Bilangan Uram 28
28
Er Imtamnyi biti belekuna dama deirin dinyi ab, sintam dama deirin dinyi ab yan memen uram deyok
28:1-8
1Er Iya Erebdobnyi biryi Musa bisi ato ebmou. 2“Israel nang asi ato ebdum. ‘Ni ebdeibmasinyi weik uki tum nirya berekci ura, Ni Iya Erebdobnyi biti dama deibkwamamunyi ura, iya busul kanyi kubmunci, “Ato kuboka Ni Imtamnyi biti dama deibnindarur,” eanci to kuboka tuba-tuba deibkwandarur. Ba, a dama deiboka uk dabmamunyi siltong Ni Iya Erebdobnyi u yubci ura, kanya teleb kibkwande,’ ebdum,” ebmou. 3“Ura, Israel nang asi ato ebdum, ‘Siltong en dinyi ara ato kuboka Ni Imtamnyi biti dama deibmunci, uk dabkwandarur. Ara, uki berekci tok nirya bisam domba bitinyi kwalina tentok kubmaci bisam, bol tungdena kum bisam iya dama deibkwandarur. 4Ura, ton bisam domba ara belekuna oboka nong nirya uk dabkwandarur. Ba, ton bisam domba ara kiting wengbici bok oboka nong nirya uk dabkwandarur. 5Ba, a bisam domba bitinyi yuk-yuk ab neika siltong teleb en dinyi ati uk dabkwamaci ura, tepung teleb 1 kilogram baryi ab, zaitun me yung teleb lubmangnyi dinyi ikin 1 liter ab kouryin dama deibkwanung. 6A yan memen uram dama deirin dinyi ara yuma talak Sinai mutuk kon dam aryi dama deiboka uk daamnyi. Ba, Er Iya Erebdobnyi siltong teleb u yubkwande. 7Ani, a bisam domba mi bitinyi ab anggur me yung 1 liter baryi ababyi Er Iya Erebdobnyi biti dama deirina ati keil lamna dub dikdongobkwanung. 8Ba, ton bisam domba ara kiting wengbaci ura, dama deiboka uk dabkwandarur. Ara, belekuna dama deiboka uk dabmamunyi to kuboka tepung teleb 1 kilogram baryi ab, anggur me yung teleb 1 liter baryi ab uk dabkwandarur. Ba, siltong ara Er Iya Erebdobnyi u yubdiryi, kanya teleb kibkwande,’ ebdum,” ebmou.
Uki si Sabat tum ab, ukuryok wala tum ab ati bisam dama deirin uram deyok
28:9-15
9“Ura, ‘Uki si Sabat tum ara bisam domba kwalina tentok kubmariryi, bol tungdena kum bisam bitinyi dama deiboka nong nirya uk dabkwanung. Ani, kouryin dama dinyi ab, anggur me dam dinyi ab ati dama deirina ara tepung teleb 2 kilogram baryi zaitun me yung lubmangnyi dinyi dama deibkwanung. Tonda, anggur me yung ababyi Er Iya Erebdobnyi biti dama deiboka dikwanung. 10A yan memen uram ara uki nirya berekci ura, belekuna dama deirin dinyi ab, sintam dama deirin dinyi ab iya deirinkwanung bok, uki si Sabat tum aryi kouryin dama dinyi ab, anggur me dam dinyi ab tabakdongoboka Er Iya Erebdobnyi biti dama deirinkwanung.
