Bilangan Uram 26
26
Israel nang nirya liki bitinyi dinyi nukmou uram deyok
26:1-65
1Sirya ninyi din youn karebmou ba, diblalabmai talak aryi Er Iya Erebdobnyi biryi Musa ab, Harun mi Eleazar ab asi ato ebmou. 2“Israel nang ai yuk-yuk kunung tok nirya nukdurum. Ara, sal nang kwalina 20 baryi bisiboka eitam kunmangnyi nang nirya nukdurum. Ba, sunda yin doun nang kibkwaming ati nukdurum,” ebmou. 3Ura, Moab mutuk lu dam bok, weik atei Yerikho mutuk asi me Yordan yibinamwe dam binmai. Ura, Musa ab, Eleazar ab aryi Israel nang asi ato ebdeibmarei. 4“Israel nang kwalina 20 baryi kuboka eitam kurbinmai nang nirya nukdarur.”
Ara, Er Iya Erebdobnyi biryi Musa dam ebmou to kuboka nukmai. A nang ara Israel nang bok, Mesir mutuk dam aryi boyanamwe.
5Ruben bira Yakub biryi yuma deiamwe mi. Ba, Ruben deibdoba nang ara Henokh yaldangni ab, Palu yaldangni ab, 6Hezron yaldangni ab, Karmi yaldangni ab kuramnyi. 7Ruben yala sal nang nirya nungna ara 43.730 baryi kuramnyi. 8Palu mi si ara Eliab. 9Ba, Eliab mabwe si ara Nemuel ab, Datan ab, Abiram ab deiamwe. Ba, Datan ab, Abiram ab ara Israel nang aryi wiamnyi. Bok, Datan ab, Abiram ab, Korah ab aryi Er Iya Erebdobnyi bisi malyi kimnamnyi. A talak ara Musa ab Harun ab ababyi malyi kimnamnyi. 10A deyok aryi mutuk dilikoka si akwe ura, Lewi yalanya si Korah ab, Datan ab, Abiram ab tonkwa tomoboka aluamwe. Ba, er miliramnyi nang yuk nang nungna 250 baryi, a nang ara uk yibmou. Ato kuamwe deyok ara Israel nang ati sun kalingna nang asi yu boboka malyi kimna mem tenen ilil tenen dinyi kunubdeiamwe. 11Bok, Korah mabwe nirya ara orkana kum kuamwe.
12Simeon deibdoba ara Nemuel yaldangni ab, Yamin yaldangni ab, Yakhin yaldangni ab, 13Zerah yaldangni ab, Saul yaldangni nang nirya kuramnyi. 14Simeon yala sal nang nirya nungna ara 22.200 baryi kuramnyi.
15Gad deibdoba ara Zefon yaldangni ab, Hagi yaldangni ab, Syuni yaldangni ab 16Ozni yaldangni ab, Eri yaldangni ab, 17Arod yaldangni ab, Areli yaldangni ab kuramnyi. 18Ukuboka ara Gad yala sal nang nirya nungna ara 40.500 baryi kuramnyi.
19Ba, Yehuda mabwe si ara Er ab, Onan ab deiamwe. Bok, sunda Kanaan mutuk dam dibdei. 20Yehuda deibdoba ara Syela yaldangni ab, Peres yaldangni ab Zerah yaldangni ab kuramnyi. 21Ba, Peres yala ara Hezron yaldangnyi ab, Hamul yaldangni ab kuramnyi. 22Akiryi Yehuda yala nang nirya nungna ara 76.500 baryi kuramnyi.
23Isakhar deibdoba ara Tola yaldangni ab, Pua yaldangni ab, 24Yasub yaldangni ab, Simron yaldangni ab kuramnyi. 25Ukuboka Isakhar yala sal nang nirya nungna ara 64.300 baryi kuramnyi.
26Ba. Zebulon yala deibdoba ara Sered yaldangni ab, Elon yaldangni ab, Yahleel yaldangni ab kuramnyi. 27Akiryi Zebulon yala sal nang nungna ara 60.500 baryi kuramnyi.
