Maˍkuˆ 4
4
Ang ceuˉ pya naeˉ mangˉ uˉ paˍ maˍ
1Yeˍsuˆ Gaˍliˉlaeˉ lang awng htang veu htiˍ cangˍ ang buinˉ tangˍ maˍ laeˍ biˍ jiˍ. Haeˉ mae beu, changˉ ang muˉ ang byaˍ yang htang veu chawnˉ hko laˉ lang yao, Yeˍsuˆ maˇ lang awng htang veu ca yao heuˍ htaˍ veu duingˉ lae jiˉ. Changˉ ang muˉ uiˉ lang awng ang hkawpˉ htang veu ca jiˉ. 2Haeˉ mae beu, Yeˍsuˆ yawng na uˉ paˍ maˍ uiˍ nae hpekˆ yao ang byaˍ ceuˍ maˍ biˍ jiˍ. 3Naˉ baoˇ, ang ceuˉ pya naeˉ maˇ ang ceuˉ hingˉ na pya naeˉ uiˉ saˍ laiˍ hanˉ yao awkˍ nga aengˉ jiˉ. 4Ang ceuˉ uiˉ na pya aeˉ beu ang ceuˉ htiˍ baˍ uiˉ aˍ kaˉ ba veu kla yao, ha yaˍ uiˍ lui yao kaw yaˍ lui jiˉ. 5Ang ceuˉ htiˍ baˍ uiˉ aˍ nuingˉ chaˍ baˍ ca nae haw ba ang byaˍ veu kla yao, nuingˉ chaˍ ang paˍ nae tiˍ chitˍ nae ang yaˍ teˍ laˉ jiˉ. 6Hta yao muiˉ, miˍ nuingˍ taw langˉ yao nuing chaˉ ang hawngˉ nae tawngˍ cheˍ baˍ cheˍ taw nae haeoˍ kui laeˍ yao siˉ jiˉ. 7Ang ceuˉ htiˍ baˍ uiˉ aˍ chiˍ kuˍ taeˍ veu kla yao chiˍ kuˍ pangˍ uiˍ hui laˉ yao, yang up biˍ yao, ang pangˉ baˍ huiˍ laˍ hkiˍ. Ang suiˍ baˍ suiˍ laˍ hkiˍ. 8Ang ceuˉ htiˍ baˍ uiˍ nuingˉ chaˍ ang maenˍ veu kla yao, ang pangˉ ang huiˍ teˍ laˉ yao, ang suiˍ sumˍ cheˍ pun, hkoˍ cheˍ pun, htiˍ pakˍ pun nae hpae laˉ yao ang suiˍ suiˍ jiˍ. 9Kyaˍ hkiˍ naeˍ uiˉ laˍ suingˍ ang ca uiˉ aˍ maenˍ nae naˉ voˍ nae Yeˍsuˆ ha biˍ jiˍ. 10Hingˉ nawngˍ veu, changˉ htiˍ hu baˍ ca nae beu Yeˍsuˆ na yang ta peˍ uiˍ nae Yeˍsuˆ nawngˍ veu hkeˍ jiˍ changˉ uiˉ muiˉ yang uˉ paˍ maˍ hingˍ awˍ lawng hingˉ na naˉ jiˉ. 11Yeˍsuˆ ha biˍ jiˍ. Nawngˍ ngaˍ Ang suingˉ Hpaˍcaoˍ beu chawng yao chiˉ jiˉ ang meungˉ lawng hingˉ na bae naeˉ uiˉ aˉ hkvangˍ ang ca yaˇ. Ang nyiˉ veu changˉ uiˉ na nawˍ aˉ mae uiˉ lawng veu na baˍ upˍ uˉ paˍ maˍ uiˍ nae ya hkai biˍ naeˍ. 12Aˉ mae yao nae baoˉ vaˍ,
Yawng ngaˍ hu yao muiˉ baˍ myangˍ hki. Yawng ngaˍ kyaˍ yao muiˉ baˍ naˍ hki. Ningˉ mae baˍ aˍ nae baoˉ vaˍ, yawng ang si na kuitˉ puiˉ laeˍ yao, naˍ hokˍ poiˉ naeˉ na ya hkamˉ naeˉ nae ha biˍ jiˍ.
