Ovagalate Ondjiukisiro
Ondjiukisiro
Otja ombuze ombwa ohunga na Jesus tji yauta okuzuvarisiwa okutakavara mokati kaimba mbe hari Ovajuda, pa sekama ombata ndja etwa i ovahonge ovapukise mba za kwarwe okuhita mehi. Owo aave hongo kutja imba mbe he ri Ovajuda mave rire ovakriste va tjiri poo ovasemba komurungu wa Ndjambi noho mokuṱakamisa Omatwako wa Moses. Nowo wina aave pataṋisa ouvara womuapostele Paulus.
Orutuu rwa Paulus kOvagalate, rwa tjangerwa okupirukira omahongero wovandu ovapukise mbo, nokuhonga nokuronga Ovakriste Ovagalate kutja ovandu mave varwa otja ovasemba komurungu wa Muhona motjimbe tjongamburiro mu Kristus aiyerike, nungwari ka mokuṱakamisa Omatwako wa Moses. Nu omuapostele Paulus wa pataṋa otjiṋa hi oukukutu tjinene. Neye wina me riyeurire ouvara wouapostele we, mo ku raisa kutja ouapostele we wa pewa osemba i Kristus.
Morutuu ndwi Paulus wa uta nomeriyeuriro we otja omuapostele nu ouvara wouapostele we wa raisa kutja waza ku Muhona, nungwari kau zire mouvara wovandu. Punao, otjiungura tje tjoruhindo tjari okutwara ombuze ombwa ya Jesus ku imba mbe he ri Ovajuda.
Momakondwa we omasenina ma raisa kutja ongarero youkriste mai munika okuza morusuvero ndu maru zu mongamburiro mu Kristus. Novihape vyOmbepo Ondjapuke vi sokumunika mongarero yawo wina.
Omakutiro womambo
Ombutiro (1:1-10)
Paulus me riyeurire ouvara we otja omuapostele (1:11—2:21)
Ombuze yotjari tja Ndjambi (3:1—4:31)
Ouyara nomerizirira womukriste (5:1—6:10)
Omapatero (6:11-18)
Currently Selected:
Ovagalate Ondjiukisiro: HRR-UNI
Highlight
Share
Copy
Want to have your highlights saved across all your devices? Sign up or sign in
Herero Revision Bible © Bible Society in Namibia, 2021.
Ovagalate Ondjiukisiro
Ondjiukisiro
Otja ombuze ombwa ohunga na Jesus tji yauta okuzuvarisiwa okutakavara mokati kaimba mbe hari Ovajuda, pa sekama ombata ndja etwa i ovahonge ovapukise mba za kwarwe okuhita mehi. Owo aave hongo kutja imba mbe he ri Ovajuda mave rire ovakriste va tjiri poo ovasemba komurungu wa Ndjambi noho mokuṱakamisa Omatwako wa Moses. Nowo wina aave pataṋisa ouvara womuapostele Paulus.
Orutuu rwa Paulus kOvagalate, rwa tjangerwa okupirukira omahongero wovandu ovapukise mbo, nokuhonga nokuronga Ovakriste Ovagalate kutja ovandu mave varwa otja ovasemba komurungu wa Muhona motjimbe tjongamburiro mu Kristus aiyerike, nungwari ka mokuṱakamisa Omatwako wa Moses. Nu omuapostele Paulus wa pataṋa otjiṋa hi oukukutu tjinene. Neye wina me riyeurire ouvara wouapostele we, mo ku raisa kutja ouapostele we wa pewa osemba i Kristus.
Morutuu ndwi Paulus wa uta nomeriyeuriro we otja omuapostele nu ouvara wouapostele we wa raisa kutja waza ku Muhona, nungwari kau zire mouvara wovandu. Punao, otjiungura tje tjoruhindo tjari okutwara ombuze ombwa ya Jesus ku imba mbe he ri Ovajuda.
Momakondwa we omasenina ma raisa kutja ongarero youkriste mai munika okuza morusuvero ndu maru zu mongamburiro mu Kristus. Novihape vyOmbepo Ondjapuke vi sokumunika mongarero yawo wina.
Omakutiro womambo
Ombutiro (1:1-10)
Paulus me riyeurire ouvara we otja omuapostele (1:11—2:21)
Ombuze yotjari tja Ndjambi (3:1—4:31)
Ouyara nomerizirira womukriste (5:1—6:10)
Omapatero (6:11-18)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Herero Revision Bible © Bible Society in Namibia, 2021.