1 Hena Wakorintho 5
5
1Yasikiwa koro mbai jose hena mbuya henyu, na mbuya ya mbare ila, sa isioho nete ghati ya Mambare, mwe aoke na mche wa wawee. 2Na unywi mwakubaabaa, nete mwasashiniwa keba, ula eketie iki awone kuwushijwa hae kufuma ghati yenyu. 3Amu kididi mi, nisioho murini, nde nioho hena ngoma, naidiwa kumchilia ula ekiketie kindu iki, sandu nikioka henyu, 4hena izina la Mzuri wetu Yesu, mukiwunganyika hamwe, na ngoma yangu, na zinya ya Mzuri wetu Yesu, 5kumng’ola mundu sa uu hena Shetani, muri uwone kuteka, nesa ngoma ikijwe musi wa Mzuri Yesu. 6Kukuisisa kwenyu si kwedi. Tomutisiwa ti wuchachu wudongo wufusha ifungu lose? 7Kuzerrijeni ghati ya chachu ya kae, nesa muoke ifunga isha, sandu muokie musifushwe. Amu pasaka yetu yaidiwa kung’olwa, niye Kristo: 8hena lwa iyo tuarehe ngasu, si hena chachu ya kae, nete hena chachu ya tiri na owiwi, nde hena kila kisifushwe kya wuchobwe na kididi.
9Namutamia ghati ya waraka wangu musikete sighari na waketi‐mbuya; 10si deng’e na waketi‐mbuya wa masanga ama, kana nawo welangwa na wasoki, kana na waombi‐sanamu; amu huwo tomuna huwo kufuma ghati ya masanga: 11kake ingeriaha namutamia musikete sighari, mundu akeye eitangwa mundu‐wa‐hetu ekioka mketi‐mbuya, kana mlangwa, kana mwombi‐sanamu, kana mwenye kuengea, kana msoki; na mundu sa uu hai, nete kula. 12Amu nina kini ghati ya kuwachilia wala wa some? Tomuwachilia wala wa ndeni, 13kake wala wa some Izuwa enewachilia. Mbushije mundu ula mbiwi ghati yenyu.
Currently Selected:
1 Hena Wakorintho 5: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
