Afisa 4
4
Rwam yring
1Nzuk a̱tuba nu n shyi a jaru rot dikwwa ti n yya A̱gwam njit u mi ni, n ya naai yi cong ka̱cyet ka a̱ myim bu yei a Ka̱za kan ya yei ni. 2Yi yet ba̱shinshwon ba̱nyet i bu byyi hakuri bu ba̱yaan kozan ka̱ram rot cat nyin na. 3Yin tyyi ka̱ssi, i breng mon ka̱nu na Tswa Ka̱za ji zi ya ryi i tsswa nda na ya mon ni. 4Rwam shyi bu yring bu Tswa Ka̱za bu jring, da̱ni di zin byyi sak rya bu yring nying na Ka̱za kan za yei ni. 5Zi byyi A̱gwam ba̱ a̱yring, tyyi rya yring bu baptisma njit ba̱ a̱yring. 6Ka̱za a̱ shyi bu ka̱yring, nka a̱ yet A̱tyyi njit sa̱rei. Nka a̱ yet A̱gwam njit sa̱rei, a̱ wwat koyan njit cet nkyang a na̱ yya ni; a̱ si bo shyi ba̱ njit sa̱rei.
7Ma koyan a̱ shya za̱nang nu ba̱cicrak bu ka̱sak ka Yesu na̱n ka ni. 8Da̱ni di ba̱ryat Ka̱za ban hywa ni,
“Ka̱ram ka na̱n wrak a̱ nat a̱tantai ka ka̱yaa Tazwa ka ni,
a̱ nat bu ba̱yanyet a̱ sin yya ba̱kwwa
a̱ si bo ka ba̱yanyet za̱nang.”
9To, a̱nzan a̱ yet wrak nat a̱tantai ka? A̱za̱ncyi ba̱ryat ani nna a̱ yet: se na̱ yen nwa a̱ ba duniya na. 10Nu a̱tuba nu a̱ nwa a̱ nat ka̱babyen ka ni nu a̱mi a̱ bo wrak a̱ nat ka̱yayat Tazwa ka, a̱ ga shyi koke i ka̱sa ka. 11Nu a̱mi a̱ ka ba̱nyet ba za̱nang ji: a̱ tssa ba̱yanyet ba yet ba̱pfong nu, ba̱yanyet a̱ ssang ba̱ryat Ka̱za a̱ tyyei, ba̱yanyet ba nwai a̱ yya wa'azi, ba̱yanyet ba yet ba̱pastor bu ba̱nyet zzek. 12A̱ yin yya a̱mi, sa̱rei ba̱nyet tssup ba koyan a̱ ga yya pfong a Ka̱za kan ku tyyi ni, ba ga nok rwam Kristi na. 13Sa̱rei njit zi gi tung-dung ka̱yat wrak ndya njit ka bu bvwo na zi bvwo Ka̱won Ka̱za ni, har i si tat ka̱bvwa ka zi nin yet ba̱jyem ba̱nyet ba̱cicrak bu ka̱sak ka Yesu na̱n yet a̱jyem ni. 14Wwon zi ni yet na̱mawon na wun ku hywap bvan koke ni bu zzek ba̱nyet dira ni ba. Ba̱nyet ba a̱ raai ba̱yanyet a̱ si tyyi a a̱ka̱tuk ryen, ta ka̱rek dira ti ba bvei ni. 15Seko zi wu ryat ka̱ryong ka̱yat gwai ba̱yaan, ka̱yat kozan kyang zi rai ka̱yat nu ka a̱ yet diccu njit ti ni, wato Kristi. 16Ka̱yat nu rwam a i tung ka̱bvwa ka̱yring, ka̱sak ka ki kozan nkap rai a̱ yya pfong nkpa ka̱sak ka ku myim ni, a ryi rwam a sa̱rei ku rai ka̱yat hok ansham.
Sucet nyyai di Kristi
17Ka̱yat diyrek Agwam njit ka n ya tyyei n bo ya kam: yi ryok ya ka̱son bu ka̱cyet di ba̱nyet witssup ba ban cong ni akpam a̱huhwa mba nu. 18Ndya mba na ryi ba̱gbyik. Ban byyi kyang ka̱yat sucet ka Ka̱za ka za jyet i ba, rot ba bvwo kyang ba rot ba hweyak a̱pfo mba na. 19Ban byyi nsum ba; a̱ kaai a̱ccu mba a̱ wwon i dira̱ntong, kozan a̱ka̱tuk nkyang ba kpo yya ba̱ set.
