Afisa 2
2
Ba za tun i dikwu zi shya sucet
1Nyyai ka tswa nyin ji yin yet nkom rot wipfong nyin bu a̱ka̱tukyya. 2Ka̱ram iya yi yin tssup a̱ka̱tuk na̱ta̱ryen ka̱sa. Yi yin tssup a̱gwam ka̱sa a̱ni, tswa ji shyi yya pfong ka̱yat ba̱nyet ba a̱ wi pfong Ka̱za ni. 3Sa̱rei njit zi ma̱ yin dyi a̱mi, i tssup bu nkyang a byyi ndwam njit sham ni. I swat njit a zi yin yya bu nkyang a ka̱kpeyang njit bu ndya njit na yin cat i. Da̱ni di ka̱kpeyang njit ni zi ma̱ yin cong i ryen na Ka̱za ka yin tssa a̱ nin za yya shirya ni.
4Ma Ka̱za a̱ pfong dizot ba̱gingang a̱ si bo za cat ba̱t. 5Nkpa n byyi nyyai ka̱ram ka tswa njit zi yin yet nkom rot wipfong njit ni, ka za shyek bu Yesu. Kaat nyin na yet a̱liheri Ka̱za a̱mi. 6Ka̱sak ka zi mon bu Yesu Kristi ni, a̱mi Ka̱za kan za yrek ba̱ nu zi ya dityok Tazwa ti ba̱ nu. 7Ka̱za a̱ yya a̱mi a̱ ga za tyyei kozan ka̱ram ka a̱ cong a̱ bai ni taka̱i a̱gba̱dang a̱liheri nka na i cat a ka za tyyei ka̱yat Yesu Kristi ni. 8Rot kaat nyin na yet a̱liheri Ka̱za a̱mi, ku bu si mon bu ka̱ ryi ndya nyin na. Ku yet kyang a yi yya mbvak nyin ni ba; ma za̱nang Ka̱za a̱mi. 9Da̱ni di kun wi yet kwan diccu nyin ni, yi byyi kyang a yi nin ya cin ni ba. 10Rot Ka̱za a̱mi a̱ za yya a̱ za mon bu Yesu zi gi yya a̱tsatsak nkyang u ka ka̱n za jyi mi a̱wwon zi yya ni.
Zi yet kyang yring ka̱bvwa Kristi
11Yi yet byin nwap nzaan nyyai tyei, ba̱nyet Yahuda na ya yei ba̱nyet wi tyei ncen, a̱ ya yei mba-mba ba̱nyet tyei ncen (ma nkyang ani yet bu nying rwam), se yi yring kyang a yi yin yet nyyai ka ni. 12Ka̱ram iya yi yin shyi gbang bu Kristi. Yi yin yet ba̱yecen, rot a̱mi i shyi i ba̱nyet ba Ka̱za ka tssa ba yet ba̱nkaa ni ba. Nkyang a Ka̱za ka yin dyat a̱wwon bu ba̱nyet nka ba ni yi yin byyi kyang ba. Yi swat i ka̱sa ka ka̱ram iya da̱ nyin ba byyi kyang a yin breng rya ni ba, da̱ nyin ba yin byyi Ka̱za ba. 13Ma naani ni nyin ba̱nyet ba yi yen shyi gbang bu Kristi ni ba ya brek a̱ bu mon bu Yesu Kristi i hywak ba̱sok nu na. 14Rot Yesu diccu nu a̱ za ba di tsswa nda na a̱ za kwwat a̱ mon, ba̱nyet Yahuda bu kpikpit nwap a zi yet kyang yring. Rwam nu a̱mi na̱ tyyi a̱n hwwei tswa bat ji yin za gang zi yet ba̱ra̱ndwan ba̱yaan ni. 15A̱ tun Truwang ba̱nyet Yahuda bu sa̱rei tada ji yin shyi ni, yin yet tswa bat ji ni a̱ jing a̱ ga kwwat ba̱nyet ba sa̱rei ba yet kyang yring ba̱ nu. A̱mi na̱n za shya tsswa nda na. 16Dikwu nu ti tazwa ka̱teyang ka a̱mi tyyi Kristi a̱ hywat dira̱ndwan ti shyi ka̱yat njit ni. Dikwu nu ti tazwa ka̱teyang ka a̱mi tyyi na̱n kwwat nwap ka̱sa na sa̱rei a̱ tyyi ka̱bvwa ka̱yring a̱ si ba̱ brak ba yet ba̱rywai Ka̱za 17Kristi a̱ ba a̱ bu yya wa'azi tsswa nda ba̱nyet u sa̱rei, da̱ nyin nwap nzaan na yin shyi gbang bu Ka̱za ni, bu ba̱nyet Yahuda na yin shyi shishrek ba̱ nka ni. 18Rot Kristi a̱mi a̱n byyi sa̱rei njit di ba̱nyet Yahuda bu nwap nzaan zi maai mon ka̱yat Tswa jring a̱ta̱ssi A̱tyyi ka.
