1 Vatesalonike 4
4
Imiikalile gye akugyenda uNguluvi
1Lino vafuuwa vayiisu, mwíwulaniidze ukuhuma ukwesu kye lwisakulwa ukwikala nu kumukeeledza uNguluvi, ndakyene ndeeni kye mukwikala. Lino twinyilika nu kugongoola mu litaawa lya Mutwa Yesu ukutigila, mugendelage luulo nu kulutila. 2Pakuva mwidzeela indagiilidzo dziki dze twavapeeliye unyeenye mu wutawulilwe wa Mutwa Yesu.
3UNguluvi iikeela muvedzage viimike, nu kwiyefya mbandu mu miikalile gya wugoni. 4Nayula umwenyo iiwulanidzage ulwa kuvedza munya kwiwopa ulwa muvili gwakwe, mu migendele imiimike nu luginiyo. 5Mutanage ukwiyelulidza nu wudobofu wa mivili, ngita kye viilima avasili Vayahudi avasimudzeeliye uNguluvi. 6Mu ulo, umuunu ye avedzaga atanage ukumwangula umufuuwa muyagwe, enewuli ukumubuganidza, pakuva uMutwa Yesu alavapeela ulupedzo vonda aviilima idzo, ngita kye twavalongiye nu kuvawunga. 7Lwe lwene uNguluvi asatukemeeleliye imiikalile gya wugoni, nda haamu, atukemeeleliye imiikalile imiimike. 8Wiimila wa ulo, lino umuunu ye avedzaga ye iikaana imbulanidzo idzi, asikumukaana umuunu, nda haamu, iivedza akumukaana uNguluvi ye akuvapeela uMubepo uMwimike vaakwe.
9Lino, tungaya wugulume wa kuvasimbila unyeenye imola ya kwiyenda, pakuva múwulaniidzwe nu Nguluvi yumwene ukwiyenda. 10Ndakyene mwilima ewo, mukuveenda avafuuwa vayeenyo vonda mu mugoola gwa Makedoniya. Lino vafuuwa vayiisu, tukuvagongoola ukutigila, muginalidzage hiilo ukwiyenda. 11Mugimbage ukwikala mu lutengamaso, ukuloleela ingʼaani dzeenyo kitiiyingidza mu malimo ga vangi. Kangi mulimage yuunye amalimo geenyo ngita kye twavalagiidze pa kutala. 12Apo musiivedza vaanu va kuhuuvila ifya vangi, kangi muhadza mwiwoneesa imigendele minofu pa miiho ga avasili vafuuwa.
Ukwadza kwa Mutwa Yesu
13Nye vafuuwa vayiisu! Tusiisaka musigale kitadzeela ulwa vafuuwa ávafuwe, ukuta mutane ukuhuguvala ndawuli avangi avangaya luhuuvilo. 14Uneefwe twifuuwa ukutigila, uYesu aafuwe, kangi aadzulubwike. Wiimila wa idzo twifuuwa ukutigila, uNguluvi ahadza akuvaleeta pamwinga nu Yesu vonda ávafuwe we vakumufuuwa uYesu.
15Pamwinga na idzo, tukuvalongela imbulanidzo dza Mutwa Yesu ukutigila, uneefwe ye twisigala tuli vuumi ukufikila pe alaadza uMutwa, tusilavalongolela avaafuwe. 16UMutwa yumwene aliika ukuhuma kukyanya nu lukemeelo ulunya lulagi, kangi isawuti ya munyamwandza umukomi, ni ya lukwalimba lwa Nguluvi lulaapulisa. Navo avaafuwe vámufuuviilwe uKilisiti, valaadzulubuswa tandi. 17Neke, uneefwe ye twisigala tuli vuumi pamwinga na ávadzulubwiswe, tulaanyamulwa kuhelela ku mafunde kukyanya kumwanukila uMutwa. Suwe tuliikalasaga nu Mutwa mbeepali. 18Lino mwinyaamadzage mu madzwi ago.
