Bilangan Uram 25
25
Israel yala ninyi aryi, Peor mutuk kon kwemdeina si Baal molobmai uram deyok
25:1-18
1Ura, Israel ninyi Sitim mutuk bindoka kunmai talak akiryi, Moab nerabwe asi talyi yonmai. 2A nerabwe akiryi Israel sal nang asi arukokabiryi uram aryi kanya takminikoka, “Nun Moab kwemdeina ati bisam uk daboka molobkwayeb,” ebmai. Ura, sun Israel nang ababyi a oboka uk dabmai bisam yibmaici, Moab kwemdeina asi molobmai. 3Sun Israel ninyi aryi Peor atei kwemdeina Baal asi molobmai deyok aryi Er Iya Erebdobnyi yu weik wekmou. 4Ura, Musa bisi ato ebmou, “Sun Israel ninyi aryi Moab ninyi miliboka Baal kwemdeina molobmang. Sun Israel ninyi asi bomenekmang nang talebdarur. Ura, Ni urasin dam aryi tabwe youboka lak obdarur. Ba, a obmamunyi nang ara tukwe dongona mem, eda lak tam deiblobkwandarur. Ba, Niryi sun Israel ninyi asi yu kubmanici dinyi asi mundu lobkwanir,” ebmou. 5Ura, Musa biryi Israel ninyi malyi kubmangiba, liliboka weneraming nang si hakim asi ato ebmou, “Sunci sun yala nang yuk-yuk asi kwemdeina si Baal-Peor molorbinmang ninyi obkabokdarur,” ebmou.
6Ura, Musa ab, sun Israel ninyi ab ara Er Imtamnyi ai Kemah Suci ai bisik bublan dam tikoka boukwe aryi engenmai. A bisik bublan dam tikoka diramnyi uca, Israelnyi sal tentok aryi Midian mutuk ner dobmouci, er yala nang atei boboka yanmouci er keis ol ai bowengyanganmou asi eibmai. 7Ukuboka boyanganmou asi imam Harun mi Eleazar biryi deiamwe mi si Pinehas eibmouci, sun Israel ninyi kankan aryi tikoka te balang dobdakaburyi, doubmou. 8Ura, Pinehas biryi te balang doubmouci, a keis ol ai wengbindoka Israelnyi ab, er Midian atei aryi biryi boyanmou ner ab asi lukoka obmou. Ara, sun bitinyi ner sal asi te balang aryi mundu lukoka obmou. Ba, Er Imtamnyi biryi sun Israel ninyi asi kareamwe ba, mambul doboka lubna youn aryi talyi dibdanin baramnyi dinyi ara sirya sekeibmou.#25:8 Lubna yun ara yuk nang ara ining dei eraming. 9Er Imtamnyi biryi din dinyi kareamwe ba, sun Israel ninyi dibdanin binamnyi nungna ara 24.000 baryi diamnyi.
10Ura, Er Iya Erebdobnyi biryi Musa bisi uram ato ebdeibmou. 11“Eleazar mi Pinehas biryi Nisi kanyi teneibdeboka, ‘Yuk kwemdeina Baal asi molona mem. Eda, Er Iya Erebdobnyi bikwe molobkwanub,’ tenen kubmarci, a ner ab anyi ab asi obmar. Akiryi Ni yu wekmanou bok, kum dandeibmanir. Ati, Niryi kanya sukmanou dinyi ara sun a kwemdeina si Baal molorbinmongwe yala ninyi nirya asi kum danardeirina kum kubkwan. 12Ati, Pinehas bisi ebdum, ‘Ni ab, er ab lemdeirin dinyi ati uram talak Niryi ebdeibkwaman.’ 13Ara, er Pinehas biryi Nisi kanyi teneibdebokaburyi, Ni Imtamnyi tam kibwe deyok ab, ani erci sun Israel ninyi malyi kun dinyi kilibwe deyok ab ati a uram talak ersi ebdeibkwaman. Pinehas ab, er deibdoba ab aryi iya Ni Imtamnyi biti ninyi dama deirin nang imam nang kibde bankwaming,” ebmou. 14Pinehas biryi er obmou Israelnyi si ara Salu mi Zimri obmou. Zimri bira Simeon yala ninyi sienyi tentok kiamunyi mi kuramwe. 15Ba, er obmou Midian mutuk ner si ara Zur nebnyi si Kozbi obmou. Zur bira Midian mutuk weiknyi kuramwe.
16Er Iya Erebdobnyi biryi Musa bisi, “Ato kubdarur,” eboka arukmou. 17“Midian ninyi yala nirya asi mar boboka nirya obkabokdarur. 18Kozbi bira Midian nang sun deibdoba kuramwe. Tonda, Peor mutuk dam aryi sun Midian nang mar moun yiboka yu bobmasouci, sun Moab mutuk nermabwe ab, Midian weiknyi nebnyi ab asi, ‘Ur tonkwa kuronkwandarur,’ ebmasei. Akiryi Kozbi bira sirya dibwe. Ara, Peor mutuk dam sun Israel ninyi aryi Baal kwemdeina moloramnyi. A deyok aryi ninyi orminingna youn yangaramwe talak, Pinehas biryi a ner Kozbi asi obwe,” eboka Musa bisi arukmou.