13Hingˉ nawngˍ veu uˉ paˍ maˍ ningˍ uiˉ na muiˉ nawng ngaˍ baˍ na bae nae baoˉ vaˍ, uˉ paˍ maˍ ang byaˍ uiˍ na aˉ mae naˇ bae taw naeˇ nae Yeˍsuˆ ha biˍ jiˍ. 14Ang ceuˉ pya naeˉ hingˉ maˇ ang buinˉ tangˍ na pya naeˉ yaˇ. 15Changˉ htiˍ baˍ uiˍ a kaˉ ba veu ka nae ang ceuˉ uiˉ na ang tuˉ. Ang buinˉ tangˍ hingˍ na kyaˍ yao tiˍ chitˍ nae Saˍtanˍ lui yao pya jiˉ ang buinˉ tangˍ hingˍ na yuˉ taw lui naeˉ. 16Haw ba ang byaˍ htaˍ veu pya jiˉ ang buinˉ tangˍ hingˍ nga ang buinˉ tangˍ hingˍ na ya kyaˍ yao mawnˍ naeˍ uiˉ nuing ba suiˍ nae tiˍ chitˍ hkaoˍ veu hkamˉ yuˉ yao muiˉ. 17Nuing ba suiˍ hkaoˍ veu tawngˍ cheˍ baˍ naenˍ nae tiˍ hkaoˍ naeˍ naˇ hkumˉ naeˉ. Ang buinˉ tangˍ na yumˉ naeˉ pa nae tuk hpan naeˉ uiˉ hkanˍ yaˍ chuiˍ yaˍ naeˍ uiˉ hkeu laˉ beu tiˍ chitˍ nae kaˉ nawngˍ ka seu hpaw aeˉ laeˍ naˇ. 18Chiˍ kuˍ pangˍ hkaoˍ veu pya jiˉ ang ceuˉ hingˉ ngaˍ ang buinˉ tangˍ na kyaˍ yao, lawˉ kiˍ kanˉ veu manˍ hawngˉ kyaˉ lawˉ kiˍ veu ang keungˍ kawˉ uiˉ kaoˍ hkiˍ naeˍ uiˉ ang ca. 19Hta yao muiˉ, lawˉ kiˍ kanˉ veu manˍ hawngˉ kyaˉ lawˉ kiˍ veu ang keungˍ kawˉ uiˉ kaoˍ hkiˍ naeˍ nae uiˉ ang ca. Htiˍ baˍ uiˍ na seu lai naeˉ nuing ba suiˍ hingˍ uiˉ aˍ ang buinˉ tangˍ na up yao kaoˍ hkiˍ naeˍ. Haeˉ mae yao ang suiˍ baˍ suiˍ luiˍ taw nae ha siˉ naeˉ. 20Nuingˉ chaˍ ang maenˍ htaˍ veu pya jiˉ hingˉ ngaˍ ang buinˉ tangˍ na kyaˍ yao nuing ba hkaoˉ veu hap yuˉ beu sumˍ cheˍ pun, hkoˍ cheˍ pun nae htiˍ pakˍ pun nae ang suiˍ suiˍ luiˍ jiˍ hingˉ na ha siˉ naeˉ yaˇ.
Na manˍ kawˍ kawkˉ htawˍ yao hkongˍ longˍ tawngˍ kaˍ veu chiˉ naeˉ laˍ
21Htiˍ cangˍ Yeˍsuˆ maˇ na manˍ kawˍ kawkˉ na hkongˍ longˍ tawngˍ kaˍ veu nae yuˍ pamˍ tawngˍ kaˍ veu cawˍ yao chiˉ naeˉ laˍ. Na manˍ kawˍ kawkˉ htawˍ kyaˍ veu chiˉ naeˉ baˍ aˍ la. 22Aˉ mae yao nae baoˉ vaˍ, ang paˉ veu chawng yao chiˉ jiˉ uiˉ baˍ hpawk taw laˉ nae baˍ ca. Hao na baˍ piˍ bae siˉ nae uiˉ kanˉ muiˉ ang chit pa kyaˉ veu taw laˉ naeˉ. 23Laˍ suingˍ hkaˉ ca naeˉ changˉ uiˉ ngaˍ maenˍ nae naˉ voˍ nae ha biˍ jiˍ. 24Hingˉ nawngˍ veu Yeˍsuˆ yawng na ha biˍ jiˍ. Nawng ya kyaˍ jiˍ awˍ lawng uiˉ na saˍ tiˍ ca bu. Nawng hao na cangˍ yao piˍ jiˍ laˉ mae nawng na muiˉ hao cangˍ yao piˍ laeˍ laˍ naeˍ yaˇ. Hingˉ htaˍ veu muiˉ htaengˍ caeˍ lae laˍ naeˍ yaˇ. 25Aˉ mae yao nae baoˉ vaˍ, ca naeˉ changˉ uiˉ na nawˍ hingˉ htaˍ chaeˍ nae piˉ ca laeˍ naeˍ. Ba ca nae uiˉ changˉ na nawˍ yang beu ca naeˉ hingˉ na muiˉ yuˉ hko biˍ naeˍ na ya hkamˉ naeˉ nae ha biˍ jiˍ.
