Filibi 2
2
Ba ywwai Yesu a̱ ga bu ku yrek
1Ki yi byyi yata̱gbak nyyai di Kristi rot mon diccu ti ba̱ nu, ki cat a Kristi na̱ ya cat i ya ka rya-sai, ki Tswa Ka̱za ji ya cong di ka̱mon bu ba̱yaan, ki yi gwai ba̱yaan bu pfong dizot ba̱yaan, 2n ya naai a̱huhwa nyin nu a̱ yet ba̱ a̱yring, cat nyin ka̱yring, tswa nyin ji jring ka̱nu nyin ka̱yring, rya nzuk a i gi myyi. 3Yi ryok yya kyang bu swam ko yet diccu ba, seko koyan a̱ ya breng a̱ shyi ka̱nu nkyang ba, a̱ cyang ba̱yanyet ba ku ran. 4Koyan a̱ ryok tyyi bu diccu nu ba an kyang a na̱ cat i ba, seko yi yya nkyang a ni brang ba̱yaan ni. 5Yi ryok a̱huhwa nyin nu a̱ yet ba̱ a̱yring ba̱ a̱nying Yesu Kristi nu:
6Na̱ yin yet bu kyang yring bu Ka̱za nyyai ndoson;
nu na̱ kwan zwang ba rang bu Ka̱za ba,
7ma a̱ ya brak a̱n yya kyang ba,
se a̱ wa ya brak a̱n yya a̱kwwa.
A̱ brak a̱ tyyi a̱neywu da̱ njit i.
8Ka̱ram ka na̱n brak a̱ tyyi a̱neywu ni,
a̱ ya breng na̱ yet kyang ba
a̱ pfong Ka̱za
har a̱ tyyi diccu nu i dikwu nssom
dikwu tazwa ka̱teyang.
9Nkpa n byyi Ka̱za a̱n ku yrek a̱ nat i a̱gba̱dang ka̱bvwa dityok,
a̱ ku ryi diyrek ti shyi tazwa kozan diyrek i,
10rot ka̱ram ka ban yei diyrek Yesu ni,
sa̱rei kyang a byyi sso ni i ta̱gbok i ku sook ntong,
di ba̱nyet shyi Tazwa, di ba̱nyet ka̱sa ba ni, di ba̱nyet ba a̱ shyi a̱yabyen ni.
11Kozan diryem a̱ ni tyyei ka̱sak ka Yesu Kristi a̱mi a̱ yet A̱gwam ni,
a̱ bo dyep Ka̱za, A̱tyyi nu ka.
Nyin yet fitila ka̱sa ji
12Rot a̱mi ba̱wumbeyang nzuk, da̱ni yin tssup ba̱ryat nzuk ba ka̱ram ka n nin shyi ba̱ nyin ni, naanini n ni shyi ba̱ nyin ni ba ku myim yi tssup ba̱ryat nzuk ba ra̱u ka̱ram ka n ni shyi ba̱ nyin ni ma. Yi ya ka̱son bu yya pfong sucet nyin na di ka̱wun bu rwam ba̱trim, 13rot Ka̱za a̱mi a̱ yya pfong ka̱yat nyin kozan ka̱ram a̱ tyyi yi cat bu maai yya kyang a ka̱ myim ni.
14Kozan kyang yi ni yya yi ryok nkop a̱dyying ko yin za a̱cecet ba, 15yi gi yet ba̱nyet sang hywak i bu yet ba̱zizrak ba̱nyet da̱ni di ba̱tsatsak na̱won Ka̱za na a̱ swat bu ba̱nyet ka̱sa ba ndya mba na na ka̱n cyik bu a̱ka̱tukyya ni. Yi sai ka̱yat mba di na̱ta̱ngwat ka̱yat a̱ninyyan ni 16da̱ni yin ba̱ jyet Ka̱sham Ba̱ryat ka a̱ wwat sucet ni. Ki yi yya a̱mi n ni byyi kyang gba diccu nzuk ka̱tuk brek Kristi, rot n ni ryi pfong a n yya ni bu ka̱bvung ka n sswa ni a̱ nat ba̱kpam ba.
17Wrak ndya nyin na yet ba̱hyum ba yi krok Ka̱za mi ni. Shim ba̱sok nzuk a̱mi ba nin krok ba̱hyum ba. Ka̱ a̱mi n gwai, n bo n ka gwai nzuk ji ba̱ nyin sa̱rei. 18Ka̱ a̱mi nyin meyang yi ma̱n gwai i bu gwai ba̱ nzuk.