20Ma ba kyang a yi yin myyam tazwa Kristi ka ni yemi ba. 21N bvwo yi yin hok zzek tazwa nu. Di ba̱nyet ba a̱ yin ku tssup ni ba yin ya zzek ka̱ryong ka a̱ yet ka̱nying Kristi kani. 22Rot a̱mi se yi hwrok a̱kukwo swat nnyaan nyin nu jing, ba̱ a̱kukwo a̱yin nu a̱ yin shyi ba̱ nyin ni; a̱kukwo a̱yin a̱ywu a̱mi a̱ yin ya raai a̱ tyyi i cat ndwam. 23Dolet Ka̱za a̱ shei ndya nyin na ba̱ a̱huhwa nyin nu, na tyyi a̱hwai. 24Yi tyyi a̱hwai a̱yin nyin nu Ka̱za ka yya na̱ ka̱ tai ni ka̱yat ditsatsak bu dizizrak ti ti yet dira ni ba.
25Rot a̱mi se yi ryok bvei ba̱yaan dira ba, koyan a̱ kok a̱wumba nu ka̱ryong; rot sa̱rei njit zi yet rwam yring ka̱yat Kristi. 26Ka yya diryen, ryok wwon diryen nwan ti i tyyi a nwa a̱ka̱tukyya ba. Ryok kpa nom a yya diryen ba 27ho a bu nang a̱gwam a̱ka̱tuk tswa diwat. 28A̱yin nu a̱ ssang nkyang ba̱nyet di cet i na̱ ryok, a̱ yya a̱tsatsak pfong di bvak nu a̱ ga shya kyang swat ka̱sa nu a̱ ga ma̱n brang ba̱nyet dizot ba. 29Yi ryok wwon a̱ka̱tuk ba̱ryat a̱ wwut na̱nu nyin ba, se bu kyang a ni brang ba̱yaan bu ba̱ nok an kyang a ba cat i, rot kyang a yi ryat i i gi byyi ba̱nyet ba a̱ ya pfong ni amfani. 30Yi bu ryok byyan Tswa Ka̱za rya ba. Tswa Ka̱za ji a̱mi yet a̱lama nu yin yet ba̱nying Ka̱za ni, rot nji a̱mi bu yet shaida ji Ka̱za kan za tssa a̱ ni za tun a̱ wwon i nom bai Yesu na ni. 31Rot a̱mi se yi jing a̱cwai ba̱ryat bu fwi diryen. Yi pfwi a̱cwrya bu ditok. Yi ryok kozan taka̱i dincwok. 32Se yi hok dizot ba̱yaan ba̱ brang, i ya cii da̱ni Ka̱za kan ya cii ka̱yat Kristi ni.
Currently Selected:
Afisa 4: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Afisa 4
4
Rwam yring
1Nzuk a̱tuba nu n shyi a jaru rot dikwwa ti n yya A̱gwam njit u mi ni, n ya naai yi cong ka̱cyet ka a̱ myim bu yei a Ka̱za kan ya yei ni. 2Yi yet ba̱shinshwon ba̱nyet i bu byyi hakuri bu ba̱yaan kozan ka̱ram rot cat nyin na. 3Yin tyyi ka̱ssi, i breng mon ka̱nu na Tswa Ka̱za ji zi ya ryi i tsswa nda na ya mon ni. 4Rwam shyi bu yring bu Tswa Ka̱za bu jring, da̱ni di zin byyi sak rya bu yring nying na Ka̱za kan za yei ni. 5Zi byyi A̱gwam ba̱ a̱yring, tyyi rya yring bu baptisma njit ba̱ a̱yring. 6Ka̱za a̱ shyi bu ka̱yring, nka a̱ yet A̱tyyi njit sa̱rei. Nka a̱ yet A̱gwam njit sa̱rei, a̱ wwat koyan njit cet nkyang a na̱ yya ni; a̱ si bo shyi ba̱ njit sa̱rei.
7Ma koyan a̱ shya za̱nang nu ba̱cicrak bu ka̱sak ka Yesu na̱n ka ni. 8Da̱ni di ba̱ryat Ka̱za ban hywa ni,
“Ka̱ram ka na̱n wrak a̱ nat a̱tantai ka ka̱yaa Tazwa ka ni,
a̱ nat bu ba̱yanyet a̱ sin yya ba̱kwwa
a̱ si bo ka ba̱yanyet za̱nang.”
