warnira wa hosga hikisgena.
4Egi wirakarananka gissassainena nakawairege egi wang d’e hikisge jijerena.
5Egi waxopiniwaraj‐hirajega horniharna egi hinugnanka wawagena: Inke ne naxirawinine, hiaperes‐hajena Jesus horani harajera, E naramiheja haisaraj hirera.
6Inke higiniharnina, kikawa‐ana, era shesgena. Huwige Hirukanara hajinja mingra horuxujwire.
7Egi xapge karawige, egi wironag warnira wogiragwiaje E d’arnagra eja howakiri kikawa‐ana. Egi horuxujwire Galilea‐eja jowerawieja howarena, eja hashjakjanihawina. Horuxujwire hornigitagwina.
8Egi xapge warnaxi‐hoshueja nige‐howakarairena, naxire egi wogishawara rokana, egi nanghirena wironag warnira hoit’era wagarni‐hagirena.
9Egi wironag warnieja worag hakarahairau, horuxujre, Jesus wakijarna, wena: Hinikaragiwina. Egi hahirena egi si‐eja hikiorna egi gikaraj‐shana.
10Egi Jesus wawagena: Inke naxirawinine, rawige wakhinubra wawogiragwire Galilea‐eja howarairekjena eja hinjairekjanena.
11Egi jaja hakarairegi, horuxujre, wirakarara hota jhinageja hagirena egi jagushana uinegi nabhoruxaj hirukana hungeja harnaj horaghirena.
12Egi jaja xetera wakishu stoiregi egi karagus‐hirena, shurara rokanaxji manapenanka hokuinawina,
13Wairena: Washekjawina, wironag warnira haheregi hajiranaga mankaranu hirena harna harnagwiu.
14Egi mowagax hirukana xetera de‐e naxgungi wakit’awianaga, egi wanikarai‐shekjawina.
15Egi shurara warus‐hirena egi jasge hiwashirera uinena. Egi washa de‐e airare Judra harnaj shesge airena hambegi hipa.
16Egi wironag hishankirashanara Galilea‐eja howarairena, xeisha hihageja hajinja Jesus wamangirajra eja.
17Egi jaja hajairegi gikarajhirena eshi hota khibahirena.
18Egi Jesus jiarnaga egi wawokit’ena, wena: Homashjara harnaj hunkuinena wangregi egi manegi herera.
19Esge rawianaga egi wankshig‐hokirajra harnaj washa wagiguswire, niwawaxuwianje Hianj‐hirera rash harnira hiu egi Hinigra egi Naxirag wakanjangra.
20Egi washara harnaj wagigus‐wiaje uinekjena jagu uinishiwira, egi horuxujwire hoishib harnikishu hauanjawina ma hoshejainja hipa. Amen.
Currently Selected:
Matthaiga 28: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
