Galatiako 1
1
Kelukeshü
1Paul, themia thuo pethokeshü morei themia kekuo geinu mo, derei Jisu Khrista mu Ukepenuopfü u Puou, kesiako donunu Khrista phoukelieu kinu ketsekeshü apostel-u, 2siro a ze keba Ukepenuopfü kikru#1:2 Gk Siezedzürie pete. nu tsüphrümia chülieketa pete kinu,
Khapie Galatia kehouko ki keshü:
3Ukepenuopfü u Puou mu u Niepuu Jisu Khrista ngukemezhie mu nouneu bu nieko ze baliecie, 4puoe Ukepenuopfü u Puou medo mhiei tsie kerüzhü tei hau nunu u shüphralietuoü u kephoumako la puo thuo puo phou khashü, 5puo bu telhekechachie zapuzayie chücie. Amen.
Dieliekevi-e Puo Rübei Zo
6Nieko rükri hathede chü Khrista kinu kepar ngukemezhie la nie kiekelieu therhiese dieliekevi kekrei puo vatazhücü a ngo zo, 7süu üse dieliekevi kekrei ülie kenjü, derei huomia thuo nieko kebvü mu Khrista dieliekeviu pu pesuo nyükezha zo. 8Derei hie rei morei teigeidieliemia#1:8 Moro dieliemia. shierei, hie pie nie pethashü kemo dieliekevi kekrei se nieko ki pu üro puo bu rüsepfücie. 9Hie hadzü pukeshü tuoi, mu tsie rei pu laya, themia kehoupuorei nieko thiedzü ngukelie dieliekeviu kemo kekrei pupie nie petha ro puo bu rüsepfücie.
10Ka, siro a themia nei chü nyüya mo, Ukepenuopfü nei chü nyüya ga? Mo a themia nei chütuoü pfhüya ga? A tsie rei themia nei chütuo üya ro, a Khrista kituomia#1:10 Gk Diemia. chülie kenjü.
Paul Apostel Puo Chükelie
11A kezeko, a dieliekevi pie zhapu chükeshüu themia kinu sede mo ücü nie bu si nyü; 12a süu themia kinu ngulie mo, morei mia süu pie a petha mo, derei süu Jisu Khrista thuo pie a pesikeshü zo.
13A thiedzü Judamia zho zekecü ki nieko a zho a rüli dze si zo. A Ukepenuopfü kehou pesüpemvüthor mu pekawatuoü a hie chü sie zo. 14A Judamia zho keze nu a ramia a tshümiako ki vi se, u krü u pfutsanuo zhoko medzikecü mia kekra ki a rhierhukuocü la. 15Derei Ukepenuopfü ngukemezhie la a penuolie kemonu puo thuo a kelakreilie mu a kieliete, mu puo medota 16di puo Nuou pie a pengushü,#1:16 Gk A geinu. a bu puo dze pie Judakemoko pethashülieketuo la, sükisü a themia medo rüsa mo, 17morei Jerusalem nu a mhodzü apostel chü tuoketako ki kho mo, derei a rükri Arabia nu vo, mu süsie a Damaska nu la vor.
18Sidi cie se sie nu Kefa ze kesetuoü Jerusalem nu kho di zha kerepengou puo ze ba; 19sirei a Niepuu siezeu Jakob zo kemosie apostel kekreiko puorei ngu chie mo. 20A thupie nieko ki shükecüko, Ukepenuopfü mhodzü nunu puya, a tijü mo zo! 21Süsie a Siria mu Kilikia kijüko nu vokecü zo, 22tsiu süki zorei Khrista nou baketa Judia nu kehouko ze kese rei moluo; 23ukoe “Mia puo u pechüpenyüketuou sü tsie we puo thiedzü pekawatuo ükesie kepeleu pie mia petha tuote,” ikecü kesi zo. 24Sidi ukoe a la Ukepenuopfü tsheta.
Currently Selected:
Galatiako 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More