28Ba, Yusuf yala ara mabwe bitinyi deiamwe aryi yala bitinyi kiamnyi. A mabwe si ara Efraim ab, Manasye ab deiamwe. 29Ba, Manasye deibdoba ara Manasye biryi deiamwe mi si Makhir yaldangni kiamnyi. Ba, Makhir bira er mi Gilead biryi deiamwe. 30Ura, Gilead deibdoba ara Iezer yaldangni ab, Helek yaldangni ab, 31Asriel yaldangni ab, Sekhem yaldangni ab, 32Semida yaldangni ab, Hefer yaldangni ab kiamnyi. 33Ba, Hefer mi Zelafehad bira sal mabwe ton kum deiamwe, eda nermabwe akwe deiamwe. A nermabwe si ara Mahla ab, Noa ab, Hogla ab, Milka ab, Tirza ab deiamwe. 34Ura, Manasye yala sal nang nirya nungna ara 52.700 baryi kuramnyi.
35Ba, Efraim yala ara Sutelah yaldangni ab, Bekher yaldangni ab, Tahan yaldangni kiamnyi. 36Ba, Sutelah deibdoba ara Eran yaldangni kuramnyi. 37Akiryi Efraim yala sal nang nirya nungna ara 32.500 baryi kuramnyi. Ara, a nang nirya ara sun abwe Yusuf yala nang kuramnyi.
38Ba, Benyamin deibdoba ara Bela yaldangni ab, Asybel yaldangni ab, Ahiram yaldangni ab, 39Sefufam yaldangni ab, Hufam yaldangni ab kuramnyi. 40Ani, Bela deibdoba ara Ared yaldangni ab, Naaman yaldangni ab ara Bela biryi deiamwe mabwe yala. 41Akiryi Benyamin yala sal nang nirya nungna ara 45.600 baryi kuramnyi.
42Ba, Dan deibdoba ara Suham yaldangni nang kiamwe. 43Dan yala Suham biryi deiamwe nang nirya nungna ara 64.400 baryi kuramnyi.
44Asyer deibdoba ara Yimna yaldangni ab, Yiswi yaldangni ab, Beria yaldangni ab kuramnyi. 45Ba, Heber yaldangni ab, Malkiel yaldangni ab ara Beria biryi deiamwe mabwe. 46Ani, Asyer bira ner ton deiamwe. A ner si ara Serah deiamwe. 47Ura, Asyer yala sal nang nirya nungna ara 53.400 baryi kuramnyi.
48Naftali deibdoba ara Yahzeel yaldangni ab, Guni yaldangni ab, 49Yezer yaldangni ab, Syilem yaldangni ab kiamnyi. 50Ukuboka Naftali yala sal nang nirya nungna ara 45.400 baryi kuramnyi. 51Ura, Israel sal nang yala yuk-yuk nukoka nirya antaniboka nungna ara 601.730 baryi kuramnyi. Ara, liki bitinyi dinyi nukoka kerek sekdongobyi.
52Sirya nukoka kerek sekmai, Er Iya Erebdobnyi biryi Musa bisi ato ebmou. 53“Israel nang yala yuk-yuk si sekmarim to kuboka Kanaan tukwe ababyi yuk-yuk bokeibdum. 54Ara, yala weik ura tukwe ababyi weikanun nukwandum. Ba, yala mitik ura tukwe ababyi mitikanun nukwandum. Ani, Israel nang yala yuk-yuk a nukoka kerek sekdongobmarim to kuboka tukwe ababyi yala yuk-yuk nukeibkwandum. 55Bok, tukwe a nukeibkwamaminyi ababyi, sun abwe yala si sekdongoboka im sukdeboka nukwandum. 56Ba, sun abwe yabwe yala si sekoka im sukdemimba, laki kibci yala asi nukarebkwandum. Ba, a nukeibkwamaminyi tukwe ababyi im sukmamimba, weik tukwe kum, mitik tukwe kum laki kimyibinmaci to kuboka nukarebkwandum,” ebmou.
