Pitor Kenieu 1
1
Kelukeshü
1Jisu Khrista kituou#1:1 Gk Diemia. mu apostel-u Simon Pitor-e,
Thupie Ukepenuopfü mu Kelakelieu Jisu Khrista kemiatho nu thalieketa, puoma kere hie kepele mhiekecü nyiketako ki shü ho.
2Ukepenuopfü mu u Niepuu Jisu sikecü nunu ngukemezhie mu noune bu nie gei krakelieu chüliecie.
Kiekelie mu Kedakelie
3Kepenuopfü zayie mu ketseikevi chü zokecü ü u kiekelieu dze sikelie la we puo kekuo kezhau thuo u kelhou mu mesamezhükecü la se morokesuo pete khapie u tsüshüwate. 4Sidi puo mha hako geinu mha kezha puoma keretho pupie kezhüko kha u tsüshü; sidi süko geinu nieko bu kijüu nu keba kesuokerhuko nunu talie di Kepenuopfü zho-u se lhoulieketuo la. 5Siro mha hau la nie kitsa nie rhiechü bei di nie zho kevi pie kepele salie, mu mhakesi pie nie zho kevi salie, 6siro nie kethekerekecü pie mhasi salie, tsiu shügeshühiekecü pie kethekerekecü salie, tsiu mesamezhükecü pie shügeshühiekecü salie, 7siro siezedzürie huoniehuo khriekecü pie mesamezhükecü salie mu kekhrie üse siezedzürie huoniehuo ngumezhiekecü saliecie. 8Nieko mha hako se nie vie chü mu kra miemiezhülie ro, süko la u Niepu Jisu Khrista dze kesi mhasitsa nie shüshü morei nie si vülie kelho chütalie lho. 9Derei mha hako kejümia puo la we puo khieki kebako rübei ngu di puo mhi cie bate, tsiu puo kephouma chükewako nunu puo chü kemesawaketa rükra mote. 10Süla a kezeko, nie kiekelie mu kedakelie si kemecie toulieketuo la hadzü ki rei nie rhiechükuolie, mha hau chülie liro, nie mhakipuorei tetsutalie lho. 11Silie liro u Niepuu mu kelakelieu Jisu Khrista kechachie kedi nu nie bu lelieketuo cha khrü kemeya phishütuo.
12Nie mha hako si mu nie gei baketa ketho-u gei metei bata zo ürei, a hako pie nie tarho lalashüketuo le tuo zo. 13Themo pfheki hau nu keba ki nie nou chü perhei lakeshü puotou zo ücü a le, 14u Niepuu Jisu Khrista thuo thapie a kieshücü pecha mo di a se teiu vortuoü bate. 15Mu a tuoketa sie nie bu kehoukipuorei die hako rükralieketuo la a hie chü tuo zo.
Khrista Zayieu Kengu Zhapu
16Hie u Niepu Jisu Khrista kekuo mu puo vorketuo dze pupie nie kiekeshü ki themia do se rhükelie kemeda dze pu mo, derei hie hie mhipie puo kekuo kezha nguwate. 17Zapuzayie Kerükrietho geinu mhapfhe puo: “Hau a Nuo a khrieu; a puo ngu a neithor zo” isikecü kevor ki puo Ukepenuopfü u Puou kinu therhu mu zayie ngulie. 18Hie puo ze kijüthou kemesau gei ketha ki hie thuo zorei mhapfhe süu teigei nu kerkecü si.
19Sidi siedzedieu chü kemetei sapie hie tsüshü. Nie melou nu teiso pi par mu teiziepfü zie kepar mhielie kemochie mitue kezei nu va pezieshüyakezha tuoi nie die süu le terü balie ro vituo. 20Kerietho-u nieko hau silie, süusü kethodie nu siedzedie puorei themia medo nunu pu par mo; 21Kekreilamonyü siedzedie puorei themia medo nunu sede mo, derei Kemesa Ruopfü thuo hükeshü geinu themia bu Ukepenuopfü kinu se pu kepar zo.#1:21 Leshü kewe huo nu Kemesa Ruopfüe hüshü di Ukepenuopfü kemesamiako mha pu.
Currently Selected:
Pitor Kenieu 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More