Vafilipi 4
4
1Wiimila wa idzo, vafuuwa vayangu nye vende, mwimage sipi pa kumuhuuvila uMutwa Yesu. Unyeenye ndikuveenda nu kudoboka ndivawone kangi, pakuva muli lukeelo lwangu, kangi ye ngeela ye ndilaanukila wiimila wa malimo gangu umwenyo.
Uluwungo nu wulagidze uwuli poloofu
2Ewodya na yuuve Sindike, ndikuvagongoola hiilo mwiteepule, pakuva nyivonda mukumuniniila uMutwa Yesu. 3Na yuuve muyangu muhuuvilwa, ndikukunyilika uvatangage avamwayuuva vavili avo, pakuva vakaapifukiye pamwinga naane mu malimo ga kutagalidza iMola iNofu. Kangi uvatangage uKelemendi na vayangu avangi aviilimasa naane. UNguluvi ásimbile amataawa ga vaanu avo mu kitabu kya wuumi.#4:3 Kitabu kya wuumi Iki kye kitabu kye aasimbile uNguluvi amataawa ga vaanu avalaanukila uwuumi uwa mbeepali, Luvilatulo 20:11-15.
4Mukeelage mbeepali mu numbula wiimila wa wunyalumwinga weenyo mwa Mutwa Yesu, kangi ndiitigila, mukeelage! 5Uwuleele weenyo wudzeelekage ku vaanu vonda. UMutwa ali biihi. 6Mutanage ukwituunidza ni kiinu kikivedzaga, nda haamu, mulapangilage nu kugongoola mu dzonda pamwinga nu kuhongedza, ifya kuponela fyenyo fidzeelekage kwa Nguluvi. 7Mu dzonda idzo, uNguluvi ahadza akuvapeela ulutengamaso lukomi hiilo ukulutila ikigelelo kya kulufika. Ulo luhadza lukuvuuvatila mutanage ukoogopa mu numbula dzeenyo, enewuli kunyengʼemala mu mahoodzo geenyo umusika gwa nalamu, pakuva unyeenye muli vaanu va Kilisiti Yesu.
8Vafuuwa vayangu, ndiimala lino ndiitigila, mu mahoodzo geenyo mwinatilage amadzwi ga ndakyene, agiivagila ukuginikwa, amagolofu, amanofu, agiikeeledza, agiilongwa wunofu, na manofu agiivagila ukulumbwa. 9Mulimage dzonda dze mwíwulaniidze nu kwanukila ukuhuma ukwangu, kangi dze mwapuliike nu kulola dze ndaalimaga. Nayu Nguluvi umunya lutengamaso ahadza iivedzasa naanye.
UPawulo akuvahongedza aVafilipi
10Lino ndiikeela mu numbula wiimila wa wunyalumwinga weesu nu Mutwa Yesu, pakuva múpilukiye ukuundziwuka. Ndakyene mwaandziwukaga, neke kangi mwalemwaga ingʼaasi ya kulagidza ulutango lwenyo ukwangu. 11Sindiilonga ewo, pakuva ndíkeepile, neke kangi ndíiwulaniidze ingʼaasi ya kwisiikila mu luluvedzaga ulukuundzadzila. 12Lino ndiidzeela ulwa kuvedza ni fikeefu nu lwa kuvedza ni ífifulwike. Ndíiwulaniidze ulwa kinyele ulwa kwisiikila mu luluvedzaga, ngana ndíigwite enewuli ndídagiine, ukuvedza ni fyoloofu enewuli ukukeepa. 13Ndili nu ludali ulwa kulima dzonda idzo, pakuva uKilisiti ye mwene ye akuumeela ingufu.
14Napo kangi, mwalimile wunofu pa kuhanga naane mu mumuko dzangu. 15Kangi, ngita kye mwidzeela, pe ndaafikile ku mugoola gwa Makedoniya kuvadalikila iMola iNofu ukufikila pe ndiihega, kwahela ulukombeso ulungi ulwanangile mu madzwi ga magoobeli. Yuunye Vafilipi ye mwaanangile, 16nambe musika pe ndaali ku wudzenge wa Tesalonike pe ndaakeepile, mwalagiidze amagoobeli ukulutila kamwinga. 17Ndiilonga ewo, pakuva sindiitemula ulutango lungi ukwenyo, nda haamu, ndikuvatemulila ulufuunyo lwa Nguluvi#4:17 Ndikuvatemulila ulufuunyo lwa Nguluvi Ikikelo pa kikelo, ndiitemula ifiliyo fyongeledzwe mu kisandzi kyenyo. wiimila wa wusandzi weenyo.
18Ukuhuma pe ndaanukiye ulutango londa lwe mwaanumiye kugendela kwa Epafuladito, ndili ni fyonda fye ndaakeepile nu kulutila. Ulutango ulo, luli ngita wusembe uwunya lunuusi lunofu ulwikwidikwa nu kumukeeledza uNguluvi.#Valevi 1:9 19Wiimila wa ulo, uNguluvi vangu ahadza akuvapeela fyonda fye mwikeepa, kutegana nu wumosi wa ndolo dzaakwe wugendela mwa Kilisiti Yesu.
20UNguluvi uDadiisu apeelwage indolo mbeepali na mbeepali. Eena.
Amadzwi ga wusililo
21Muvahungilage aviimike vonda va Kilisiti Yesu va ku Filipi. Na vafuuwa avali naane apa, vakuvahungila. 22Aviimike vonda va wudzenge wa Loma uwu vakuvahungila, hiilo avali mu nyumba iya mutwa umukomi uKayisali.
23Ulusungu lwa Mutwa uYesu Kilisiti luvedzage naanye.