Timoti bu Abafaroditat
19Ka̱ A̱gwam njit Yesu a̱ shim, n byyi rya n tom Timoti na̱ ba a̱ bu ya byyek ba̱nyying, a̱ ga brek n bu hok nkhang nyin na, rya nzuk a i gi myyi. 20N bo n byyi a̱yanyet u zi byyi a̱huhwa nyin ba̱ nu da̱ nu ni ba, a̱ byyi a̱huhwa ya brang ba̱t. 21Kpikpit a koyan a̱ tyyi ka̱ssi bu an pfong nu, ba̱ryat pfong Yesu a̱ bo ba̱ shyi ba. 22Ma yi bvwo kyang a Timoti na̱ yet an pfong ani ni. Yi bvwo ka̱sak ka n nin yya pfong ani ba̱ nu ka̱rek ka̱yring ni anye a̱tyyi bu ka̱won i tyyei Ka̱sham Ba̱ryat ka ni. 23Ki n bvwo kyang a n nin shyi ni, nu a̱mi n nin byyi rya n tom da̱ nyin. 24N ni n byyi rya nzuk diccu nzuk A̱gwam njit a̱ ni n brang n ba da̱ nyin ba̱nyying.
25N dyi kun yet dolet n ya tom di Abafaroditat na̱ brek a̱ ba da̱ nyin, a̱wumba nu a̱ sseng ba̱ nzuk an pfong a bu zwang ji ni. Nu a̱mi a̱ yet a̱pfong u yi tom da̱ nzuk na̱ bu n brang ni. 26A̱ssi nu na a̱ shyi bu da̱ nyin sa̱rei naani, rya nu na tyyi ba̱ a̱suswak rot yi hok ka̱sak ka hywu na kun ku yya ni. 27Ka̱ryong a̱mi hywu yin ku yya, har na̱ bvat ba̱cincong a̱ kwu. Ma Ka̱za a̱ hok dizot nu, ma ba̱ nu diyin ba har ba̱ nzuk, a̱ ga ni n bvwo hok a̱gba̱dang rya byyan. 28Rya nzuk a sook n ku tun na̱ ba da̱ nyin, yi gi gwai ki yi ku ryi, rya byyan nzuk a i gi ma̱n tyak. 29Rot a̱mi yi ku san di sai rya ka̱yat A̱gwam Yesu. Ntaka̱i ba̱nyet ani a̱mi myim yi ba̱ ryi shii, 30rot a̱ tyyi diccu nu a̱ ga yya pfong Kristi har a̱ bvat ba̱cincong bu dikwu a̱ ga n yya pfong a nyin yi si bu maai n yya mi ni ba.
Currently Selected:
Filibi 2: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Filibi 2
2
Ba ywwai Yesu a̱ ga bu ku yrek
1Ki yi byyi yata̱gbak nyyai di Kristi rot mon diccu ti ba̱ nu, ki cat a Kristi na̱ ya cat i ya ka rya-sai, ki Tswa Ka̱za ji ya cong di ka̱mon bu ba̱yaan, ki yi gwai ba̱yaan bu pfong dizot ba̱yaan, 2n ya naai a̱huhwa nyin nu a̱ yet ba̱ a̱yring, cat nyin ka̱yring, tswa nyin ji jring ka̱nu nyin ka̱yring, rya nzuk a i gi myyi. 3Yi ryok yya kyang bu swam ko yet diccu ba, seko koyan a̱ ya breng a̱ shyi ka̱nu nkyang ba, a̱ cyang ba̱yanyet ba ku ran. 4Koyan a̱ ryok tyyi bu diccu nu ba an kyang a na̱ cat i ba, seko yi yya nkyang a ni brang ba̱yaan ni. 5Yi ryok a̱huhwa nyin nu a̱ yet ba̱ a̱yring ba̱ a̱nying Yesu Kristi nu:
6Na̱ yin yet bu kyang yring bu Ka̱za nyyai ndoson;
nu na̱ kwan zwang ba rang bu Ka̱za ba,
7ma a̱ ya brak a̱n yya kyang ba,
se a̱ wa ya brak a̱n yya a̱kwwa.
A̱ brak a̱ tyyi a̱neywu da̱ njit i.
8Ka̱ram ka na̱n brak a̱ tyyi a̱neywu ni,
a̱ ya breng na̱ yet kyang ba
a̱ pfong Ka̱za
har a̱ tyyi diccu nu i dikwu nssom
dikwu tazwa ka̱teyang.
9Nkpa n byyi Ka̱za a̱n ku yrek a̱ nat i a̱gba̱dang ka̱bvwa dityok,
a̱ ku ryi diyrek ti shyi tazwa kozan diyrek i,
10rot ka̱ram ka ban yei diyrek Yesu ni,
sa̱rei kyang a byyi sso ni i ta̱gbok i ku sook ntong,
di ba̱nyet shyi Tazwa, di ba̱nyet ka̱sa ba ni, di ba̱nyet ba a̱ shyi a̱yabyen ni.
