1 Hena Wakorintho 4
4
1Mundu atugheshijie uswi huwo, sa wahiri wa Kristo, na virote vya mbiso ja Izuwa. 2Ahawa kiendwa ghati ya virote, mundu awonwe mwitikiji. 3Kake hangu ni kindu kidongo muno niyowe na unywi, kana kuyowa kwa mundu: ee, sikuyoa mwenye. 4Amu sitisiwemi kiteto wanga yangu mwenye; kake hena iyo sitarwami kuoka na ngalo: kake ula eniyoa ni Mzuri. 5Hena lwa iyo musichile kiteto magheri mesimefika, mtano eneikaeze Mzuri, niye eneviangaja vindu viwisiwe vya kija, na enewonyanya raa mburi ja ngoro; niho mundu ose enewona luisiso lwakwe kufuma hakwe Izuwa.
6Vindu ivi, wandwetu, hena fwana nakuwikia mwenye na Apolo hena lwenyu; nesa ghati yetu mukuloshe musivetie vila vitamiwe; mwe wenyu asikubaebae hena lwa mwe wanga ya mughenji. 7Amu niani ewika lelano ghati yako na ungi? na una kini nsikiuhie? kake kwakicha ukiuhie, nini ukuisisa, sa usikiuhie? 8Ingeriaha mwaighuta, ingeriaha mwamaza, mwaitoria tusioho uswi: ee, nikundie muitorie, nesa na uswi pia tuitorie hamwe na unywi. 9Amu, naghamba, Izuwa etuwonja uswi waondo kuidiwika kwa wose, sa wandu wechiliwa kufwa: amu twaoshwa kindu kya kuyowa na masanga, na malaika, na wandu. 10Uswi tutomode hena lwa Kristo, kake unywi muche ghati ya Kristo: uswi wanana, kake unywi muna zinya; unywi mwarumishwa, kake uswi tuna nguruna. 11Mtano yoo ichi twasikia nzaa, na twatonga tuhu, na twabighwa, na twasowa handu ha kutua dawu; 12na twahira, tukiareha ndima na mikono yetu wenye: tukirighwa, twatasia; 13tukikinywa, tugumiria; tukichunganjwa, twasemba; twaoshwa sa makuku ma masanga, ikwe la vindu vyose, mtano ingeriaha.
14Sitamami vindu ivi nesa nimgere nguruna, nde nimloshe sa waana wangu wekundike. 15Amu mukioka na wakara elfu ikumi ghati ya Kristo, nde sa wawaweeo weingi: amu ghati ya Kristo Yesu nimbonie hena anjili. 16Hena lwa iyo namsemba, muoke watamaiya wangu. Hena kindu iki nimwingije Timoteo henyu, 17eye mwana wangu ghati ya Mzuri mkundwa na mwitikiji, naye enemkumbusha nzia zangu jioho ghati ya Kristo, sandu nalosha hose ghati ya makanisa mose. 18Na mondo wekubaabaa sandu niokie sizami henyu. 19Kake ninemzia afuhi, Mzuri ekikunda; na ninetisiwa, si kiteto kyawo wekubaabaa, nde zinya. 20Amu ufumwa wa Izuwa si ghati ya kiteto, nde ghati ya zinya. 21Mukundieze? nimuzie na msenge, kana hena lukundo na ngoro ya uhoo?
Currently Selected:
1 Hena Wakorintho 4: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
