Levimiako 1
1
Kethe Ruosuo Khakeshü
1Jihovae Mosa kie, mu rüsuopfhekiu nunu puo ki pu di sie: 2Israelmiako ki pu di uko ki haishülie: Themia kehoupuorei Jihova ki kirinuo khashü ro, u thukro morei tekuokroko donunu se vor morosuo. 3Puoe kethe ruosuo puo khashütuo üdi thukro nunu se vor ro, pedo ciekemo puo tuo, puoe rüsuopfhekiu kikha kinu süu khashütuo, Jihova mhodzü puoe lieliekesü chüketuo la; 4puoe puo dzie pie kethe ruosuo khakeshüu tsü gei shütuo mu süu puo la kejo vakelie puo chü di lielietuo. 5Sitse puoe Jihova mhodzünu thudo-u dukhrilietuo; mu Aron nuo zievokoe puo zie pielie di kegepie rüsuopfhekiu kikha ki keba ruosuobau puoke pete vashütuo. 6Mu puoe kethe ruosuo la khakeshüu zhü lolie di süu khrie petselietuo; 7Aron zievo-u nuonuoko ruosuobau gei mi chüshütuo, siro sei pie menuo di mi mhogei khashütuo; 8Aron nuo zievokoe chükhrieko, puotsüu, tsiu puoshuo pie ruosuobau gei mi nu seiko mho gei khashütuo; 9derei dzü pie puo rieko mu puo phiko khrüwatuo; sidi zievo-u süko pete ruosuobau geinu thewatuo, kethe ruosuo mi nunu khakeshü puo chü di, Jihova mhodzüki puore kethengu puo chütuo.
10Puoe kethe ruosuo la tekuo morei temvü kro nunu khashü ro, puoe puochü ciekemo puo khashütuo. 11Puoe ruosuobau tsei pesotsa, Jihova mhodzü nunu süu dukhrituo, mu Aron nuo zievokoe puo zie kegepie ruosuobau khie lutsahatsa vashütuo. 12Mu puoe süu khrie petselietuo, puo tsü tsiu puo shuo sa di, sidi zievokoe süko pie ruosuobau gei miu mhogei seiko gei shülietuo; 13derei puorieko mu puophiko dzü pie khrüwatuo süu kethe ruosuo puo; sidi zievo-u bu ruosuobau geinu themo pete thepie mikhu chüwatuo; süu kethe ruosuo, mi nunu pie ruosuo khakeshü, Jihova ki puore kethengu puo.
14Puoe Jihova ki pera pie kethe ruosuo khakeshü puo chü üro, puoe mekhru morei paruonuo se vor khashütuo. 15Zievo-ue süu se ruosuobau gei vortuo, sidi puo tsü kereithepie ruosuobau geinu süu thetuo; mu puozie pezupie ruosuobau tseitsatie shüwatuo. 16Puoe puovopho mu puorieko kelhoupie ruosuobau tsei niathutsa, mige ba nu shüwatuo; 17puoe puoshü ciekhoushütuo, derei ciethewalie lho. Tsiu zievo-ue süu pie ruosuobau geinu thepie mikhu chüwatuo, miu nu sei mho geinu; süu pie kethe ruosuo puo mu mi nunu se ruosuo khakeshü puo chü di, Jihova mhodzüki puore kethengu puo chütuo.
Currently Selected:
Levimiako 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More