19Rot a̱mi nyin kpikpit nwap a yi bu ri yet ba̱yecen ba, sa̱rei njit zi yet kyang-bvak Ka̱za bu ba̱nyet nka ba. 20Nyin ba ya nok tazwa ba̱pfong Yesu ba bu ba̱nyet tyyei ba̱ryat Ka̱za ba a̱ yin yet dityin dinok ti ni. Kristi diccu nu a̱mi a̱ yet kpang ka̱gwut ji yet cet dinok a ni. 21Nu a̱mi a̱ breng dinok ti ka̱bvwa ka̱yring, a̱ ta̱ jyi a̱n yya bat Ka̱za. 22Ka̱mon nyin ka bu Yesu Kristi a̱ tyyi ba ya nok a̱ mon bu kpikpit ba̱nyet a, har yi tyyi ka̱bvwa ka Tswa Ka̱za zin swat ni.
Currently Selected:
Afisa 2: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Afisa 2
2
Ba za tun i dikwu zi shya sucet
1Nyyai ka tswa nyin ji yin yet nkom rot wipfong nyin bu a̱ka̱tukyya. 2Ka̱ram iya yi yin tssup a̱ka̱tuk na̱ta̱ryen ka̱sa. Yi yin tssup a̱gwam ka̱sa a̱ni, tswa ji shyi yya pfong ka̱yat ba̱nyet ba a̱ wi pfong Ka̱za ni. 3Sa̱rei njit zi ma̱ yin dyi a̱mi, i tssup bu nkyang a byyi ndwam njit sham ni. I swat njit a zi yin yya bu nkyang a ka̱kpeyang njit bu ndya njit na yin cat i. Da̱ni di ka̱kpeyang njit ni zi ma̱ yin cong i ryen na Ka̱za ka yin tssa a̱ nin za yya shirya ni.
4Ma Ka̱za a̱ pfong dizot ba̱gingang a̱ si bo za cat ba̱t. 5Nkpa n byyi nyyai ka̱ram ka tswa njit zi yin yet nkom rot wipfong njit ni, ka za shyek bu Yesu. Kaat nyin na yet a̱liheri Ka̱za a̱mi. 6Ka̱sak ka zi mon bu Yesu Kristi ni, a̱mi Ka̱za kan za yrek ba̱ nu zi ya dityok Tazwa ti ba̱ nu. 7Ka̱za a̱ yya a̱mi a̱ ga za tyyei kozan ka̱ram ka a̱ cong a̱ bai ni taka̱i a̱gba̱dang a̱liheri nka na i cat a ka za tyyei ka̱yat Yesu Kristi ni. 8Rot kaat nyin na yet a̱liheri Ka̱za a̱mi, ku bu si mon bu ka̱ ryi ndya nyin na. Ku yet kyang a yi yya mbvak nyin ni ba; ma za̱nang Ka̱za a̱mi. 9Da̱ni di kun wi yet kwan diccu nyin ni, yi byyi kyang a yi nin ya cin ni ba. 10Rot Ka̱za a̱mi a̱ za yya a̱ za mon bu Yesu zi gi yya a̱tsatsak nkyang u ka ka̱n za jyi mi a̱wwon zi yya ni.