57Ura, Lewi deibdoba ara Gerson yaldangni ab, Kehat yaldangni ab, Merari yaldangni ab ati kerek sekdongobmai. 58Ba, ton Lewi biryi deiamwe yala nang ara Libni yaldangni ab, Hebron yaldangni ab, Mahli yaldangni ab, Musi yaldangni ab, Korah yaldangni ab kerek sekmai. Ba, Amram bira Kehat biryi deiamwe. 59Ba, Amram er ner si ara Lewi biryi deiamwe nebnyi si Yokhebed doamwe. Ba, Yokhebed bira Mesir mutuk da aryi deiamwe. Amram ab, Yokhebet ab ara sal mabwe bitinyi deiandei. A mabwe ara Harun ab, Musa ab sun malner si Miryam ab deiandei. 60Ba, Harun bira mabwe dumbaryi deiamwe. A mabwe si ara Nadab ab, Abihu ab, Eleazar ab, Itamar ab deiamwe. 61Bok, Nadab ab, Abihu ab ara Er Iya Erebdobyi teleb tenena kum dinyi dama deiboka uk dabmarei deyok aryi dibmarei. 62Ba, Lewi yala sal nang kwalina 20 bisiboka eitam kubmai nang nirya nungna ara 23.000 baryi kuramnyi. Bok, Lewi yala nang ara Kanaan mutuk tukwe ton kum dobmai deyok aryi nungna ara sun yuk wibdeiboka nukmai.
63A nirya Musa ab, imam Eleazar ab aryi liki bitinyi dinyi nukmarei. Ara, Moab mutuk lu bok, weik atei Yerikho dam asi me Yordan yibinamwe duman aryi Israel sal nang nirya nukmarei. 64Ba, Musa ab, Harun ab yini mutuk Sinai dam yandoka kunmai talak aryi yuma tum sal nang nirya nukoka kerek sekandei nang ara iya tentok ababyi kam ton kum kuramnyi. 65Ara, Er Iya Erebdobnyi biryi ato eamwe, “Sun nirya yini mutuk dam dibsekwaming. Eda, Yefune mi Kaleb ab, Nun mi Yosua ab asi kam kubkwanding,” ebdeiamwe to kuboka kunuamwe.
Currently Selected:
Bilangan Uram 26: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Bilangan Uram 26
26
Israel nang nirya liki bitinyi dinyi nukmou uram deyok
26:1-65
1Sirya ninyi din youn karebmou ba, diblalabmai talak aryi Er Iya Erebdobnyi biryi Musa ab, Harun mi Eleazar ab asi ato ebmou. 2“Israel nang ai yuk-yuk kunung tok nirya nukdurum. Ara, sal nang kwalina 20 baryi bisiboka eitam kunmangnyi nang nirya nukdurum. Ba, sunda yin doun nang kibkwaming ati nukdurum,” ebmou. 3Ura, Moab mutuk lu dam bok, weik atei Yerikho mutuk asi me Yordan yibinamwe dam binmai. Ura, Musa ab, Eleazar ab aryi Israel nang asi ato ebdeibmarei. 4“Israel nang kwalina 20 baryi kuboka eitam kurbinmai nang nirya nukdarur.”
Ara, Er Iya Erebdobnyi biryi Musa dam ebmou to kuboka nukmai. A nang ara Israel nang bok, Mesir mutuk dam aryi boyanamwe.
5Ruben bira Yakub biryi yuma deiamwe mi. Ba, Ruben deibdoba nang ara Henokh yaldangni ab, Palu yaldangni ab, 6Hezron yaldangni ab, Karmi yaldangni ab kuramnyi. 7Ruben yala sal nang nirya nungna ara 43.730 baryi kuramnyi. 8Palu mi si ara Eliab. 9Ba, Eliab mabwe si ara Nemuel ab, Datan ab, Abiram ab deiamwe. Ba, Datan ab, Abiram ab ara Israel nang aryi wiamnyi. Bok, Datan ab, Abiram ab, Korah ab aryi Er Iya Erebdobnyi bisi malyi kimnamnyi. A talak ara Musa ab Harun ab ababyi malyi kimnamnyi. 10A deyok aryi mutuk dilikoka si akwe ura, Lewi yalanya si Korah ab, Datan ab, Abiram ab tonkwa tomoboka aluamwe. Ba, er miliramnyi nang yuk nang nungna 250 baryi, a nang ara uk yibmou. Ato kuamwe deyok ara Israel nang ati sun kalingna nang asi yu boboka malyi kimna mem tenen ilil tenen dinyi kunubdeiamwe. 11Bok, Korah mabwe nirya ara orkana kum kuamwe.
