Ukunukuo 4
4
Ikuryo girunde
1Nënaa asaa akëra nëgararava nëgaona gënyamwango gërughuwe girunde. Na ruri uroo nënaanautëgheeya afoo mwandyo nënaa wë mwino ruri wa ifembe, ugahanya, “Njuu afaa gunto neenoo nguguraghëëra mantu nëëgudwëëra usonge.” 2Gënyafaafo nëgaingëwa na Mwahu. Ngwë, kuuko girunde gwina itumbë ra utemi na gunto ayo wikhee muntu umwedu. 3Wasuu nënaa wikhee gunto ayo naa wë mwino musaru, igwe rija rikhoku. Uta a hëmë na weriye mwino sumaridi na naa uwufimëye mbaru yoong'e. 4Naa gwina mufimuko wa matumbë makumi avëë na ane naa ëfimëye itumbë ra utemi, na gunto a matumbë asaa anyampaa makumi avëë na vane naa vikhee, vëriye masaa meru na ngaa ya sahabu umatwe. 5Ufëto, ruri nanë irunkumo naa viudua mwitumbë rasëë ra utemi. Vimwëë vimufungatë vya moto naa viakie usonge a itumbë rasëë ra utemi. Vimwëë vyasië unë nkhoo imufungati ya Muungu.
6Usonge a itumbë ra utemi naa gwina gëntu mwino irambo ra gërore. Mumbaru yoong'e ya itumbë rasëë ra utemi na ugifëmuka, na gwina ntundo nëina ufanga ine. Ntundo yasië naayijue miho mwëërë woong'e.
7Ntundo a mwandyo naa ë mwino ng'imba, a gavëë ë mwino ng'ombe, a gatatu naa ina ikeru mwino ra muntu, a gane naa ë mwino nümba nëërumie. 8Ntundo yasië në ine naa yina mabava ëmutandatu mu ëmwedu, na naayijue miho, mukhatë nane gunji. Utiku nanë mumwë, vitiutuya vigwëëmba:
“Mweru, mweru, mweru
unë Müküü, Muungu Munya Udaho,
nënaaurëfo, nëurëfo nane nëujie.”
9Fakafaka ntundo në ine nënaaigwëëmba nyëmbo ya umukuta, umukurya, nanë umurumba wasuu nënaa wikhee gunto a itumbë ra utemi, unë mufanga khae na khae, 10anyampaa avoo në vëmakumi avëë na vane na vëgigwësya usonge amwa wasuu nënaa wikhee gunto a itumbë ra utemi nanë umükürya wasuu unë mufanga khae na khae; naavëuyivëka ngaa yawe usonge a itumbë ra utemi vëuhanya:
11“Veve u Müküü nanë Muungu Witu,
unoneye üküü nanë ikuryo nanë nguu;
gusoko veve watundie mantu oong'e,
na gwa mafenji ako mu gëntu
gafewe mwahu nanë ufanga.”
Currently Selected:
Ukunukuo 4: RIMRC
Highlight
Copy
Compare
Share
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
