Vakolosayi 3
3
Imigendele gya miikalile imipiya
1Lino, pakuva uNguluvi ávadzulubwise pamwinga nu Kilisiti, mutemulage idzili kukyanya, kwe agenda uKilisiti, ye íikalile apoono pa luginiyo ku liwoko ilya kundiyo ilya Nguluvi.#Ndzimbililo 110:1 2Muhoodzehedzage idzili kukyanya, mutanage ukuhoodzehedza idza pe naanyi apa, 3pakuva unyeenye múfuwe, lino uwuumi weenyo uwupiya uwusiiwoneka, wiiloleelwa pamwinga nu Kilisiti mwa Nguluvi. 4Uwuumi weesu#3:4 Uwuumi weesu Uwusimbe uwungi uwa kataali wiitigila Uwuumi weenyo. uwupiya, wiihumila mwa Kilisiti. Umusika pe alaawoneka, pe peene na yuunye mulaawoneka pamwinga nave mu ndolo dzaakwe.
5Lino mutanage ukugilimila imivili gyenyo mu malimo ga pe naanyi, ndawuli uwugoni, uwulamafu, uwudobofu uwuviifu, amahoodzo amaviifu, ni kyoyo. Ukudoboka ewo, kwe kwifuunya ku fihwananguluvi. 6Wiimila wa idzo, iligooga lya Nguluvi likuvaadzila avo avasikumwidika. 7Pa wutalilo pe mwikalaga pamwinga navo, na yuunye mwadzigendelaga dziidzo mu miikalile gyenyo. 8Neke kangi lino, mulekelage ngʼaani dzonda idzo, iligooga, ililaakali, amaligo, na madzwi amaviifu ukuhuma mu milomo gyenyo. 9Mutanage ukwidetela, pakuva múwufuulile uwumuunu uwulovela pamwinga na malimo gaakwe, 10múfwalile uwumuunu uwupiya. UNguluvi áwuviikile uwumuunu uwupiya uwo mugati umwenyo, nu kuvahambusa muhwanane hiilo nave, ukuta mumukagulage wunofu, umwene ye avagavile. 11Apo, kwahela imilekanile kwa Muyahudi enewuli ye asili Muyahudi, umusinge enewuli ye asili musinge, umugendzi, ye asiimbile, umusutu enewuli umwawule. Nda haamu, uwuvina wa Kilisiti wuli mu dzonda, nave akwikala mugati mwa vonda.
12Neke lino, pakuva unyeenye muli vahaagulwa va Nguluvi, viimike ve akuveenda, lino mufwalage uwumuunu wa lusungu, uwumuunu uwunofu, ulwiyiso, uwuleele nu wisamutima. 13Mwinyamulilage, kangi ngana umuunu ámwanguwe umuyagwe, mwipyanilage ndawuli uMutwa kye avapyaniye unyeenye. 14Ulukomi hiilo mu dzonda idzo, mwiyendage, pakuva uwende we weene uwiiwopa fyonda mu wunyalumwinga uwukwilifu.
15Ulutengamaso lwa Kilisiti lutemage mu numbula dzeenyo. Ulutengamaso ulo, lwe lwene lwe mwakemeeleliilwe ukuvedza muvili gumwinga. Kangi muvedzage vaanu avanya luhongedzo kwa Nguluvi. 16Ilidzwi lya Kilisiti liikalage lyolwike mugati umwenyo, kuno mukwiwulanidza nu kwiwunga mu luhalawukagudzi londa. Mumwimbilage uNguluvi ni numbula dzeenyo mu ndzimbililo, imwito ni ndzimbo idziihuma mu numbula, pamwinga nu kumuhongedza. 17Dzonda dze mwilonga, enewuli ukulima, mulimilage dzonda mu litaawa lya Mutwa Yesu, nu kumuhongedza uNguluvi uDaada wugendela mwa Yesu.
Imigendele iminofu mu nyumba
18Unyeenye vadala, mwilefyage ku vagoosi veenyo, ngita kye lwivagila ku vaanu avakumufuuwa uMutwa Yesu. 19Na yuunye vagoosi, muveendage avadala veenyo, mutanage ukuvedza vasali ukwawo. 20Na yuunye vaana, muviidikage avavaha veenyo mu dzonda, pakuva pa kulima ewo, lukumukeeledza uMutwa Yesu. 21Na yuunye vadadaawo, mutanage ukuvaviifya avaana veenyo, ukuta vatanage ukunyunyilwa. 22Na yuunye vasutu, muviidikage avatwa veenyo va pe naanyi mu malimo gonda. Mutanage ukuviidika wiimila wa kuvakeeledza pe vakuvalola, nda haamu, wiimila wa numbula ndzelu nu kumoogopa uMutwa Yesu. 23Amalimo gagavedzaga ge mwilima, mwitawulilage ni numbula yonda, ngita mukumulimila uMutwa, si vaanu hela, 24pakuva mwidzeela ukutigila, mulaanukila ilipwela lyenyo ukuhuma kwa Mutwa. Ye mwene uMutwa Kilisiti ye mukumutovela iligendwa. 25Neke kangi ye avedzaga ye iilima imbiifu, alaanukila ukulingʼaana nu wuviifu waakwe, pakuva uNguluvi asiikwegela lubali.
