1 Hena Wakorintho 6
6
1Mundu wa henyu ekara, ekioka na kiteto wanga ya mughenji, kuchiliwa msongorana wawo wesina ngalo, na si msongorana wawo weshenete? 2Kana tomutisiwa ti weshenete wenemachilia masanga? na kwakicha masanga machiliwa na unywi, tomuidima kuareha machila madongo? 3Tomutisiwa ti tunechilia malaika? muno kukela, vindu vya masanga ama? 4Huwo kwakicha muna ndima ya kuchilia vindu vya masanga ama, muwawike kuoka wachili wala wedaiwe ghati ya kanisa? 5Nakiteta iki nimugere soni. Nikyo iki, ti teidima kuwonwa henyu mundu mwe echee, eidima kuchwa chila ghati na ghati ya wandwawo, 6kake mundu eenda chila hena mdwawo, na iki msongorana wawo wesiitikija? 7Hai, ghati ya kindu iki mwaduhuka deng’e, ti muna machila unywi hena unywi. Nini mwasaketiwa viwiwi keba? nini mwasakengwa keba? 8Hai, kake unywi wenye mwaketa viwiwi, na mwakenga, na iki ghati ya wandwenyu. 9Kana tomutisiwa ti wesina‐ngalo teweneuhoja ufumwa wa Izuwa? Musikengwe; nete mketi‐mbuya, nete waombi‐sanamu, nete washindi, nete weng’enda, nete wekuketie viwiwi na wome, 10nete wahiwi, nete welangwa, nete wenye kuengea, nete warighi, nete wasoki, weneuhoja ufumwa wa Izuwa. 11Na mondo wenyu weokie sa awa: kake muojiwe, kake mushenetijwe, kake muarehiwe ngalo hena izina la Mzuri Yesu Kristo, na hena Ngoma ya Izuwa wetu.
12Vyose si mbarian hangu: kake si vyose viwe. Vyose si mbarian hangu: kake mi sineitoriwa na kindu. 13Vijo hena ndeni, na ndeni hena vijo: kake Izuwa enetesha na vila na iji. Kake muri si hena mbuya, nde hena Mzuri; na Mzuri hena muri: 14na Izuwa embushie Mzuri, na enetuwusha uswi pia hena zinya yakwe. 15Tomutisiwa ti miri yenyu ni marungo makwe Kristo? Huwo ninemauha marungo makwe Kristo, na kumaosha marungo ma mshindi? Kiwawe. 16Kana tomutisiwa ti ula egurana na mshindi ni muri mwe? amu, Wala weri, eteta, weneoka muri mwe. 17Kake ula egurana na Mzuri ni ngoma mwe. 18Matukeni mbuya, Ng’oki yose mundu eketa ni some ya muri; kake ula eketa mbuya eketia ng’oki muri wakwe mwenye. 19Kana tomutisiwa ti muri wenyu ni hekalu la Ngoma Mshenete ioho ndeni henyu, muiuhie kufuma hakwe Izuwa? nete unywi si mali menyu wenye: 20amu muzoriwe na zora: hena lwa iyo mrumisheni Izuwa ghati ya muri wenyu.
Currently Selected:
1 Hena Wakorintho 6: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