12Simeon deibdoba ara Nemuel yaldangni ab, Yamin yaldangni ab, Yakhin yaldangni ab, 13Zerah yaldangni ab, Saul yaldangni nang nirya kuramnyi. 14Simeon yala sal nang nirya nungna ara 22.200 baryi kuramnyi.
15Gad deibdoba ara Zefon yaldangni ab, Hagi yaldangni ab, Syuni yaldangni ab 16Ozni yaldangni ab, Eri yaldangni ab, 17Arod yaldangni ab, Areli yaldangni ab kuramnyi. 18Ukuboka ara Gad yala sal nang nirya nungna ara 40.500 baryi kuramnyi.
19Ba, Yehuda mabwe si ara Er ab, Onan ab deiamwe. Bok, sunda Kanaan mutuk dam dibdei. 20Yehuda deibdoba ara Syela yaldangni ab, Peres yaldangni ab Zerah yaldangni ab kuramnyi. 21Ba, Peres yala ara Hezron yaldangnyi ab, Hamul yaldangni ab kuramnyi. 22Akiryi Yehuda yala nang nirya nungna ara 76.500 baryi kuramnyi.
23Isakhar deibdoba ara Tola yaldangni ab, Pua yaldangni ab, 24Yasub yaldangni ab, Simron yaldangni ab kuramnyi. 25Ukuboka Isakhar yala sal nang nirya nungna ara 64.300 baryi kuramnyi.
26Ba. Zebulon yala deibdoba ara Sered yaldangni ab, Elon yaldangni ab, Yahleel yaldangni ab kuramnyi. 27Akiryi Zebulon yala sal nang nungna ara 60.500 baryi kuramnyi.
28Ba, Yusuf yala ara mabwe bitinyi deiamwe aryi yala bitinyi kiamnyi. A mabwe si ara Efraim ab, Manasye ab deiamwe. 29Ba, Manasye deibdoba ara Manasye biryi deiamwe mi si Makhir yaldangni kiamnyi. Ba, Makhir bira er mi Gilead biryi deiamwe. 30Ura, Gilead deibdoba ara Iezer yaldangni ab, Helek yaldangni ab, 31Asriel yaldangni ab, Sekhem yaldangni ab, 32Semida yaldangni ab, Hefer yaldangni ab kiamnyi. 33Ba, Hefer mi Zelafehad bira sal mabwe ton kum deiamwe, eda nermabwe akwe deiamwe. A nermabwe si ara Mahla ab, Noa ab, Hogla ab, Milka ab, Tirza ab deiamwe. 34Ura, Manasye yala sal nang nirya nungna ara 52.700 baryi kuramnyi.
35Ba, Efraim yala ara Sutelah yaldangni ab, Bekher yaldangni ab, Tahan yaldangni kiamnyi. 36Ba, Sutelah deibdoba ara Eran yaldangni kuramnyi. 37Akiryi Efraim yala sal nang nirya nungna ara 32.500 baryi kuramnyi. Ara, a nang nirya ara sun abwe Yusuf yala nang kuramnyi.
38Ba, Benyamin deibdoba ara Bela yaldangni ab, Asybel yaldangni ab, Ahiram yaldangni ab, 39Sefufam yaldangni ab, Hufam yaldangni ab kuramnyi. 40Ani, Bela deibdoba ara Ared yaldangni ab, Naaman yaldangni ab ara Bela biryi deiamwe mabwe yala. 41Akiryi Benyamin yala sal nang nirya nungna ara 45.600 baryi kuramnyi.
42Ba, Dan deibdoba ara Suham yaldangni nang kiamwe. 43Dan yala Suham biryi deiamwe nang nirya nungna ara 64.400 baryi kuramnyi.