Currently Selected:
Vafilipi 4: BEZ
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
Vafilipi 4
4
1Wiimila wa idzo, vafuuwa vayangu nye vende, mwimage sipi pa kumuhuuvila uMutwa Yesu. Unyeenye ndikuveenda nu kudoboka ndivawone kangi, pakuva muli lukeelo lwangu, kangi ye ngeela ye ndilaanukila wiimila wa malimo gangu umwenyo.
Uluwungo nu wulagidze uwuli poloofu
2Ewodya na yuuve Sindike, ndikuvagongoola hiilo mwiteepule, pakuva nyivonda mukumuniniila uMutwa Yesu. 3Na yuuve muyangu muhuuvilwa, ndikukunyilika uvatangage avamwayuuva vavili avo, pakuva vakaapifukiye pamwinga naane mu malimo ga kutagalidza iMola iNofu. Kangi uvatangage uKelemendi na vayangu avangi aviilimasa naane. UNguluvi ásimbile amataawa ga vaanu avo mu kitabu kya wuumi.#4:3 Kitabu kya wuumi Iki kye kitabu kye aasimbile uNguluvi amataawa ga vaanu avalaanukila uwuumi uwa mbeepali, Luvilatulo 20:11-15.
4Mukeelage mbeepali mu numbula wiimila wa wunyalumwinga weenyo mwa Mutwa Yesu, kangi ndiitigila, mukeelage! 5Uwuleele weenyo wudzeelekage ku vaanu vonda. UMutwa ali biihi. 6Mutanage ukwituunidza ni kiinu kikivedzaga, nda haamu, mulapangilage nu kugongoola mu dzonda pamwinga nu kuhongedza, ifya kuponela fyenyo fidzeelekage kwa Nguluvi. 7Mu dzonda idzo, uNguluvi ahadza akuvapeela ulutengamaso lukomi hiilo ukulutila ikigelelo kya kulufika. Ulo luhadza lukuvuuvatila mutanage ukoogopa mu numbula dzeenyo, enewuli kunyengʼemala mu mahoodzo geenyo umusika gwa nalamu, pakuva unyeenye muli vaanu va Kilisiti Yesu.
8Vafuuwa vayangu, ndiimala lino ndiitigila, mu mahoodzo geenyo mwinatilage amadzwi ga ndakyene, agiivagila ukuginikwa, amagolofu, amanofu, agiikeeledza, agiilongwa wunofu, na manofu agiivagila ukulumbwa. 9Mulimage dzonda dze mwíwulaniidze nu kwanukila ukuhuma ukwangu, kangi dze mwapuliike nu kulola dze ndaalimaga. Nayu Nguluvi umunya lutengamaso ahadza iivedzasa naanye.
UPawulo akuvahongedza aVafilipi
10Lino ndiikeela mu numbula wiimila wa wunyalumwinga weesu nu Mutwa Yesu, pakuva múpilukiye ukuundziwuka. Ndakyene mwaandziwukaga, neke kangi mwalemwaga ingʼaasi ya kulagidza ulutango lwenyo ukwangu. 11Sindiilonga ewo, pakuva ndíkeepile, neke kangi ndíiwulaniidze ingʼaasi ya kwisiikila mu luluvedzaga ulukuundzadzila. 12Lino ndiidzeela ulwa kuvedza ni fikeefu nu lwa kuvedza ni ífifulwike. Ndíiwulaniidze ulwa kinyele ulwa kwisiikila mu luluvedzaga, ngana ndíigwite enewuli ndídagiine, ukuvedza ni fyoloofu enewuli ukukeepa. 13Ndili nu ludali ulwa kulima dzonda idzo, pakuva uKilisiti ye mwene ye akuumeela ingufu.
14Napo kangi, mwalimile wunofu pa kuhanga naane mu mumuko dzangu. 15Kangi, ngita kye mwidzeela, pe ndaafikile ku mugoola gwa Makedoniya kuvadalikila iMola iNofu ukufikila pe ndiihega, kwahela ulukombeso ulungi ulwanangile mu madzwi ga magoobeli. Yuunye Vafilipi ye mwaanangile, 16nambe musika pe ndaali ku wudzenge wa Tesalonike pe ndaakeepile, mwalagiidze amagoobeli ukulutila kamwinga. 17Ndiilonga ewo, pakuva sindiitemula ulutango lungi ukwenyo, nda haamu, ndikuvatemulila ulufuunyo lwa Nguluvi#4:17 Ndikuvatemulila ulufuunyo lwa Nguluvi Ikikelo pa kikelo, ndiitemula ifiliyo fyongeledzwe mu kisandzi kyenyo. wiimila wa wusandzi weenyo.
18Ukuhuma pe ndaanukiye ulutango londa lwe mwaanumiye kugendela kwa Epafuladito, ndili ni fyonda fye ndaakeepile nu kulutila. Ulutango ulo, luli ngita wusembe uwunya lunuusi lunofu ulwikwidikwa nu kumukeeledza uNguluvi.#Valevi 1:9 19Wiimila wa ulo, uNguluvi vangu ahadza akuvapeela fyonda fye mwikeepa, kutegana nu wumosi wa ndolo dzaakwe wugendela mwa Kilisiti Yesu.
20UNguluvi uDadiisu apeelwage indolo mbeepali na mbeepali. Eena.
Amadzwi ga wusililo
21Muvahungilage aviimike vonda va Kilisiti Yesu va ku Filipi. Na vafuuwa avali naane apa, vakuvahungila. 22Aviimike vonda va wudzenge wa Loma uwu vakuvahungila, hiilo avali mu nyumba iya mutwa umukomi uKayisali.
23Ulusungu lwa Mutwa uYesu Kilisiti luvedzage naanye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.