11Kozan diryem a̱ ni tyyei ka̱sak ka Yesu Kristi a̱mi a̱ yet A̱gwam ni,
a̱ bo dyep Ka̱za, A̱tyyi nu ka.
Nyin yet fitila ka̱sa ji
12Rot a̱mi ba̱wumbeyang nzuk, da̱ni yin tssup ba̱ryat nzuk ba ka̱ram ka n nin shyi ba̱ nyin ni, naanini n ni shyi ba̱ nyin ni ba ku myim yi tssup ba̱ryat nzuk ba ra̱u ka̱ram ka n ni shyi ba̱ nyin ni ma. Yi ya ka̱son bu yya pfong sucet nyin na di ka̱wun bu rwam ba̱trim, 13rot Ka̱za a̱mi a̱ yya pfong ka̱yat nyin kozan ka̱ram a̱ tyyi yi cat bu maai yya kyang a ka̱ myim ni.
14Kozan kyang yi ni yya yi ryok nkop a̱dyying ko yin za a̱cecet ba, 15yi gi yet ba̱nyet sang hywak i bu yet ba̱zizrak ba̱nyet da̱ni di ba̱tsatsak na̱won Ka̱za na a̱ swat bu ba̱nyet ka̱sa ba ndya mba na na ka̱n cyik bu a̱ka̱tukyya ni. Yi sai ka̱yat mba di na̱ta̱ngwat ka̱yat a̱ninyyan ni 16da̱ni yin ba̱ jyet Ka̱sham Ba̱ryat ka a̱ wwat sucet ni. Ki yi yya a̱mi n ni byyi kyang gba diccu nzuk ka̱tuk brek Kristi, rot n ni ryi pfong a n yya ni bu ka̱bvung ka n sswa ni a̱ nat ba̱kpam ba.
17Wrak ndya nyin na yet ba̱hyum ba yi krok Ka̱za mi ni. Shim ba̱sok nzuk a̱mi ba nin krok ba̱hyum ba. Ka̱ a̱mi n gwai, n bo n ka gwai nzuk ji ba̱ nyin sa̱rei. 18Ka̱ a̱mi nyin meyang yi ma̱n gwai i bu gwai ba̱ nzuk.
Timoti bu Abafaroditat
19Ka̱ A̱gwam njit Yesu a̱ shim, n byyi rya n tom Timoti na̱ ba a̱ bu ya byyek ba̱nyying, a̱ ga brek n bu hok nkhang nyin na, rya nzuk a i gi myyi. 20N bo n byyi a̱yanyet u zi byyi a̱huhwa nyin ba̱ nu da̱ nu ni ba, a̱ byyi a̱huhwa ya brang ba̱t. 21Kpikpit a koyan a̱ tyyi ka̱ssi bu an pfong nu, ba̱ryat pfong Yesu a̱ bo ba̱ shyi ba. 22Ma yi bvwo kyang a Timoti na̱ yet an pfong ani ni. Yi bvwo ka̱sak ka n nin yya pfong ani ba̱ nu ka̱rek ka̱yring ni anye a̱tyyi bu ka̱won i tyyei Ka̱sham Ba̱ryat ka ni. 23Ki n bvwo kyang a n nin shyi ni, nu a̱mi n nin byyi rya n tom da̱ nyin. 24N ni n byyi rya nzuk diccu nzuk A̱gwam njit a̱ ni n brang n ba da̱ nyin ba̱nyying.
25N dyi kun yet dolet n ya tom di Abafaroditat na̱ brek a̱ ba da̱ nyin, a̱wumba nu a̱ sseng ba̱ nzuk an pfong a bu zwang ji ni. Nu a̱mi a̱ yet a̱pfong u yi tom da̱ nzuk na̱ bu n brang ni. 26A̱ssi nu na a̱ shyi bu da̱ nyin sa̱rei naani, rya nu na tyyi ba̱ a̱suswak rot yi hok ka̱sak ka hywu na kun ku yya ni. 27Ka̱ryong a̱mi hywu yin ku yya, har na̱ bvat ba̱cincong a̱ kwu. Ma Ka̱za a̱ hok dizot nu, ma ba̱ nu diyin ba har ba̱ nzuk, a̱ ga ni n bvwo hok a̱gba̱dang rya byyan. 28Rya nzuk a sook n ku tun na̱ ba da̱ nyin, yi gi gwai ki yi ku ryi, rya byyan nzuk a i gi ma̱n tyak. 29Rot a̱mi yi ku san di sai rya ka̱yat A̱gwam Yesu. Ntaka̱i ba̱nyet ani a̱mi myim yi ba̱ ryi shii, 30rot a̱ tyyi diccu nu a̱ ga yya pfong Kristi har a̱ bvat ba̱cincong bu dikwu a̱ ga n yya pfong a nyin yi si bu maai n yya mi ni ba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.