Zi yet kyang yring ka̱bvwa Kristi
11Yi yet byin nwap nzaan nyyai tyei, ba̱nyet Yahuda na ya yei ba̱nyet wi tyei ncen, a̱ ya yei mba-mba ba̱nyet tyei ncen (ma nkyang ani yet bu nying rwam), se yi yring kyang a yi yin yet nyyai ka ni. 12Ka̱ram iya yi yin shyi gbang bu Kristi. Yi yin yet ba̱yecen, rot a̱mi i shyi i ba̱nyet ba Ka̱za ka tssa ba yet ba̱nkaa ni ba. Nkyang a Ka̱za ka yin dyat a̱wwon bu ba̱nyet nka ba ni yi yin byyi kyang ba. Yi swat i ka̱sa ka ka̱ram iya da̱ nyin ba byyi kyang a yin breng rya ni ba, da̱ nyin ba yin byyi Ka̱za ba. 13Ma naani ni nyin ba̱nyet ba yi yen shyi gbang bu Kristi ni ba ya brek a̱ bu mon bu Yesu Kristi i hywak ba̱sok nu na. 14Rot Yesu diccu nu a̱ za ba di tsswa nda na a̱ za kwwat a̱ mon, ba̱nyet Yahuda bu kpikpit nwap a zi yet kyang yring. Rwam nu a̱mi na̱ tyyi a̱n hwwei tswa bat ji yin za gang zi yet ba̱ra̱ndwan ba̱yaan ni. 15A̱ tun Truwang ba̱nyet Yahuda bu sa̱rei tada ji yin shyi ni, yin yet tswa bat ji ni a̱ jing a̱ ga kwwat ba̱nyet ba sa̱rei ba yet kyang yring ba̱ nu. A̱mi na̱n za shya tsswa nda na. 16Dikwu nu ti tazwa ka̱teyang ka a̱mi tyyi Kristi a̱ hywat dira̱ndwan ti shyi ka̱yat njit ni. Dikwu nu ti tazwa ka̱teyang ka a̱mi tyyi na̱n kwwat nwap ka̱sa na sa̱rei a̱ tyyi ka̱bvwa ka̱yring a̱ si ba̱ brak ba yet ba̱rywai Ka̱za 17Kristi a̱ ba a̱ bu yya wa'azi tsswa nda ba̱nyet u sa̱rei, da̱ nyin nwap nzaan na yin shyi gbang bu Ka̱za ni, bu ba̱nyet Yahuda na yin shyi shishrek ba̱ nka ni. 18Rot Kristi a̱mi a̱n byyi sa̱rei njit di ba̱nyet Yahuda bu nwap nzaan zi maai mon ka̱yat Tswa jring a̱ta̱ssi A̱tyyi ka.
19Rot a̱mi nyin kpikpit nwap a yi bu ri yet ba̱yecen ba, sa̱rei njit zi yet kyang-bvak Ka̱za bu ba̱nyet nka ba. 20Nyin ba ya nok tazwa ba̱pfong Yesu ba bu ba̱nyet tyyei ba̱ryat Ka̱za ba a̱ yin yet dityin dinok ti ni. Kristi diccu nu a̱mi a̱ yet kpang ka̱gwut ji yet cet dinok a ni. 21Nu a̱mi a̱ breng dinok ti ka̱bvwa ka̱yring, a̱ ta̱ jyi a̱n yya bat Ka̱za. 22Ka̱mon nyin ka bu Yesu Kristi a̱ tyyi ba ya nok a̱ mon bu kpikpit ba̱nyet a, har yi tyyi ka̱bvwa ka Tswa Ka̱za zin swat ni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.