Afisa 6
6
Na̱won bu ba̱tyyi
1Na̱won, dolet a̱mi yi pfong ba̱tyyi bu ba̱naa nyin ba, rot kyang a myim ba̱nyet tssup a̱ yya ni yemi. 2Truwang ji hywa, “Tyong a̱tyyi nwan ba̱ a̱na nwan.” nji a̱mi yet truwang ka̱tsitsrang ji byyi rop-wwon ni. 3Rop-wwon nu nu a̱ yet “Nnom swat ka̱sa nwan na i gi shii ka̱tswa, a bu hok ansham nna.”
4Nyin meyang ba̱tyyi, yi ryok yya di na̱won nyin na har ba hok diryen ba. Seko yi ba̱ breng ansham i ba̱ zzek i ryen tssup A̱gwam njit a.
Ba̱kwwa bu ba̱nyet na̱sa mba
5Nyin ba̱kwwa, yi pfong ba̱nyet na̱sa nyin, i ba̱ tyong bu rwam ba̱trim ba̱ a̱zizrak rya da̱ni yin yya Kristi dikwwa ti ni. 6Ba se bu ka̱ram ka ban ya cam ni yi nin ba̱ tyong i gi shya hok ansham mba ba, ma sa̱rei ka̱yat ndya nyin ka yi yya kyang a Ka̱za ka cat i, di ba̱kwwa Kristi ni. 7Di ba̱kwwa ni yi yya mpfong nyin bu a̱tsatsak ndya. Yi yya da̱ A̱gwam njit u Tazwa yi ku yya dikwwa ti ni, ba bu ba̱neywu ba. 8Yi ryok bring ba, Ka̱za a̱ ni wrak koyan zang nu ba̱cicrak bu a̱tsatsak nkyang u na̱ yya ni, da̱ a̱kwwa da̱ a̱ntyok swat diccu nu.
9Nyin meyang ba̱nyet na̱sa, se yi ba̱ yya ansham, da̱ni n nin ba̱ tyyei ba yya ba̱ nyin ni. Yi ryok ba̱ shyit ba. Yi ryok bring ba, da̱ nyin di ba̱kwwa nyin ba, a̱tuba nu yi shyi mbvak nu ni a̱ yet ba̱ a̱yring, nu a̱ shyi Tazwa. Nu a̱mi a̱ yya shirya ba̱nyet ba̱cicrak.
Nkyang nzwang a Ka̱za ka za ryi ni
10A̱ngbom kyang u n ni ya tyyei ni: yi tyyi cet ka̱yat A̱gwam Yesu bu ka̱yat a̱gba̱dang cet nu ka. 11Se yi ya rop ansham i sook sa̱rei nkyang zwang a yet nying Ka̱za na ni, i gi maai sseng ba̱ a̱ka̱tuk a̱za̱ncyi a̱gwam a̱ka̱tuk tswa nu. 12Rot zwang njit ji shyi bu ba̱neywu ba, ma bu a̱ka̱tuk ntswa nu a̱ byyi cet na̱bvwa Tazwa bu ka̱byen ni, a̱tityok, cet, bu a̱tityok ndyin zamani nani. 13Rot a̱mi se yi kup sa̱rei nkyang zwang Ka̱za, ki a̱ka̱tuk nom u a̱ bu ba yi gi bu maai sseng ka̱bvwa nyin ka, ka̱ram ka yin tyak kozan kyang ni yi gi maai sseng.
