Johan 18
18
Jisu Tekelie
(Mat 26:47-56; Mark 14:43-50; Luk 22:47-53)
1Jisu die hako pukeshü sie, puoe pethakelieko ze di Kidron rü lutsakhie tezie puo kebau nu vota, sidi puo mu puo siedziko rei sünu le. 2Siro Judas, puo tekeshüu rei thechü süu si ba, kekreilamonyü tsiemelie Jisu puoe pethakelieko ze thechü sünu voyacü la. 3Süla Judas-e zievokezhako mu Farisikoe ketsekeshü rüpfhünuo mu thenamia, u rünyie kesepfü, mibou mu mitu pie ketuo kro puo ze sünu vorta. 4Jisue puo gei kedipuo chü vortuo shicü pete si ba, süla puo tuo pra di uko ki, “Nieko supuo pfhüya ga?” 5Uko sie, “Nazaretmia Jisu zo.” Jisu sie, “A süu#18:5 Gk A we. zo,” sishü. Judas, puo sekewau rei uko ze süki tha. 6Jisu uko ki, “A süu#18:6 Gk A we. zo,” ishü tse uko tsiesieta mu mela tsu kijü zhüta. 7Siro Jisu la sie uko ki, “Nieko supuo pfhüya ga?” Sitse uko sie, “Nazaretmia Jisu#18:7 Gk Nazor-u. zo,” si. 8Jisu uko ki “A nieko ki, a süu zo icü pushü ze, mu nieko a pfhü tuo ro, themia hako bu tuotacie.” 9Hau pukeshü “Noe khapie a tsükeshüko a miapuorei pejüwa mo zo,” ikecüu bu tseilieketuo la zo. 10Süki Simon Pitor-e zhiecha puo pfü tuo, puo süu zoupie zievokezhatho-u thekeu du di puo nyieto puo zatsa metakreiwa. Kituo süu za Malka. 11Sitse Jisu sie Pitor ki, “N zhiechau pie puokou nu shüwalie. Puou khapie a ketsü hieu a krie lho üme?”
Jisu Ze Ana ki Kevo
12Süki rüpfhünuoko mu uko mhokezhau, tsiu Judamia thenakoe Jisu telie di puo phalie. 13Sidi ukoe puo ze Ana ki vo rie, puoe sücie zievokezhatho-u chü keba Kaifa-nuo meiu. 14Kaifae Judako ki themia pete bu siaketau ki mia puo bu themia pete la siaketau we vikuotuo üdi tarhokeshüu zo.
Pitor Jisu Phra Mvüketa
(Mat 26:69-70; Mark 14:66-68; Luk 22:55-57)
15Simon Pitor mu pethakelie kekrei puo Jisu medzi vozhü. Pethakelie kekrei süu zievokezhatho-u ze kesi pevikecümia puo, süla puoe Jisu ze zievokezhatho-u kitiezha nu leta, 16derei Pitor-e chazou careu khieki tha. Süla zievokezhatho-u ze kesikecü pethakelie kekreiu par care kepfhepfü rüchüwa di Pitor ze lerta. 17Süki care kepfhepfü sie Pitor ki, “No rei themia haue pethakeliemia puo zo die?” Sitse puo sie, “A mo zo,” sita. 18Süki kituoko mu thenako rei mekukecü la thezhü mi chülie di süu peguo tha; ru Pitor rei uko ze mi peguo tha.