11Ba, ukuryok wala wengbimunyi ura, Er Iya Erebdobnyi biti ato kuboka dama deiboka uk dabkwandarur. Ara, bisam sapi yim bitinyi ab, yim bisam domba tentok ab, bol tungdena kumci kwalina tentok kunmaci yim bisam domba tabaryi ab dama deiboka nong nirya uk dabkwandarur. 12Ba, kouryina ati dama deibkwamamunyi ura, tepung teleb asi zaitun du yung likdongobdeibkwandarur. Ba, a tepung teleb ara ikin 3 kilogram baryi ara yim bisam sapi yuk-yuk dam likdongobkwandarur. Ani, tepung ikin 2 kilogram yim bisam domba dabmamunyi dam makdongobkwandarur. 13Ba, tepung ikin tentok ara yim bisam domba mi tabaryi yuk-yuk deibmamunyi dam makdongobkwandarur. Ato kuboka dama deiboka nirya uk dabmamunyi dinyi aryi Er Iya Erebdobnyi siltong teleb u yubci ura, kanya teleb kibkwande. 14Tonda, bisam dama deiboka uk dabkwamamunyi kankan ara anggur me ab tonkwa dama deibkwandarur. Ara, anggur me yung ikin 2 liter baryi yim bisam sapi yuk-yuk dam makdongobkwandarur. Ani, anggur me yung ikin 1,5 liter baryi tabakdongoboka yim bisam domba dam makdongobkwandarur. Ba, anggur me yung ikin 1 liter baryi ara bisam domba mi yuk-yuk deibmamunyi dam makdongobkwandarur. Ato kuboka dama deibkwandarur ebdeibsou to ara iya ukubmurubde binkwandum. Ara, wala tentok dobci tok, bisam ab, anggur me ab dama deiboka uk dankwandum. 15Tonda, bisam kambing yim ab, anggur me ab tabakdongoboka Er Iya Erebdobnyi biti dama deiboka uk dabkwandarur. Ba, a tabangdongon dama deibmamunyi dinyi ara sun malyi kuamunyi dinyi kilina ati dama deibkwandarur,’ ebdum,” ebmou.
Weik uki tum yuk-yuk li doboka dama deirin uram deyok
28:16–29:40
(Im. 23:5-14)
16“Ura, ‘Yuma wala wengbimunci tanggal 14 baryi tum ara Er Iya Erebdobnyi biti li doboka weik uki tum si Paskah kwalibkwandarur. 17Ba, yuma wala bok uki 15 baryi tum wengbimunyi ura, a uki ara Bungbung Ena Dongona Kum Roti kwaning li doboka kwalibkwandarur. Ati, uki tabaryi nirya ara bungbung ena dongona kum keica si ragi roti kwaning yibkwandarur. 18Ura, bungbung ena dongona kum roti kwaning uki tum, yuma uki tum ara Israel nang neika buluboka wekwandarur. A uki tum ara sun wa ina mem! Eda, Er Iya Erebdobnyi bisi si weik eboka molobkwanindarur. 19Ba, a uki tum ara Er Iya Erebdobnyi biti bisam dama deiboka nong nirya uk dabkwandarur. Ara, ukuryok nenmaci bisam sapi yim bitinyi ab, bisam domba yim tentok ab, bisam domba mi kwalina tentok kubmaci bisam tabaryi ab dama deiboka nong nirya uk dabkwandarur. 20Ba, kouryina ati dama deibkwamamunyi ura, tepung teleb asi zaitun du yung likdongobdeibkwandarur. Ba, a tepung teleb ara ikin 3 kilogram baryi ara yim bisam sapi yuk-yuk dam makdongobkwandarur. Ani, tepung ikin 2 kilogram yim bisam domba dabmamunyi dam makdongobkwandarur. 21Ba, tepung ikin tentok ara yim bisam domba mi tabaryi yuk-yuk deibmamunyi dam makdongobkwandarur. 22Ba, yim bisam kambing ara Israel nang sun malyi kun dinyi kilina ati dama deibkwandarur. 23Ani, belekuna ab, sintam ab tuba-tuba dama deirin dinyi ababyi yuk dama deiboka uk dabkwandarur. 24Ba, a dama deiramunyi to kuboka uki tabaryi tum berekci ura Er Iya Erebdobnyi biti dama deirina ababyi neiktoto ei dama deindarur to kuboka dama deibkwandarur. Ba, a dama deiboka uk dabmamunyi dinyi siltong teleb Er Iya Erebdobnyi u yubci ura, kanya teleb kibkwande. Ani, a dama deibmamunyi dinyi dam ara iya deinkwandum dama nirya uk dabkwandum dinyi ab, anggur me yung ati me yina dama deirin dinyi ab tabakdongobkwandarur. 25Ba, uki tabaryi tum berekci ura, sunci wa ina mem! Eda te louboka bukmunci Ni Iya Erebdobnyi bisi si weik eboka molobkwandarur.