14Se yi sseng ansham: Tyet ndyang nyin na rop di ka̱ryong. A̱zizrak ka̱cyet a̱mi a̱ ni yet a̱ryet u yi ni kup ni. 15Rop a̱tak naat tyyei Ka̱sham Ba̱ryat myyi rya nkpa yet a̱kpatak nyin na. 16Tyyi rya nkpa yet a̱ryet u yi gi n hwwun nhyot a Ka̱ta̱nyrang ka tang ni. 17Sucet a Yesu na̱ wwat i nkpa yet a̱ka̱te ntswam u, ba̱ryat Ka̱za ba a̱ yet ka̱krong a̱kpat ka Tswa Ka̱za zi wwat ni. 18Sa̱rei nkyang ani yi yya nta̱mak ba̱ a̱duwa naai Ka̱za ka ya brang. Yi ryok yya a̱duwa ntrung ka̱ram ba, Tswa Ka̱za a̱mi ya brang yya a̱duwa. Rot a̱mi se yi cam, yi ryok rwan ba, sa̱rei ba̱nyet ba a̱ yet ba̱nying Ka̱za ni yi ba̱ yya a̱duwa kozan ka̱ram. 19Nzuk ma yi n yya a̱duwa, Ka̱za a̱ ga n dyi ba̱ryat nka ba, ka̱ram ka n nin ta̱za ni ryat i n gbung rya n tyyei kyang a shyi i ka̱nrang i Ka̱sham Ba̱ryat ka ni. 20Ba̱ryat bani a̱mi a̱ n tyyi yet wakili nu, ko n nin shyi a jaru ba̱nyying ni. Yi n naai Ka̱za a̱ n wwon n dyat bam bu ka̱wun, ka̱sak ka n nin cat i.
A̱ngbom byet
21Tikikut a̱wumba njit u zi pfong ansham nu ni bu a̱kwwa ka̱ryong ka̱yat mpfong A̱gwam Yesu a̱ ni ya ryi nkhang nzuk a sa̱rei, yi gi bvwo ka̱sak ka n nin dyi ni. 22Nkpa n nin ku tom na̱ bu ya tyyei ka̱sak ka zin dyi kyi ni sa̱rei njit, a̱ ga ya ta̱gbak.
23Ka̱za A̱tyyi njit ba̱ A̱gwam njit Yesu Kristi a̱ ya wwon nda a̱ tyyi cat nka na di sa̱rei ba̱wumbeyang ba. Ka̱za a̱ ya brang yi tyyi ndya nyin na a nka. 24Ka̱za a̱ wwon za̱nang nka ji di sa̱rei ba̱nyet ba a̱ cat Yesu Kristi bu cat wityak ni.
Currently Selected:
Afisa 6: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Afisa 6
6
Na̱won bu ba̱tyyi
1Na̱won, dolet a̱mi yi pfong ba̱tyyi bu ba̱naa nyin ba, rot kyang a myim ba̱nyet tssup a̱ yya ni yemi. 2Truwang ji hywa, “Tyong a̱tyyi nwan ba̱ a̱na nwan.” nji a̱mi yet truwang ka̱tsitsrang ji byyi rop-wwon ni. 3Rop-wwon nu nu a̱ yet “Nnom swat ka̱sa nwan na i gi shii ka̱tswa, a bu hok ansham nna.”
4Nyin meyang ba̱tyyi, yi ryok yya di na̱won nyin na har ba hok diryen ba. Seko yi ba̱ breng ansham i ba̱ zzek i ryen tssup A̱gwam njit a.
Ba̱kwwa bu ba̱nyet na̱sa mba
5Nyin ba̱kwwa, yi pfong ba̱nyet na̱sa nyin, i ba̱ tyong bu rwam ba̱trim ba̱ a̱zizrak rya da̱ni yin yya Kristi dikwwa ti ni. 6Ba se bu ka̱ram ka ban ya cam ni yi nin ba̱ tyong i gi shya hok ansham mba ba, ma sa̱rei ka̱yat ndya nyin ka yi yya kyang a Ka̱za ka cat i, di ba̱kwwa Kristi ni. 7Di ba̱kwwa ni yi yya mpfong nyin bu a̱tsatsak ndya. Yi yya da̱ A̱gwam njit u Tazwa yi ku yya dikwwa ti ni, ba bu ba̱neywu ba. 8Yi ryok bring ba, Ka̱za a̱ ni wrak koyan zang nu ba̱cicrak bu a̱tsatsak nkyang u na̱ yya ni, da̱ a̱kwwa da̱ a̱ntyok swat diccu nu.