Currently Selected:
1 Vatesalonike 4: BEZ
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
1 Vatesalonike 4
4
Imiikalile gye akugyenda uNguluvi
1Lino vafuuwa vayiisu, mwíwulaniidze ukuhuma ukwesu kye lwisakulwa ukwikala nu kumukeeledza uNguluvi, ndakyene ndeeni kye mukwikala. Lino twinyilika nu kugongoola mu litaawa lya Mutwa Yesu ukutigila, mugendelage luulo nu kulutila. 2Pakuva mwidzeela indagiilidzo dziki dze twavapeeliye unyeenye mu wutawulilwe wa Mutwa Yesu.
3UNguluvi iikeela muvedzage viimike, nu kwiyefya mbandu mu miikalile gya wugoni. 4Nayula umwenyo iiwulanidzage ulwa kuvedza munya kwiwopa ulwa muvili gwakwe, mu migendele imiimike nu luginiyo. 5Mutanage ukwiyelulidza nu wudobofu wa mivili, ngita kye viilima avasili Vayahudi avasimudzeeliye uNguluvi. 6Mu ulo, umuunu ye avedzaga atanage ukumwangula umufuuwa muyagwe, enewuli ukumubuganidza, pakuva uMutwa Yesu alavapeela ulupedzo vonda aviilima idzo, ngita kye twavalongiye nu kuvawunga. 7Lwe lwene uNguluvi asatukemeeleliye imiikalile gya wugoni, nda haamu, atukemeeleliye imiikalile imiimike. 8Wiimila wa ulo, lino umuunu ye avedzaga ye iikaana imbulanidzo idzi, asikumukaana umuunu, nda haamu, iivedza akumukaana uNguluvi ye akuvapeela uMubepo uMwimike vaakwe.
9Lino, tungaya wugulume wa kuvasimbila unyeenye imola ya kwiyenda, pakuva múwulaniidzwe nu Nguluvi yumwene ukwiyenda. 10Ndakyene mwilima ewo, mukuveenda avafuuwa vayeenyo vonda mu mugoola gwa Makedoniya. Lino vafuuwa vayiisu, tukuvagongoola ukutigila, muginalidzage hiilo ukwiyenda. 11Mugimbage ukwikala mu lutengamaso, ukuloleela ingʼaani dzeenyo kitiiyingidza mu malimo ga vangi. Kangi mulimage yuunye amalimo geenyo ngita kye twavalagiidze pa kutala. 12Apo musiivedza vaanu va kuhuuvila ifya vangi, kangi muhadza mwiwoneesa imigendele minofu pa miiho ga avasili vafuuwa.
Ukwadza kwa Mutwa Yesu
13Nye vafuuwa vayiisu! Tusiisaka musigale kitadzeela ulwa vafuuwa ávafuwe, ukuta mutane ukuhuguvala ndawuli avangi avangaya luhuuvilo. 14Uneefwe twifuuwa ukutigila, uYesu aafuwe, kangi aadzulubwike. Wiimila wa idzo twifuuwa ukutigila, uNguluvi ahadza akuvaleeta pamwinga nu Yesu vonda ávafuwe we vakumufuuwa uYesu.
15Pamwinga na idzo, tukuvalongela imbulanidzo dza Mutwa Yesu ukutigila, uneefwe ye twisigala tuli vuumi ukufikila pe alaadza uMutwa, tusilavalongolela avaafuwe. 16UMutwa yumwene aliika ukuhuma kukyanya nu lukemeelo ulunya lulagi, kangi isawuti ya munyamwandza umukomi, ni ya lukwalimba lwa Nguluvi lulaapulisa. Navo avaafuwe vámufuuviilwe uKilisiti, valaadzulubuswa tandi. 17Neke, uneefwe ye twisigala tuli vuumi pamwinga na ávadzulubwiswe, tulaanyamulwa kuhelela ku mafunde kukyanya kumwanukila uMutwa. Suwe tuliikalasaga nu Mutwa mbeepali. 18Lino mwinyaamadzage mu madzwi ago.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.