Ang ceuˉ teˍ laˉ buiˍ laˉ jiˉ awˍ lawng uˉ paˍ maˍ uiˍ
26Htiˍ cangˍ Yeˍsuˆ maˇ Hpaˍcaoˍ beu ang meungˉ hingˉ ngaˍ nuingˉ chaˍ htaˍ veu changˉ htiˍ hu ang ceuˉ pya naeˉ na ang tuˉ yaˇ. 27Yaˇ miˍ hkiˍ nuing kawngˉ ang nyamˍ veu yuˍ yao hta yao ca jiˉ. Ang ceuˉ pya jiˉ hingˉ tawngˍ cheˍ cheˉ yao huiˍ laˉ naeˉ. Ang ceuˉ hingˉ ngaˍ aˉ mae huiˍ laˉ naeˇ nae yaˇ baˍ bae. 28Nuingˉ chaˍ hingˍ ngaˍ yangˉ yang nae ang suiˍ piˉ suiˍ laˉ yao, kaˉ huˍ veu ang pangˉ hingˉ nawngˍ veu ang du, ang du hingˉ nawngˍ veu ang suiˍ piˉ hpeuˍ laˉ naeˉ. 29Ang suiˍ hingˍ ming laˉ yao yeˍ yamˍ hkeu laˉ beu yaˇ ang vaiˍ nae yeˍ hkawˍ hingˍ nae yeˍ naeˍ nae ha biˍ jiˍ.
Kangˍ ba ceuˉ uˉ paˍ maˍ
30Htiˍ cangˍ Hpaˍcaoˍ beu ang meungˉ hingˉ na aˉ mae uiˉ na ya hpekˆ naeˇ. Aˉ mae uˉ paˍ maˍ uiˍ nae ya maˍ laˍ naeˇ nae ha biˍ jiˍ. 31Hingˉ ngaˍ kangˍ ba ceuˉ ang nuinga na ang tuˉ. Kangˍ ba ang nuing hingˉ ngaˍ nuingˉ chaˍ htaˍ veu hkaˉ ca naeˉ uiˉ ang nuing hkaˉ iˉ yaˍ naeˍ yangˍ ngaˇ. 32Hka yao ang pangˉ mangˉ huiˍ laˉ baoˉ vaˍ, aw htaˍ veu ang pangˉ uiˉ htaˍ chae huiˍ laˉ naeˉ. Ang pangˉ hingˉ ang sumˉ tawngˍ kaˍ veu ha yaˍ uiˍ saoˍ yao kaˍ nae nangˍ ngam ang huiˍ uiˍ taw laˉ naeˉ nae ha biˍ jiˍ. 33Yeˍsuˆ maˇ haeˉ mae uiˉ uˉ paˍ maˍ ang byaˍ nae changˉ uiˉ bae jiˉ laˉ mawt yawng na ang buinˉ tangˍ maˍ biˍ jiˍ. 34Uˉ paˍ maˍ baˍ awngˍ nae yawng na baˍ maˍ biˍ. Yang beu ta peˍ uiˍ htiˍ yaˍ naeˍ ca beu, awˍ lawng hkaˉ hko laˉ hko uiˉ maenˍ nae hkai yao piˉ naˉ jiˉ.
Yeˍsuˆ hawˉ manˉ na piˉ saoˍ jiˍ.