26Ura, minggu tabaryi kubmunci yuma iamunyi gandum du kiboka Er Iya Erebdobnyi biti dama deibkwamamunyi ura, Israel nang nirya neika buluboka Er Imtamnyi bisi si weik eboka molobkwandarur. A uki tum ara wa ina mem! Eda te louboka bukwandarur. 27Ba, a uki tum ara Er Iya Erebdobnyi biti bisam dama deiboka uk dabkwandarur. Ara, ukuryok nenmaci yim bisam sapi bitinyi ab, yim bisam domba tentok ab, yim bisam domba mi kwalina tentok kubmaci bisa tabaryi ab dama deiboka nong nirya uk dabkwandarur. Ba, siltong teleb Er Iya Erebdobnyi u yubci ura kanya teleb kibkwande. 28Ba, kouryina ati dama deibkwamamunyi ura, tepung teleb asi zaitun du yung likdongobdeibkwandarur. Ba, a tepung teleb ara ikin 3 kilogram baryi ara yim bisam sapi yuk-yuk dam makdongobkwandarur. Ani, tepung ikin 2 kilogram yim bisam domba dabmamunyi dam makdongobkwandarur. 29Ba, tepung ikin 1 kilogram ara yim bisam domba mi tabaryi yuk-yuk deibmamunyi dam makdongobkwandarur. 30Ba, yim bisam kambing ara Israel nang sun malyi kun dinyi kilina ati dama deibkwandarur. 31Ba, anda dama deiboka uk dan dinyi ab, anggur me yung ati dama deirin dinyi ab ara belekuna ab, sintam ab iya dama deirin dinyi ab, kouryina dama deirin dinyi ab dam asi tabakdongobkwandarur. Ura, sunci dib tenebnindarur, bol tumangna kum bisam yabwe akwe dama deibkwandarur,’ ebdum,” ebmou.
Currently Selected:
Bilangan Uram 28: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Bilangan Uram 28
28
Er Imtamnyi biti belekuna dama deirin dinyi ab, sintam dama deirin dinyi ab yan memen uram deyok
28:1-8
1Er Iya Erebdobnyi biryi Musa bisi ato ebmou. 2“Israel nang asi ato ebdum. ‘Ni ebdeibmasinyi weik uki tum nirya berekci ura, Ni Iya Erebdobnyi biti dama deibkwamamunyi ura, iya busul kanyi kubmunci, “Ato kuboka Ni Imtamnyi biti dama deibnindarur,” eanci to kuboka tuba-tuba deibkwandarur. Ba, a dama deiboka uk dabmamunyi siltong Ni Iya Erebdobnyi u yubci ura, kanya teleb kibkwande,’ ebdum,” ebmou. 3“Ura, Israel nang asi ato ebdum, ‘Siltong en dinyi ara ato kuboka Ni Imtamnyi biti dama deibmunci, uk dabkwandarur. Ara, uki berekci tok nirya bisam domba bitinyi kwalina tentok kubmaci bisam, bol tungdena kum bisam iya dama deibkwandarur. 4Ura, ton bisam domba ara belekuna oboka nong nirya uk dabkwandarur. Ba, ton bisam domba ara kiting wengbici bok oboka nong nirya uk dabkwandarur. 5Ba, a bisam domba bitinyi yuk-yuk ab neika siltong teleb en dinyi ati uk dabkwamaci ura, tepung teleb 1 kilogram baryi ab, zaitun me yung teleb lubmangnyi dinyi ikin 1 liter ab kouryin dama deibkwanung. 6A yan memen uram dama deirin dinyi ara yuma talak Sinai mutuk kon dam aryi dama deiboka uk daamnyi. Ba, Er Iya Erebdobnyi siltong teleb u yubkwande. 7Ani, a bisam domba mi bitinyi ab anggur me yung 1 liter baryi ababyi Er Iya Erebdobnyi biti dama deirina ati keil lamna dub dikdongobkwanung. 8Ba, ton bisam domba ara kiting wengbaci ura, dama deiboka uk dabkwandarur. Ara, belekuna dama deiboka uk dabmamunyi to kuboka tepung teleb 1 kilogram baryi ab, anggur me yung teleb 1 liter baryi ab uk dabkwandarur. Ba, siltong ara Er Iya Erebdobnyi u yubdiryi, kanya teleb kibkwande,’ ebdum,” ebmou.