9To, a̱nzan a̱ yet wrak nat a̱tantai ka? A̱za̱ncyi ba̱ryat ani nna a̱ yet: se na̱ yen nwa a̱ ba duniya na. 10Nu a̱tuba nu a̱ nwa a̱ nat ka̱babyen ka ni nu a̱mi a̱ bo wrak a̱ nat ka̱yayat Tazwa ka, a̱ ga shyi koke i ka̱sa ka. 11Nu a̱mi a̱ ka ba̱nyet ba za̱nang ji: a̱ tssa ba̱yanyet ba yet ba̱pfong nu, ba̱yanyet a̱ ssang ba̱ryat Ka̱za a̱ tyyei, ba̱yanyet ba nwai a̱ yya wa'azi, ba̱yanyet ba yet ba̱pastor bu ba̱nyet zzek. 12A̱ yin yya a̱mi, sa̱rei ba̱nyet tssup ba koyan a̱ ga yya pfong a Ka̱za kan ku tyyi ni, ba ga nok rwam Kristi na. 13Sa̱rei njit zi gi tung-dung ka̱yat wrak ndya njit ka bu bvwo na zi bvwo Ka̱won Ka̱za ni, har i si tat ka̱bvwa ka zi nin yet ba̱jyem ba̱nyet ba̱cicrak bu ka̱sak ka Yesu na̱n yet a̱jyem ni. 14Wwon zi ni yet na̱mawon na wun ku hywap bvan koke ni bu zzek ba̱nyet dira ni ba. Ba̱nyet ba a̱ raai ba̱yanyet a̱ si tyyi a a̱ka̱tuk ryen, ta ka̱rek dira ti ba bvei ni. 15Seko zi wu ryat ka̱ryong ka̱yat gwai ba̱yaan, ka̱yat kozan kyang zi rai ka̱yat nu ka a̱ yet diccu njit ti ni, wato Kristi. 16Ka̱yat nu rwam a i tung ka̱bvwa ka̱yring, ka̱sak ka ki kozan nkap rai a̱ yya pfong nkpa ka̱sak ka ku myim ni, a ryi rwam a sa̱rei ku rai ka̱yat hok ansham.
Sucet nyyai di Kristi
17Ka̱yat diyrek Agwam njit ka n ya tyyei n bo ya kam: yi ryok ya ka̱son bu ka̱cyet di ba̱nyet witssup ba ban cong ni akpam a̱huhwa mba nu. 18Ndya mba na ryi ba̱gbyik. Ban byyi kyang ka̱yat sucet ka Ka̱za ka za jyet i ba, rot ba bvwo kyang ba rot ba hweyak a̱pfo mba na. 19Ban byyi nsum ba; a̱ kaai a̱ccu mba a̱ wwon i dira̱ntong, kozan a̱ka̱tuk nkyang ba kpo yya ba̱ set.
20Ma ba kyang a yi yin myyam tazwa Kristi ka ni yemi ba. 21N bvwo yi yin hok zzek tazwa nu. Di ba̱nyet ba a̱ yin ku tssup ni ba yin ya zzek ka̱ryong ka a̱ yet ka̱nying Kristi kani. 22Rot a̱mi se yi hwrok a̱kukwo swat nnyaan nyin nu jing, ba̱ a̱kukwo a̱yin nu a̱ yin shyi ba̱ nyin ni; a̱kukwo a̱yin a̱ywu a̱mi a̱ yin ya raai a̱ tyyi i cat ndwam. 23Dolet Ka̱za a̱ shei ndya nyin na ba̱ a̱huhwa nyin nu, na tyyi a̱hwai. 24Yi tyyi a̱hwai a̱yin nyin nu Ka̱za ka yya na̱ ka̱ tai ni ka̱yat ditsatsak bu dizizrak ti ti yet dira ni ba.
25Rot a̱mi se yi ryok bvei ba̱yaan dira ba, koyan a̱ kok a̱wumba nu ka̱ryong; rot sa̱rei njit zi yet rwam yring ka̱yat Kristi. 26Ka yya diryen, ryok wwon diryen nwan ti i tyyi a nwa a̱ka̱tukyya ba. Ryok kpa nom a yya diryen ba 27ho a bu nang a̱gwam a̱ka̱tuk tswa diwat. 28A̱yin nu a̱ ssang nkyang ba̱nyet di cet i na̱ ryok, a̱ yya a̱tsatsak pfong di bvak nu a̱ ga shya kyang swat ka̱sa nu a̱ ga ma̱n brang ba̱nyet dizot ba. 29Yi ryok wwon a̱ka̱tuk ba̱ryat a̱ wwut na̱nu nyin ba, se bu kyang a ni brang ba̱yaan bu ba̱ nok an kyang a ba cat i, rot kyang a yi ryat i i gi byyi ba̱nyet ba a̱ ya pfong ni amfani. 30Yi bu ryok byyan Tswa Ka̱za rya ba. Tswa Ka̱za ji a̱mi yet a̱lama nu yin yet ba̱nying Ka̱za ni, rot nji a̱mi bu yet shaida ji Ka̱za kan za tssa a̱ ni za tun a̱ wwon i nom bai Yesu na ni. 31Rot a̱mi se yi jing a̱cwai ba̱ryat bu fwi diryen. Yi pfwi a̱cwrya bu ditok. Yi ryok kozan taka̱i dincwok. 32Se yi hok dizot ba̱yaan ba̱ brang, i ya cii da̱ni Ka̱za kan ya cii ka̱yat Kristi ni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.