35Hingˉ nuing miˍ hkiˍ sumˍ veu hkeu yao Yeˍsuˆ maˇ yang ta peˍ uiˍ na Gaˍliˉlaeˉ lang awng htiˍ pakˍ kyaˍ kaˍ seu hpaiˍ yao lae baiˉ seuˍ nae ha biˍ jiˍ. 36Haeˉ mae yao Yeˍsuˆ ta peˍ uiˍ changˉ ang muˉ ang byaˍ uiˍ na chiˉ saˍ yao heuˍ htaˍ veu ca naeˉ Yeˍsuˆ na suiˍ yao lae jiˉ. Heuˍ htiˍ baˍ uiˍ muiˉ Yeˍsuˆ nawngˍ veu hkeˍ yao lae jiˉ. 37Haeˉ mae beu, miˍ hawˍ hawˉ manˉ taw laˉ yao langˉ samˍ uiˍ muiˉ heuˍ mangˍ na htawngˍ yao heuˍ mangˍ beu langˉ uiˉ saˉ peung laˉ nae hpeuˍ jiˍ. 38Yeˍsuˆ maˇ heuˍ naˍ hkawˍ kaˍ seu taˍ hku hku yao yuˍ nuˍ awngˉ ngangˉ jiˉ. Ta peˍ uiˍ a Yeˍsuˆ na hta hkae yao, Saˍ laˉ veuˉ, gu aˍ ya siˉ naeˇ jaˇ. Yeˍsuˆ naˇ gu na baˍ hu baˍ hpa laˍ laˉ laˍ nae ha biˍ jiˍ. 39Haeˉ mae beu, Yeˍsuˆ hta laˉ yao, hawˉ manˉ nae langˉ samˍ mangˍ na, Chuiˉ nae saoˍ ngangˍ bao nae ha biˍ jiˍ. Hawˉ manˉ mangˉ saoˍ ngangˍ yao, langˉ yangˍ muiˉ yuingˉ nae ca saw jiˉ. 40Haeˉ mae beu, Yeˍsuˆ yawng na naˉ jiˉ. Nawng ngaˍ ba ceuˉ ha yao hkae naeˇ. Yumˉ naeˉ uiˉ nuing ba baˍ ca laˍ nae yawng na naˉ jiˉ. 41Yawng hkae did did biˍ yao, Changˉ niˉ maˇ manˍ ga blaw jaˇ. Hawˉ manˉ nae lang awng ningˉ uiˉ muiˉ yang tangˍ na ang naˉ nae nawˍ nae yawng htiˍ hu nae htiˍ hu hkai lang jiˉ.
Currently Selected:
Maˍkuˆ 4: pyy
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc.
Maˍkuˆ 4
4
Ang ceuˉ pya naeˉ mangˉ uˉ paˍ maˍ
1Yeˍsuˆ Gaˍliˉlaeˉ lang awng htang veu htiˍ cangˍ ang buinˉ tangˍ maˍ laeˍ biˍ jiˍ. Haeˉ mae beu, changˉ ang muˉ ang byaˍ yang htang veu chawnˉ hko laˉ lang yao, Yeˍsuˆ maˇ lang awng htang veu ca yao heuˍ htaˍ veu duingˉ lae jiˉ. Changˉ ang muˉ uiˉ lang awng ang hkawpˉ htang veu ca jiˉ. 2Haeˉ mae beu, Yeˍsuˆ yawng na uˉ paˍ maˍ uiˍ nae hpekˆ yao ang byaˍ ceuˍ maˍ biˍ jiˍ. 3Naˉ baoˇ, ang ceuˉ pya naeˉ maˇ ang ceuˉ hingˉ na pya naeˉ uiˉ saˍ laiˍ hanˉ yao awkˍ nga aengˉ jiˉ. 4Ang ceuˉ uiˉ na pya aeˉ beu ang ceuˉ htiˍ baˍ uiˉ aˍ kaˉ ba veu kla yao, ha yaˍ uiˍ lui yao kaw yaˍ lui jiˉ. 5Ang ceuˉ htiˍ baˍ uiˉ aˍ nuingˉ chaˍ baˍ ca nae haw ba ang byaˍ veu kla yao, nuingˉ chaˍ ang paˍ nae tiˍ chitˍ nae ang yaˍ teˍ laˉ jiˉ. 6Hta yao muiˉ, miˍ nuingˍ taw langˉ yao nuing chaˉ ang hawngˉ nae tawngˍ cheˍ baˍ cheˍ taw nae haeoˍ kui laeˍ yao siˉ jiˉ. 7Ang ceuˉ htiˍ baˍ uiˉ aˍ chiˍ kuˍ taeˍ veu kla yao chiˍ kuˍ pangˍ uiˍ hui laˉ yao, yang up biˍ yao, ang pangˉ baˍ huiˍ laˍ hkiˍ. Ang suiˍ baˍ suiˍ laˍ hkiˍ. 8Ang ceuˉ htiˍ baˍ uiˍ nuingˉ chaˍ ang maenˍ veu kla yao, ang pangˉ ang huiˍ teˍ laˉ yao, ang suiˍ sumˍ cheˍ pun, hkoˍ cheˍ pun, htiˍ pakˍ pun nae hpae laˉ yao ang suiˍ suiˍ jiˍ. 9Kyaˍ hkiˍ naeˍ uiˉ laˍ suingˍ ang ca uiˉ aˍ maenˍ nae naˉ voˍ nae Yeˍsuˆ ha biˍ jiˍ. 10Hingˉ nawngˍ veu, changˉ htiˍ hu baˍ ca nae beu Yeˍsuˆ na yang ta peˍ uiˍ nae Yeˍsuˆ nawngˍ veu hkeˍ jiˍ changˉ uiˉ muiˉ yang uˉ paˍ maˍ hingˍ awˍ lawng hingˉ na naˉ jiˉ. 11Yeˍsuˆ ha biˍ jiˍ. Nawngˍ ngaˍ Ang suingˉ Hpaˍcaoˍ beu chawng yao chiˉ jiˉ ang meungˉ lawng hingˉ na bae naeˉ uiˉ aˉ hkvangˍ ang ca yaˇ. Ang nyiˉ veu changˉ uiˉ na nawˍ aˉ mae uiˉ lawng veu na baˍ upˍ uˉ paˍ maˍ uiˍ nae ya hkai biˍ naeˍ. 12Aˉ mae yao nae baoˉ vaˍ,
Yawng ngaˍ hu yao muiˉ baˍ myangˍ hki. Yawng ngaˍ kyaˍ yao muiˉ baˍ naˍ hki. Ningˉ mae baˍ aˍ nae baoˉ vaˍ, yawng ang si na kuitˉ puiˉ laeˍ yao, naˍ hokˍ poiˉ naeˉ na ya hkamˉ naeˉ nae ha biˍ jiˍ.
13Hingˉ nawngˍ veu uˉ paˍ maˍ ningˍ uiˉ na muiˉ nawng ngaˍ baˍ na bae nae baoˉ vaˍ, uˉ paˍ maˍ ang byaˍ uiˍ na aˉ mae naˇ bae taw naeˇ nae Yeˍsuˆ ha biˍ jiˍ. 14Ang ceuˉ pya naeˉ hingˉ maˇ ang buinˉ tangˍ na pya naeˉ yaˇ. 15Changˉ htiˍ baˍ uiˍ a kaˉ ba veu ka nae ang ceuˉ uiˉ na ang tuˉ. Ang buinˉ tangˍ hingˍ na kyaˍ yao tiˍ chitˍ nae Saˍtanˍ lui yao pya jiˉ ang buinˉ tangˍ hingˍ na yuˉ taw lui naeˉ. 16Haw ba ang byaˍ htaˍ veu pya jiˉ ang buinˉ tangˍ hingˍ nga ang buinˉ tangˍ hingˍ na ya kyaˍ yao mawnˍ naeˍ uiˉ nuing ba suiˍ nae tiˍ chitˍ hkaoˍ veu hkamˉ yuˉ yao muiˉ. 17Nuing ba suiˍ hkaoˍ veu tawngˍ cheˍ baˍ naenˍ nae tiˍ hkaoˍ naeˍ naˇ hkumˉ naeˉ. Ang buinˉ tangˍ na yumˉ naeˉ pa nae tuk hpan naeˉ uiˉ hkanˍ yaˍ chuiˍ yaˍ naeˍ uiˉ hkeu laˉ beu tiˍ chitˍ nae kaˉ nawngˍ ka seu hpaw aeˉ laeˍ naˇ. 18Chiˍ kuˍ pangˍ hkaoˍ veu pya jiˉ ang ceuˉ hingˉ ngaˍ ang buinˉ tangˍ na kyaˍ yao, lawˉ kiˍ kanˉ veu manˍ hawngˉ kyaˉ lawˉ kiˍ veu ang keungˍ kawˉ uiˉ kaoˍ hkiˍ naeˍ uiˉ ang ca. 19Hta yao muiˉ, lawˉ kiˍ kanˉ veu manˍ hawngˉ kyaˉ lawˉ kiˍ veu ang keungˍ kawˉ uiˉ kaoˍ hkiˍ naeˍ nae uiˉ ang ca. Htiˍ baˍ uiˍ na seu lai naeˉ nuing ba suiˍ hingˍ uiˉ aˍ ang buinˉ tangˍ na up yao kaoˍ hkiˍ naeˍ. Haeˉ mae yao ang suiˍ baˍ suiˍ luiˍ taw nae ha siˉ naeˉ. 20Nuingˉ chaˍ ang maenˍ htaˍ veu pya jiˉ hingˉ ngaˍ ang buinˉ tangˍ na kyaˍ yao nuing ba hkaoˉ veu hap yuˉ beu sumˍ cheˍ pun, hkoˍ cheˍ pun nae htiˍ pakˍ pun nae ang suiˍ suiˍ luiˍ jiˍ hingˉ na ha siˉ naeˉ yaˇ.