Zievokezhatho-u Jisu Ketsokecü
(Mat 26:59-66; Mark 14:55-64; Luk 22:66-71)
19Süki zievokezhatho-u Jisu ki puoe pethakelieko dze mu puo mia kepetha dze ketsota. 20Jisu sie, “A mhotsou kijüu ki mha pu; a Judamia pete vor kenguyakezha sinagog nu mu rüsuokiu nu mia petha rei vor. A mhapuorei pekhre di pu mo. 21Siüro kidi no a ketsoya ga? A die kesiko ki ketsocie; uko a kedipuo pu shi si ba.” 22Puo die hako pushü tse, süki ketha thenamia puo dziezhü shüpie puo vü di sie, “No zievokezhatho-u ki die hakemhie putuo le?” 23Jisu sie, “A mha pu kekrüwa ro, kekrüüketa zhapu khashücie. Derei a pukeshüu puotou liro no kiüdi a vüya ga?” 24Sitse Anae puo bu puo phapfü zo di ketsepie zievokezhatho-u Kaifa ki shüwata.
Pitor Jisu Phra Mvü Laketa
(Mat 26:71-75; Mark 14:69-72; Luk 22:58-62)
25Süki Pitor mi peguo tha zoluo. Sitse uko puo ki, “No rei puoe pethakelieko mia puo zo mo nyü?” Puo mo üdi sie, “A mo zo,” si lata. 26Zievokezhatho-u kituoko mia puo, Pitor-e puo nyieto metakewaunuo kinumia puo, süki tha di sie, “No tezieu nu puo ze ketuo ki a n ngu mo üme?” 27Pitor moü lata, sishü tse thevü khouta.
Jisu Ze Pilat Mhodzünu Kevo
(Mat 27:1-2,11-14; Mark 15:1-5; Luk 23:1-5)
28Süsie uko Kaifa kinu Jisu ze Pilat kediki#18:28 Gk Praetorium. nu vota. Süki khiserünata. Tsiu ukoe kediki nu le mo, kekreilamonyü ukoe u perhuwa mo di Ciekevonyiu cüketuo la. 29Süla Pilat uko ki par di sie, “Nieko kedipuo se themia hau pejoya ga?” ita. 30Uko sie, “Themia hau themia kesuo puo zo moliro hie puo ze n ki vorlie lho.” 31Pilat uko ki, “Siro nieko thuo puo ze vo nie zho-u nunu puo dienya kecüliecie.” Sitse uko sie, “Hie bu kesia siazha pie mia tsülie kevi kekuo pie hie tsü mo.” 32(Mha hau chüketa Jisue puo kedipuo se chü di siatuo shi di pukeshüu bu tseilieketuo la zo.)
33Sitse Pilat la kediki #18:33 Gk Praetorium. nu leta, di Jisu kielie di sie, “No Judako kediu me?” si. 34Jisu sie, “No ketsokecü hau n thuo n geinu par mo, kekreimia huo n ki a dze pukeshü puo ga?” 35Pilat sie puo ki, “No a üse Judamia üya me? N themiako mu zievokezhako thuo n tepie a dzie nu keshü zo. No kedipuo chüwata ga?” 36Jisu sie, “A kedi-e kijü hau nu mo. A kedi-e kijü hau nu liro mia bu a tepie Judamia dzie nu shü molieketuo la a siedziko mia ze keperhielie zotieciü. Derei a kedi-e kijü hau nu mo zo.” 37Sitse Pilat sie, “Siro no kedimia me?” Jisu sie puo ki, “No a üse kedimia üdi pu. Hau la a penuo vor, mu hau la a kijü nu vor, ketho-u zhapu chüshüketuo la. Ketho-u kitsatie ketha kheko a die rünyüya.” 38Sitse Pilat sie puo ki, “Ketho-u sü kedipuo ga?”
Jisu Gouwanu di Die Khakeshü
(Mat 27:15-31; Mark 15:6-20; Luk 23:13-25)
Puo mha hau pukewa sie, puo Judako ki la par di uko ki, “A zowe puo kejo puorei ngulie mo. 39Derei nieko zho nu a bu Ciekevonyi teiki kediemia puo khashüketuo ba, süla a bu nieko la Judako kediu khashüwa nyüya me?” 40Sitse uko melie u rhiechü di sie, “Themia hau monyü Barabas khashüwalie,” sita. Barabas-e miaviesekecümia puo.
Currently Selected:
Johan 18: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More