Currently Selected:
Vakolosayi 3: BEZ
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
Vakolosayi 3
3
Imigendele gya miikalile imipiya
1Lino, pakuva uNguluvi ávadzulubwise pamwinga nu Kilisiti, mutemulage idzili kukyanya, kwe agenda uKilisiti, ye íikalile apoono pa luginiyo ku liwoko ilya kundiyo ilya Nguluvi.#Ndzimbililo 110:1 2Muhoodzehedzage idzili kukyanya, mutanage ukuhoodzehedza idza pe naanyi apa, 3pakuva unyeenye múfuwe, lino uwuumi weenyo uwupiya uwusiiwoneka, wiiloleelwa pamwinga nu Kilisiti mwa Nguluvi. 4Uwuumi weesu#3:4 Uwuumi weesu Uwusimbe uwungi uwa kataali wiitigila Uwuumi weenyo. uwupiya, wiihumila mwa Kilisiti. Umusika pe alaawoneka, pe peene na yuunye mulaawoneka pamwinga nave mu ndolo dzaakwe.
5Lino mutanage ukugilimila imivili gyenyo mu malimo ga pe naanyi, ndawuli uwugoni, uwulamafu, uwudobofu uwuviifu, amahoodzo amaviifu, ni kyoyo. Ukudoboka ewo, kwe kwifuunya ku fihwananguluvi. 6Wiimila wa idzo, iligooga lya Nguluvi likuvaadzila avo avasikumwidika. 7Pa wutalilo pe mwikalaga pamwinga navo, na yuunye mwadzigendelaga dziidzo mu miikalile gyenyo. 8Neke kangi lino, mulekelage ngʼaani dzonda idzo, iligooga, ililaakali, amaligo, na madzwi amaviifu ukuhuma mu milomo gyenyo. 9Mutanage ukwidetela, pakuva múwufuulile uwumuunu uwulovela pamwinga na malimo gaakwe, 10múfwalile uwumuunu uwupiya. UNguluvi áwuviikile uwumuunu uwupiya uwo mugati umwenyo, nu kuvahambusa muhwanane hiilo nave, ukuta mumukagulage wunofu, umwene ye avagavile. 11Apo, kwahela imilekanile kwa Muyahudi enewuli ye asili Muyahudi, umusinge enewuli ye asili musinge, umugendzi, ye asiimbile, umusutu enewuli umwawule. Nda haamu, uwuvina wa Kilisiti wuli mu dzonda, nave akwikala mugati mwa vonda.
12Neke lino, pakuva unyeenye muli vahaagulwa va Nguluvi, viimike ve akuveenda, lino mufwalage uwumuunu wa lusungu, uwumuunu uwunofu, ulwiyiso, uwuleele nu wisamutima. 13Mwinyamulilage, kangi ngana umuunu ámwanguwe umuyagwe, mwipyanilage ndawuli uMutwa kye avapyaniye unyeenye. 14Ulukomi hiilo mu dzonda idzo, mwiyendage, pakuva uwende we weene uwiiwopa fyonda mu wunyalumwinga uwukwilifu.
15Ulutengamaso lwa Kilisiti lutemage mu numbula dzeenyo. Ulutengamaso ulo, lwe lwene lwe mwakemeeleliilwe ukuvedza muvili gumwinga. Kangi muvedzage vaanu avanya luhongedzo kwa Nguluvi. 16Ilidzwi lya Kilisiti liikalage lyolwike mugati umwenyo, kuno mukwiwulanidza nu kwiwunga mu luhalawukagudzi londa. Mumwimbilage uNguluvi ni numbula dzeenyo mu ndzimbililo, imwito ni ndzimbo idziihuma mu numbula, pamwinga nu kumuhongedza. 17Dzonda dze mwilonga, enewuli ukulima, mulimilage dzonda mu litaawa lya Mutwa Yesu, nu kumuhongedza uNguluvi uDaada wugendela mwa Yesu.
Imigendele iminofu mu nyumba
18Unyeenye vadala, mwilefyage ku vagoosi veenyo, ngita kye lwivagila ku vaanu avakumufuuwa uMutwa Yesu. 19Na yuunye vagoosi, muveendage avadala veenyo, mutanage ukuvedza vasali ukwawo. 20Na yuunye vaana, muviidikage avavaha veenyo mu dzonda, pakuva pa kulima ewo, lukumukeeledza uMutwa Yesu. 21Na yuunye vadadaawo, mutanage ukuvaviifya avaana veenyo, ukuta vatanage ukunyunyilwa. 22Na yuunye vasutu, muviidikage avatwa veenyo va pe naanyi mu malimo gonda. Mutanage ukuviidika wiimila wa kuvakeeledza pe vakuvalola, nda haamu, wiimila wa numbula ndzelu nu kumoogopa uMutwa Yesu. 23Amalimo gagavedzaga ge mwilima, mwitawulilage ni numbula yonda, ngita mukumulimila uMutwa, si vaanu hela, 24pakuva mwidzeela ukutigila, mulaanukila ilipwela lyenyo ukuhuma kwa Mutwa. Ye mwene uMutwa Kilisiti ye mukumutovela iligendwa. 25Neke kangi ye avedzaga ye iilima imbiifu, alaanukila ukulingʼaana nu wuviifu waakwe, pakuva uNguluvi asiikwegela lubali.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.