Na manˍ kawˍ kawkˉ htawˍ yao hkongˍ longˍ tawngˍ kaˍ veu chiˉ naeˉ laˍ
21Htiˍ cangˍ Yeˍsuˆ maˇ na manˍ kawˍ kawkˉ na hkongˍ longˍ tawngˍ kaˍ veu nae yuˍ pamˍ tawngˍ kaˍ veu cawˍ yao chiˉ naeˉ laˍ. Na manˍ kawˍ kawkˉ htawˍ kyaˍ veu chiˉ naeˉ baˍ aˍ la. 22Aˉ mae yao nae baoˉ vaˍ, ang paˉ veu chawng yao chiˉ jiˉ uiˉ baˍ hpawk taw laˉ nae baˍ ca. Hao na baˍ piˍ bae siˉ nae uiˉ kanˉ muiˉ ang chit pa kyaˉ veu taw laˉ naeˉ. 23Laˍ suingˍ hkaˉ ca naeˉ changˉ uiˉ ngaˍ maenˍ nae naˉ voˍ nae ha biˍ jiˍ. 24Hingˉ nawngˍ veu Yeˍsuˆ yawng na ha biˍ jiˍ. Nawng ya kyaˍ jiˍ awˍ lawng uiˉ na saˍ tiˍ ca bu. Nawng hao na cangˍ yao piˍ jiˍ laˉ mae nawng na muiˉ hao cangˍ yao piˍ laeˍ laˍ naeˍ yaˇ. Hingˉ htaˍ veu muiˉ htaengˍ caeˍ lae laˍ naeˍ yaˇ. 25Aˉ mae yao nae baoˉ vaˍ, ca naeˉ changˉ uiˉ na nawˍ hingˉ htaˍ chaeˍ nae piˉ ca laeˍ naeˍ. Ba ca nae uiˉ changˉ na nawˍ yang beu ca naeˉ hingˉ na muiˉ yuˉ hko biˍ naeˍ na ya hkamˉ naeˉ nae ha biˍ jiˍ.
Ang ceuˉ teˍ laˉ buiˍ laˉ jiˉ awˍ lawng uˉ paˍ maˍ uiˍ
26Htiˍ cangˍ Yeˍsuˆ maˇ Hpaˍcaoˍ beu ang meungˉ hingˉ ngaˍ nuingˉ chaˍ htaˍ veu changˉ htiˍ hu ang ceuˉ pya naeˉ na ang tuˉ yaˇ. 27Yaˇ miˍ hkiˍ nuing kawngˉ ang nyamˍ veu yuˍ yao hta yao ca jiˉ. Ang ceuˉ pya jiˉ hingˉ tawngˍ cheˍ cheˉ yao huiˍ laˉ naeˉ. Ang ceuˉ hingˉ ngaˍ aˉ mae huiˍ laˉ naeˇ nae yaˇ baˍ bae. 28Nuingˉ chaˍ hingˍ ngaˍ yangˉ yang nae ang suiˍ piˉ suiˍ laˉ yao, kaˉ huˍ veu ang pangˉ hingˉ nawngˍ veu ang du, ang du hingˉ nawngˍ veu ang suiˍ piˉ hpeuˍ laˉ naeˉ. 29Ang suiˍ hingˍ ming laˉ yao yeˍ yamˍ hkeu laˉ beu yaˇ ang vaiˍ nae yeˍ hkawˍ hingˍ nae yeˍ naeˍ nae ha biˍ jiˍ.