Currently Selected:
Bilangan Uram 25: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Bilangan Uram 25
25
Israel yala ninyi aryi, Peor mutuk kon kwemdeina si Baal molobmai uram deyok
25:1-18
1Ura, Israel ninyi Sitim mutuk bindoka kunmai talak akiryi, Moab nerabwe asi talyi yonmai. 2A nerabwe akiryi Israel sal nang asi arukokabiryi uram aryi kanya takminikoka, “Nun Moab kwemdeina ati bisam uk daboka molobkwayeb,” ebmai. Ura, sun Israel nang ababyi a oboka uk dabmai bisam yibmaici, Moab kwemdeina asi molobmai. 3Sun Israel ninyi aryi Peor atei kwemdeina Baal asi molobmai deyok aryi Er Iya Erebdobnyi yu weik wekmou. 4Ura, Musa bisi ato ebmou, “Sun Israel ninyi aryi Moab ninyi miliboka Baal kwemdeina molobmang. Sun Israel ninyi asi bomenekmang nang talebdarur. Ura, Ni urasin dam aryi tabwe youboka lak obdarur. Ba, a obmamunyi nang ara tukwe dongona mem, eda lak tam deiblobkwandarur. Ba, Niryi sun Israel ninyi asi yu kubmanici dinyi asi mundu lobkwanir,” ebmou. 5Ura, Musa biryi Israel ninyi malyi kubmangiba, liliboka weneraming nang si hakim asi ato ebmou, “Sunci sun yala nang yuk-yuk asi kwemdeina si Baal-Peor molorbinmang ninyi obkabokdarur,” ebmou.
6Ura, Musa ab, sun Israel ninyi ab ara Er Imtamnyi ai Kemah Suci ai bisik bublan dam tikoka boukwe aryi engenmai. A bisik bublan dam tikoka diramnyi uca, Israelnyi sal tentok aryi Midian mutuk ner dobmouci, er yala nang atei boboka yanmouci er keis ol ai bowengyanganmou asi eibmai. 7Ukuboka boyanganmou asi imam Harun mi Eleazar biryi deiamwe mi si Pinehas eibmouci, sun Israel ninyi kankan aryi tikoka te balang dobdakaburyi, doubmou. 8Ura, Pinehas biryi te balang doubmouci, a keis ol ai wengbindoka Israelnyi ab, er Midian atei aryi biryi boyanmou ner ab asi lukoka obmou. Ara, sun bitinyi ner sal asi te balang aryi mundu lukoka obmou. Ba, Er Imtamnyi biryi sun Israel ninyi asi kareamwe ba, mambul doboka lubna youn aryi talyi dibdanin baramnyi dinyi ara sirya sekeibmou.#25:8 Lubna yun ara yuk nang ara ining dei eraming. 9Er Imtamnyi biryi din dinyi kareamwe ba, sun Israel ninyi dibdanin binamnyi nungna ara 24.000 baryi diamnyi.
10Ura, Er Iya Erebdobnyi biryi Musa bisi uram ato ebdeibmou. 11“Eleazar mi Pinehas biryi Nisi kanyi teneibdeboka, ‘Yuk kwemdeina Baal asi molona mem. Eda, Er Iya Erebdobnyi bikwe molobkwanub,’ tenen kubmarci, a ner ab anyi ab asi obmar. Akiryi Ni yu wekmanou bok, kum dandeibmanir. Ati, Niryi kanya sukmanou dinyi ara sun a kwemdeina si Baal molorbinmongwe yala ninyi nirya asi kum danardeirina kum kubkwan. 12Ati, Pinehas bisi ebdum, ‘Ni ab, er ab lemdeirin dinyi ati uram talak Niryi ebdeibkwaman.’ 13Ara, er Pinehas biryi Nisi kanyi teneibdebokaburyi, Ni Imtamnyi tam kibwe deyok ab, ani erci sun Israel ninyi malyi kun dinyi kilibwe deyok ab ati a uram talak ersi ebdeibkwaman. Pinehas ab, er deibdoba ab aryi iya Ni Imtamnyi biti ninyi dama deirin nang imam nang kibde bankwaming,” ebmou. 14Pinehas biryi er obmou Israelnyi si ara Salu mi Zimri obmou. Zimri bira Simeon yala ninyi sienyi tentok kiamunyi mi kuramwe. 15Ba, er obmou Midian mutuk ner si ara Zur nebnyi si Kozbi obmou. Zur bira Midian mutuk weiknyi kuramwe.
16Er Iya Erebdobnyi biryi Musa bisi, “Ato kubdarur,” eboka arukmou. 17“Midian ninyi yala nirya asi mar boboka nirya obkabokdarur. 18Kozbi bira Midian nang sun deibdoba kuramwe. Tonda, Peor mutuk dam aryi sun Midian nang mar moun yiboka yu bobmasouci, sun Moab mutuk nermabwe ab, Midian weiknyi nebnyi ab asi, ‘Ur tonkwa kuronkwandarur,’ ebmasei. Akiryi Kozbi bira sirya dibwe. Ara, Peor mutuk dam sun Israel ninyi aryi Baal kwemdeina moloramnyi. A deyok aryi ninyi orminingna youn yangaramwe talak, Pinehas biryi a ner Kozbi asi obwe,” eboka Musa bisi arukmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)