Uki si Sabat tum ab, ukuryok wala tum ab ati bisam dama deirin uram deyok
28:9-15
9“Ura, ‘Uki si Sabat tum ara bisam domba kwalina tentok kubmariryi, bol tungdena kum bisam bitinyi dama deiboka nong nirya uk dabkwanung. Ani, kouryin dama dinyi ab, anggur me dam dinyi ab ati dama deirina ara tepung teleb 2 kilogram baryi zaitun me yung lubmangnyi dinyi dama deibkwanung. Tonda, anggur me yung ababyi Er Iya Erebdobnyi biti dama deiboka dikwanung. 10A yan memen uram ara uki nirya berekci ura, belekuna dama deirin dinyi ab, sintam dama deirin dinyi ab iya deirinkwanung bok, uki si Sabat tum aryi kouryin dama dinyi ab, anggur me dam dinyi ab tabakdongoboka Er Iya Erebdobnyi biti dama deirinkwanung.
11Ba, ukuryok wala wengbimunyi ura, Er Iya Erebdobnyi biti ato kuboka dama deiboka uk dabkwandarur. Ara, bisam sapi yim bitinyi ab, yim bisam domba tentok ab, bol tungdena kumci kwalina tentok kunmaci yim bisam domba tabaryi ab dama deiboka nong nirya uk dabkwandarur. 12Ba, kouryina ati dama deibkwamamunyi ura, tepung teleb asi zaitun du yung likdongobdeibkwandarur. Ba, a tepung teleb ara ikin 3 kilogram baryi ara yim bisam sapi yuk-yuk dam likdongobkwandarur. Ani, tepung ikin 2 kilogram yim bisam domba dabmamunyi dam makdongobkwandarur. 13Ba, tepung ikin tentok ara yim bisam domba mi tabaryi yuk-yuk deibmamunyi dam makdongobkwandarur. Ato kuboka dama deiboka nirya uk dabmamunyi dinyi aryi Er Iya Erebdobnyi siltong teleb u yubci ura, kanya teleb kibkwande. 14Tonda, bisam dama deiboka uk dabkwamamunyi kankan ara anggur me ab tonkwa dama deibkwandarur. Ara, anggur me yung ikin 2 liter baryi yim bisam sapi yuk-yuk dam makdongobkwandarur. Ani, anggur me yung ikin 1,5 liter baryi tabakdongoboka yim bisam domba dam makdongobkwandarur. Ba, anggur me yung ikin 1 liter baryi ara bisam domba mi yuk-yuk deibmamunyi dam makdongobkwandarur. Ato kuboka dama deibkwandarur ebdeibsou to ara iya ukubmurubde binkwandum. Ara, wala tentok dobci tok, bisam ab, anggur me ab dama deiboka uk dankwandum. 15Tonda, bisam kambing yim ab, anggur me ab tabakdongoboka Er Iya Erebdobnyi biti dama deiboka uk dabkwandarur. Ba, a tabangdongon dama deibmamunyi dinyi ara sun malyi kuamunyi dinyi kilina ati dama deibkwandarur,’ ebdum,” ebmou.
Weik uki tum yuk-yuk li doboka dama deirin uram deyok
28:16–29:40
(Im. 23:5-14)
16“Ura, ‘Yuma wala wengbimunci tanggal 14 baryi tum ara Er Iya Erebdobnyi biti li doboka weik uki tum si Paskah kwalibkwandarur. 17Ba, yuma wala bok uki 15 baryi tum wengbimunyi ura, a uki ara Bungbung Ena Dongona Kum Roti kwaning li doboka kwalibkwandarur. Ati, uki tabaryi nirya ara bungbung ena dongona kum keica si ragi roti kwaning yibkwandarur. 18Ura, bungbung ena dongona kum roti kwaning uki tum, yuma uki tum ara Israel nang neika buluboka wekwandarur. A uki tum ara sun wa ina mem! Eda, Er Iya Erebdobnyi bisi si weik eboka molobkwanindarur. 19Ba, a uki tum ara Er Iya Erebdobnyi biti bisam dama deiboka nong nirya uk dabkwandarur. Ara, ukuryok nenmaci bisam sapi yim bitinyi ab, bisam domba yim tentok ab, bisam domba mi kwalina tentok kubmaci bisam tabaryi ab dama deiboka nong nirya uk dabkwandarur. 20Ba, kouryina ati dama deibkwamamunyi ura, tepung teleb asi zaitun du yung likdongobdeibkwandarur. Ba, a tepung teleb ara ikin 3 kilogram baryi ara yim bisam sapi yuk-yuk dam makdongobkwandarur. Ani, tepung ikin 2 kilogram yim bisam domba dabmamunyi dam makdongobkwandarur. 21Ba, tepung ikin tentok ara yim bisam domba mi tabaryi yuk-yuk deibmamunyi dam makdongobkwandarur. 22Ba, yim bisam kambing ara Israel nang sun malyi kun dinyi kilina ati dama deibkwandarur. 23Ani, belekuna ab, sintam ab tuba-tuba dama deirin dinyi ababyi yuk dama deiboka uk dabkwandarur. 24Ba, a dama deiramunyi to kuboka uki tabaryi tum berekci ura Er Iya Erebdobnyi biti dama deirina ababyi neiktoto ei dama deindarur to kuboka dama deibkwandarur. Ba, a dama deiboka uk dabmamunyi dinyi siltong teleb Er Iya Erebdobnyi u yubci ura, kanya teleb kibkwande. Ani, a dama deibmamunyi dinyi dam ara iya deinkwandum dama nirya uk dabkwandum dinyi ab, anggur me yung ati me yina dama deirin dinyi ab tabakdongobkwandarur. 25Ba, uki tabaryi tum berekci ura, sunci wa ina mem! Eda te louboka bukmunci Ni Iya Erebdobnyi bisi si weik eboka molobkwandarur.
26Ura, minggu tabaryi kubmunci yuma iamunyi gandum du kiboka Er Iya Erebdobnyi biti dama deibkwamamunyi ura, Israel nang nirya neika buluboka Er Imtamnyi bisi si weik eboka molobkwandarur. A uki tum ara wa ina mem! Eda te louboka bukwandarur. 27Ba, a uki tum ara Er Iya Erebdobnyi biti bisam dama deiboka uk dabkwandarur. Ara, ukuryok nenmaci yim bisam sapi bitinyi ab, yim bisam domba tentok ab, yim bisam domba mi kwalina tentok kubmaci bisa tabaryi ab dama deiboka nong nirya uk dabkwandarur. Ba, siltong teleb Er Iya Erebdobnyi u yubci ura kanya teleb kibkwande. 28Ba, kouryina ati dama deibkwamamunyi ura, tepung teleb asi zaitun du yung likdongobdeibkwandarur. Ba, a tepung teleb ara ikin 3 kilogram baryi ara yim bisam sapi yuk-yuk dam makdongobkwandarur. Ani, tepung ikin 2 kilogram yim bisam domba dabmamunyi dam makdongobkwandarur. 29Ba, tepung ikin 1 kilogram ara yim bisam domba mi tabaryi yuk-yuk deibmamunyi dam makdongobkwandarur. 30Ba, yim bisam kambing ara Israel nang sun malyi kun dinyi kilina ati dama deibkwandarur. 31Ba, anda dama deiboka uk dan dinyi ab, anggur me yung ati dama deirin dinyi ab ara belekuna ab, sintam ab iya dama deirin dinyi ab, kouryina dama deirin dinyi ab dam asi tabakdongobkwandarur. Ura, sunci dib tenebnindarur, bol tumangna kum bisam yabwe akwe dama deibkwandarur,’ ebdum,” ebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)