Kangˍ ba ceuˉ uˉ paˍ maˍ
30Htiˍ cangˍ Hpaˍcaoˍ beu ang meungˉ hingˉ na aˉ mae uiˉ na ya hpekˆ naeˇ. Aˉ mae uˉ paˍ maˍ uiˍ nae ya maˍ laˍ naeˇ nae ha biˍ jiˍ. 31Hingˉ ngaˍ kangˍ ba ceuˉ ang nuinga na ang tuˉ. Kangˍ ba ang nuing hingˉ ngaˍ nuingˉ chaˍ htaˍ veu hkaˉ ca naeˉ uiˉ ang nuing hkaˉ iˉ yaˍ naeˍ yangˍ ngaˇ. 32Hka yao ang pangˉ mangˉ huiˍ laˉ baoˉ vaˍ, aw htaˍ veu ang pangˉ uiˉ htaˍ chae huiˍ laˉ naeˉ. Ang pangˉ hingˉ ang sumˉ tawngˍ kaˍ veu ha yaˍ uiˍ saoˍ yao kaˍ nae nangˍ ngam ang huiˍ uiˍ taw laˉ naeˉ nae ha biˍ jiˍ. 33Yeˍsuˆ maˇ haeˉ mae uiˉ uˉ paˍ maˍ ang byaˍ nae changˉ uiˉ bae jiˉ laˉ mawt yawng na ang buinˉ tangˍ maˍ biˍ jiˍ. 34Uˉ paˍ maˍ baˍ awngˍ nae yawng na baˍ maˍ biˍ. Yang beu ta peˍ uiˍ htiˍ yaˍ naeˍ ca beu, awˍ lawng hkaˉ hko laˉ hko uiˉ maenˍ nae hkai yao piˉ naˉ jiˉ.
Yeˍsuˆ hawˉ manˉ na piˉ saoˍ jiˍ.
35Hingˉ nuing miˍ hkiˍ sumˍ veu hkeu yao Yeˍsuˆ maˇ yang ta peˍ uiˍ na Gaˍliˉlaeˉ lang awng htiˍ pakˍ kyaˍ kaˍ seu hpaiˍ yao lae baiˉ seuˍ nae ha biˍ jiˍ. 36Haeˉ mae yao Yeˍsuˆ ta peˍ uiˍ changˉ ang muˉ ang byaˍ uiˍ na chiˉ saˍ yao heuˍ htaˍ veu ca naeˉ Yeˍsuˆ na suiˍ yao lae jiˉ. Heuˍ htiˍ baˍ uiˍ muiˉ Yeˍsuˆ nawngˍ veu hkeˍ yao lae jiˉ. 37Haeˉ mae beu, miˍ hawˍ hawˉ manˉ taw laˉ yao langˉ samˍ uiˍ muiˉ heuˍ mangˍ na htawngˍ yao heuˍ mangˍ beu langˉ uiˉ saˉ peung laˉ nae hpeuˍ jiˍ. 38Yeˍsuˆ maˇ heuˍ naˍ hkawˍ kaˍ seu taˍ hku hku yao yuˍ nuˍ awngˉ ngangˉ jiˉ. Ta peˍ uiˍ a Yeˍsuˆ na hta hkae yao, Saˍ laˉ veuˉ, gu aˍ ya siˉ naeˇ jaˇ. Yeˍsuˆ naˇ gu na baˍ hu baˍ hpa laˍ laˉ laˍ nae ha biˍ jiˍ. 39Haeˉ mae beu, Yeˍsuˆ hta laˉ yao, hawˉ manˉ nae langˉ samˍ mangˍ na, Chuiˉ nae saoˍ ngangˍ bao nae ha biˍ jiˍ. Hawˉ manˉ mangˉ saoˍ ngangˍ yao, langˉ yangˍ muiˉ yuingˉ nae ca saw jiˉ. 40Haeˉ mae beu, Yeˍsuˆ yawng na naˉ jiˉ. Nawng ngaˍ ba ceuˉ ha yao hkae naeˇ. Yumˉ naeˉ uiˉ nuing ba baˍ ca laˍ nae yawng na naˉ jiˉ. 41Yawng hkae did did biˍ yao, Changˉ niˉ maˇ manˍ ga blaw jaˇ. Hawˉ manˉ nae lang awng ningˉ uiˉ muiˉ yang tangˍ na ang naˉ nae nawˍ nae yawng htiˍ hu nae htiˍ hu hkai lang jiˉ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc.