Rut 1
1
Ti c'usi c'ot ta pasel xchi'uc xnich'nab ti Elimelec ta Moabe
1C'alal yorail pasbilic ta mantal ti israeletic yu'un ti buch'utic sva'anoj sbaic ta jpojvaneje, c'ot ta pasel ti lic muc' ta vi'nal ta sjunlej ti jteclum taje. Va'i un, oy jun vinic ti nacal ta Belén ti bat nacluc ta yosilal Moab, xchi'uc yajnil, xchi'uc cha'vo' xnich'on. 2Elimelec#Ti biil Elimeleque, “Ajvalil cu'un ti Diose”, xi ta xal smelol ti ta hebreo c'ope. sbiinoj ti vinic taje. Noemí sbiinoj ti yajnile. Sbiic ti cha'vo' xnich'nabe, Mahlón sbi#Ti biil Mahlone, “uni chamel no'ox xa'i sba”, xi ta xal smelol ti ta hebreo c'ope. ti june, Quelión sbi#Ti biil Quelione, “teytic no'ox yilel”, xi ta xal smelol ti ta hebreo c'ope. ti xchibale. Scotolic efrateoetic#1 Cr 4.4. ta x'albatic, liquelic ech'el ta Belén, ti c'ot nacliicuc ta Moabe.
3C'ot ta pasel cham ti Elimeleque, smalal ti Noemie, ti stuc xa com xchi'uc ti cha'vo' squereme. 4Ta sjalil to un, ti queremetique laj yiq'uic chib moabita antsetic. Orfa sbiinoj ti june. Rut sbiinoj ti xchibale. Chamic ti queremetic c'alal slajunebal (10) xa jabil yic'oj sbaique. 5Cham ti Mahlone xchi'uc ti Quelione, xch'ul tuc xa com ti Noemie, mi ja'uc xa junuc ti squeremtaque, mi ja'uc ti smalale.
Ti Noemie xchi'uc ti Rute ta xbatic ta Belén
6Oy jun c'ac'al, ti Noemie laj ya'i ti ta xich' alel ta Moabe, ti c'uxubaj yo'nton yu'un steclumal ti Diose. C'ot xa yorail laj spajes vi'nal ti yacal to oxe. 7Va'i un, c'ot ta nopel yu'un ti ta sut batel ta Judae. Loc' batel ti bu nacalique. Nabal batic ec ti cha'vo' yalibe. 8C'alal stamoj xa batel ti sbeique, xi laj yalbe ti yalibtaque:
—Batanic, sutan batel ta anaic bu oy ti ame'ique. Ac'o sva'an sba ta xc'uxubineloxuc ti Diose jech c'u cha'al laj apasic ta jtojole, xchi'uc ti calabe. 9Ac'o yac' ye sti' ti malijanique yo' jech xamuyubajic, ta xac'otic ta jun naclej.
Laj taj une, lic buts'vanuc ti Noemie yo' jech ta xch'ac sbaic. Ja'uc ti tsebetic une, x'oq'uic xa liquel 10ti xi lic yalique:
—¡Mi ja'uc un, yu'un ta xibatcutic ta alumal ec!
11Xi lic yalolan ti Noemie:
—Ja' lec, sutanic batel, jtsebtac. ¿C'usi la ta xabalinic ta xbat achi'inicun? Yu'un mi ja'uc xa ta xquil yan jqueremtac ti xu' to ta xlic avic' abaic xchi'uque. 12Xan me ach'aic, sutanic batel ta anaic. Yu'un laj xa sc'oplal ma' ti ta stsebaj ti o'ntonal ta malijele, yu'un me'elun xa. Ac'o mi yaluc o ti o'ntonal ta ximalije, ti xc'ot ta pasel ti ac'ubaltic tana li'e ti ta xquil ti jqueremtaque, 13¿mi yu'un amalojic la un ta spasic ta vinic yo' jech ta xavic' abaic xchi'uque? ¿Mi yu'un ja' to ta xlic malijanic ti ta xamalaique? Ma'uc jech ma' taje, jtsebtac, mi ja'uc jech ta j'ech'el. Yu'un mu x'ech' xjelav laj jta jvocol yu'un ti Diose. X'ech to no'ox xtoc ta xi'och ta vul o'nton ta j'ech'el c'alal ta xquil ti avocolique.
14X'oq'uic xa liquel yan velta. Ja'uc le' une, ti Orfae#Ti biil Orfae, “sna' xvalopatinvan comel”, xi ta xal smelol ti ta hebreo c'ope. lic sbuts' comel ti sme'alibe, laj xch'ac sbaic. Yan ti Rute#Ti biil Rute, “mu sna' syanijes sjol sbaquil”, xi ta xal smelol ti ta hebreo c'ope. comic xchi'uc ti sme'alibe. 15Va'i un, ti Noemie xi laj yalbee:
—Q'uel avil ti avit'ixe ta sut xa batel ta slumal ta stojol ti sdiostaque. Chi'ino batel ec un.
16Ja'uc le' une, xi tac'bat yu'un ti Rute:
—Mu xavalbun ti ta xaquictaote, ti ta jch'ac jbatique. Yu'un nabal ta xibat ti bu ta xabate. Ta xinaqui ti bu ta xanaquie. Ta jlumalin ti alumale. Ta xc'ot ta jDios ti aDiose. 17Ti bu ta xac'ot ta chamel ta lajele, tey c'otcun ta chamel ta lajel ec, ti ac'o quich' muquel ti bu taje. Tsotsuc xistsitsun ti Diose mi naca no'ox que jti' ta xcal ti mu'yuc ta jch'ac jba ti mi ma'uc ta scoj ti chamel lajele.
18C'alal laj yil ti Noemí ti yut yo'nton ta xchi'invan batel ti Rute, mu'yuc xa c'usi laj yalolanbe. 19Va'i un, xchibalic laj stam batel sbeic, ja' to ti c'uxi c'otic ta Belene.
C'alal ochic batel ta jteclum Belene, xvoletic ta q'uelvanej scotol ti jnaclejetique, ti xi ta xalolanbe sbaic ti antsetique:
—¿Mi mu ja'uc ti Noemí le'e?
20Xi ta xtac'olanbatic sutel yu'un ti stuque:
—Mu xa xavalbeicun Noemí,#Ti biil Noemie, “xlajet co'nton”, xi ta xal smelol ti ta hebreo c'ope. albeicun xa no'ox Mará,#Ti biil Marae, “ch'a”, xi ta xal smelol ti ta hebreo c'ope. yu'un ti Dios ti scotol xu' yu'une, mu albajuc laj jta ti jvocol yu'une. 21C'alal liloc' batel li'e, mu'yuc c'usi jna'. Avi tana une, jeche' xa jmeyoj sutel tal ti coc jc'obe. Yu'un jech c'ot ta nopel yu'un ti Diose. ¿C'u cha'al ta xavalbeicun Noemí, c'alal ti Dios ti scotol xu' yu'une laj xa slamanbun ta jba ti vocole?
22Ja' jech c'ot ta pasel c'alal loc' batel ta Moab ti Noemie, xchi'uc ti jun yalib ti Rut sbie, ja' ti jun moabita antse. C'otic ta Belén ti ja' o xa yorail ta xlic yich' tsobel ti jchop o ta trigoe.#Ti cebada ti xie, ja' tos o ta trigo.
Currently Selected:
Rut 1: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000