PSALMEN Bindu 17
Bindu 17
Tonggo ni Halak na Pinarburu na So Ingkat Marsalah
1Tonggo ni si Daud.
Tangihon Ham ma, alo Jahowa, hapintoronku.
Tangihon Ham ma elek-elekku!
Parimbagaskon Ham ma tonggongku,
na luar humbani bibir na so manipu. (Ps. 5:2; 61:2; Jer. 7:16)
2Humbani bohi-Mu roh pamintorion bangku,
panonggor-Mu do mangidah na sintong. (Ps. 43:1; 58:2; 75:3; 1 Sam. 24:16)
3Anggo ipapangkei Ham uhurhu, ipareksa Ham borngin,
anggo iuji Ham ahu, seng anjai jumpah Ham hajahaton bangku;
seng ongga tarlopus parsahapku. (Ps. 7:10; 16:7; 139:1)
4Ia pasal parlahou ni jolma,
domu hubani hata na luar hun pamangan-Mu,
hujagai do diringku dompak pambahenan ni halak sipangodoh-odoh. (1 Sam. 25:7, 21; Joh 8:44)
5Bokas-Mu do iirikkon langkah-langkahku,
seng ongga jiris naheihu. (Job 33:11; 31:7)
6Sai Ham do hudilo, ai ibalosi Ham do ahu, ale Naibata.
Paeleng Ham ma pinggol-Mu bangku, tangihon Ham ma hatangkon. (Ps. 88:3)
7Patuduhkon Ham ma idop ni uhur-Mu na gok halongangan in,
Ham, alo Sipaluah halak na marlingod
bani tangan-Mu siamun dompak imbang ni sidea. (Ps. 4:4; 31:12; 44:4; 2 Mus. 15:3-6; Jes. 59:1)
8Ramotkon Ham ma ahu songon anak ni mata;
ponopkon Ham ma ahu i toruh ni linggom ni habong-Mu, (Ps. 36:8; 5 Mus 32:10, 11; Jes. 31:5; Sak. 2:12)
9dompak halak parjahat na sihol mangagou ahu,
dompak munsuhku na manloulou ahu, (Ps. 22:17; 88:18; 118:11)
10Itutup sidea do uhurni,
marhitei pamanganni isahapkon hagijangon; (Ps. 73:7; 119:70; 1 Joh 3:17)
11igompangi sidea do ahu, tarloulou do ahu nuan,
sai ipardiateihon mata ni sidea do ahu laho mangompaskon ahu hu tanoh.
12Usih do ia hubani singa na laho manoroh,
songon anak ni singa na monggop bani ianan na ponop. (Ps. 10:9)
13Jongjong ma Ham Jahowa, dompakkon Ham anjaha ompaskon Ham ma ia,
paluah Ham ma goluhku humbani parjahat marhitei podang-Mu,
14marhitei tangan-Mu, Ham Jahowa, humbani jolma,
ai ma halak paruhur dunia sadokah ia manggoluh,
na dob ginokan-Mu boltokni marhitei arta-Mu,
na riris homa marniombah, na boi martading-tadingan bani na i pudini. (Ps. 10:18; Job 21:11; Luk 16:8, 25; Joh 3:21; Pil. 3:19)
15Tapi anggo ahu marhitei hapintoron idahonku do bohi-Mu,
hubosuri diringku sanggah na puho ahu bani rupa-Mu. (2 Mus. 33:20; 4 Mus 12:8; Job 19:25-27; Hes. 37:1-14; Dan. 12:2; Jes. 26:19; Mat 5:8; 1 Kor. 15:49; Heb. 52:14)
Currently Selected:
PSALMEN Bindu 17: BTS
Highlight
Share
Copy
Want to have your highlights saved across all your devices? Sign up or sign in
Bibel, Simalungun Bible (revised ed.) © Indonesian Bible Society, 2007.