9Nyin meyang ba̱nyet na̱sa, se yi ba̱ yya ansham, da̱ni n nin ba̱ tyyei ba yya ba̱ nyin ni. Yi ryok ba̱ shyit ba. Yi ryok bring ba, da̱ nyin di ba̱kwwa nyin ba, a̱tuba nu yi shyi mbvak nu ni a̱ yet ba̱ a̱yring, nu a̱ shyi Tazwa. Nu a̱mi a̱ yya shirya ba̱nyet ba̱cicrak.
Nkyang nzwang a Ka̱za ka za ryi ni
10A̱ngbom kyang u n ni ya tyyei ni: yi tyyi cet ka̱yat A̱gwam Yesu bu ka̱yat a̱gba̱dang cet nu ka. 11Se yi ya rop ansham i sook sa̱rei nkyang zwang a yet nying Ka̱za na ni, i gi maai sseng ba̱ a̱ka̱tuk a̱za̱ncyi a̱gwam a̱ka̱tuk tswa nu. 12Rot zwang njit ji shyi bu ba̱neywu ba, ma bu a̱ka̱tuk ntswa nu a̱ byyi cet na̱bvwa Tazwa bu ka̱byen ni, a̱tityok, cet, bu a̱tityok ndyin zamani nani. 13Rot a̱mi se yi kup sa̱rei nkyang zwang Ka̱za, ki a̱ka̱tuk nom u a̱ bu ba yi gi bu maai sseng ka̱bvwa nyin ka, ka̱ram ka yin tyak kozan kyang ni yi gi maai sseng.
14Se yi sseng ansham: Tyet ndyang nyin na rop di ka̱ryong. A̱zizrak ka̱cyet a̱mi a̱ ni yet a̱ryet u yi ni kup ni. 15Rop a̱tak naat tyyei Ka̱sham Ba̱ryat myyi rya nkpa yet a̱kpatak nyin na. 16Tyyi rya nkpa yet a̱ryet u yi gi n hwwun nhyot a Ka̱ta̱nyrang ka tang ni. 17Sucet a Yesu na̱ wwat i nkpa yet a̱ka̱te ntswam u, ba̱ryat Ka̱za ba a̱ yet ka̱krong a̱kpat ka Tswa Ka̱za zi wwat ni. 18Sa̱rei nkyang ani yi yya nta̱mak ba̱ a̱duwa naai Ka̱za ka ya brang. Yi ryok yya a̱duwa ntrung ka̱ram ba, Tswa Ka̱za a̱mi ya brang yya a̱duwa. Rot a̱mi se yi cam, yi ryok rwan ba, sa̱rei ba̱nyet ba a̱ yet ba̱nying Ka̱za ni yi ba̱ yya a̱duwa kozan ka̱ram. 19Nzuk ma yi n yya a̱duwa, Ka̱za a̱ ga n dyi ba̱ryat nka ba, ka̱ram ka n nin ta̱za ni ryat i n gbung rya n tyyei kyang a shyi i ka̱nrang i Ka̱sham Ba̱ryat ka ni. 20Ba̱ryat bani a̱mi a̱ n tyyi yet wakili nu, ko n nin shyi a jaru ba̱nyying ni. Yi n naai Ka̱za a̱ n wwon n dyat bam bu ka̱wun, ka̱sak ka n nin cat i.
A̱ngbom byet
21Tikikut a̱wumba njit u zi pfong ansham nu ni bu a̱kwwa ka̱ryong ka̱yat mpfong A̱gwam Yesu a̱ ni ya ryi nkhang nzuk a sa̱rei, yi gi bvwo ka̱sak ka n nin dyi ni. 22Nkpa n nin ku tom na̱ bu ya tyyei ka̱sak ka zin dyi kyi ni sa̱rei njit, a̱ ga ya ta̱gbak.
23Ka̱za A̱tyyi njit ba̱ A̱gwam njit Yesu Kristi a̱ ya wwon nda a̱ tyyi cat nka na di sa̱rei ba̱wumbeyang ba. Ka̱za a̱ ya brang yi tyyi ndya nyin na a nka. 24Ka̱za a̱ wwon za̱nang nka ji di sa̱rei ba̱nyet ba a̱ cat Yesu Kristi bu cat wityak ni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.