44Asyer deibdoba ara Yimna yaldangni ab, Yiswi yaldangni ab, Beria yaldangni ab kuramnyi. 45Ba, Heber yaldangni ab, Malkiel yaldangni ab ara Beria biryi deiamwe mabwe. 46Ani, Asyer bira ner ton deiamwe. A ner si ara Serah deiamwe. 47Ura, Asyer yala sal nang nirya nungna ara 53.400 baryi kuramnyi.
48Naftali deibdoba ara Yahzeel yaldangni ab, Guni yaldangni ab, 49Yezer yaldangni ab, Syilem yaldangni ab kiamnyi. 50Ukuboka Naftali yala sal nang nirya nungna ara 45.400 baryi kuramnyi. 51Ura, Israel sal nang yala yuk-yuk nukoka nirya antaniboka nungna ara 601.730 baryi kuramnyi. Ara, liki bitinyi dinyi nukoka kerek sekdongobyi.
52Sirya nukoka kerek sekmai, Er Iya Erebdobnyi biryi Musa bisi ato ebmou. 53“Israel nang yala yuk-yuk si sekmarim to kuboka Kanaan tukwe ababyi yuk-yuk bokeibdum. 54Ara, yala weik ura tukwe ababyi weikanun nukwandum. Ba, yala mitik ura tukwe ababyi mitikanun nukwandum. Ani, Israel nang yala yuk-yuk a nukoka kerek sekdongobmarim to kuboka tukwe ababyi yala yuk-yuk nukeibkwandum. 55Bok, tukwe a nukeibkwamaminyi ababyi, sun abwe yala si sekdongoboka im sukdeboka nukwandum. 56Ba, sun abwe yabwe yala si sekoka im sukdemimba, laki kibci yala asi nukarebkwandum. Ba, a nukeibkwamaminyi tukwe ababyi im sukmamimba, weik tukwe kum, mitik tukwe kum laki kimyibinmaci to kuboka nukarebkwandum,” ebmou.
57Ura, Lewi deibdoba ara Gerson yaldangni ab, Kehat yaldangni ab, Merari yaldangni ab ati kerek sekdongobmai. 58Ba, ton Lewi biryi deiamwe yala nang ara Libni yaldangni ab, Hebron yaldangni ab, Mahli yaldangni ab, Musi yaldangni ab, Korah yaldangni ab kerek sekmai. Ba, Amram bira Kehat biryi deiamwe. 59Ba, Amram er ner si ara Lewi biryi deiamwe nebnyi si Yokhebed doamwe. Ba, Yokhebed bira Mesir mutuk da aryi deiamwe. Amram ab, Yokhebet ab ara sal mabwe bitinyi deiandei. A mabwe ara Harun ab, Musa ab sun malner si Miryam ab deiandei. 60Ba, Harun bira mabwe dumbaryi deiamwe. A mabwe si ara Nadab ab, Abihu ab, Eleazar ab, Itamar ab deiamwe. 61Bok, Nadab ab, Abihu ab ara Er Iya Erebdobyi teleb tenena kum dinyi dama deiboka uk dabmarei deyok aryi dibmarei. 62Ba, Lewi yala sal nang kwalina 20 bisiboka eitam kubmai nang nirya nungna ara 23.000 baryi kuramnyi. Bok, Lewi yala nang ara Kanaan mutuk tukwe ton kum dobmai deyok aryi nungna ara sun yuk wibdeiboka nukmai.
63A nirya Musa ab, imam Eleazar ab aryi liki bitinyi dinyi nukmarei. Ara, Moab mutuk lu bok, weik atei Yerikho dam asi me Yordan yibinamwe duman aryi Israel sal nang nirya nukmarei. 64Ba, Musa ab, Harun ab yini mutuk Sinai dam yandoka kunmai talak aryi yuma tum sal nang nirya nukoka kerek sekandei nang ara iya tentok ababyi kam ton kum kuramnyi. 65Ara, Er Iya Erebdobnyi biryi ato eamwe, “Sun nirya yini mutuk dam dibsekwaming. Eda, Yefune mi Kaleb ab, Nun mi Yosua ab asi kam kubkwanding,” ebdeiamwe to kuboka kunuamwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)