Apocalipsis 1
1
Ti c'u s'elan laj yac' ta ilel ti Jesucristoe
1Ti jpoc vun ts'ibabil li'e, ja' sc'oplal ti oy c'usi ac'bat sna' ti Jesucristo yu'un ti Diose, yo' jech ti Jesucristoe ta xac'be sna' ti yajtuneltac ti c'usi jutuc xa sc'an ta xc'ot ta pasele. Ti Jesucristo eque laj stac talel yaj'ánjel yo' tal yac'be sna' ti Juan ti yajtunele. 2Jech ti Juan eque, jamal laj yal scotol ti c'usi laj yile, yu'un ja' rextico yu'un ti sc'op Dios ti laj svinajes ti Jesucristoe.
3Jun no'ox yutsil ti buch'utic ta sq'uelic ti vun li'e, xchi'uc ti buch'utic ta xchiquintaic ta ya'yiel ti c'u s'elan ta scaj'al ti ch'ul c'op li'e, ti ta xich'ic ta muc' ti c'u s'elan li' ts'ibabil ta jpoc vune, yu'un jutuc xa sc'an ta xc'ot ta pasel ti c'usi yaloj ti Diose.
Ti Juane ta sts'iba batel svun ta stojol ti vuc-chop tsobobbaile
4Vu'un Juan ta jts'iba batel ti jvun ta stojol ti vuc-chop tsobobbail ti oy ta Asia banomile. Ich'beic slequilal yutsilal xchi'uc slamajemal yo'nton ti Diose, ti ja' ono'ox Dios avi tana li'e, ti ta vo'ne talele, ti oy sc'oplal ta xtale,#Ex 3.14. xchi'uc ta sventa ti Ch'ul Espíritu ti oy vuctos ti stalel ti bu oy ta spas mantal ti Diose,#Ap 4.5; Is 11.2. 5xchi'uc ta sventa ti Jesucristoe, ti Buch'u j'ech'el laj sva'an sba ta rextico ti c'usi ta xale,#Is 55.4. xchi'uc ti Buch'u ja' ba'yel cha'cuxie,#Hch 26.23; Col 1.18. ti oy ta yoc ta sc'ob ti ajvaliletic li' ta banomile.#Sal 89.27. Yu'un laj xc'uxubinotic ti Cristoe, laj spocbotic jmultic ta sventa laj smal ti xch'ul ch'ich'ele. 6Yu'un ta sventa Cristo, lijc'ot ta ajvalil, ta pale yo' jech ta xijtun ta stojol ti Diose, Stot ti Cajvaltic Jesucristoe.#Ex 19.6; Ap 5.10; 20.6. Jechuc o sbatel osil, ich'biluc ta muc' ti slequil yutsile, ti smuc'ul stsatsale. Jechuc.
7Ti Jesucristoe ta xtal ta ba toc.#Dn 7.13; Mt 24.30; Mr 13.26; Lc 21.27; 1 Ts 4.17.
Scotolic ta xilic,
ta xilic ec ti buch'utic laj sjipanic ta curuse.#Zac 12.10; Jn 19.34,37.
Ti jujun lum ti oyic ta sjoylej banomile ta x'oq'uic c'alal ta xilic ta xtale.#Zac 12.10; Mt 24.30.
Jech ono'ox ta xc'ot ta pasel. Jechuc.
8Ti Cajvaltic Dios ti scotol xu' yu'une, ti ja' ono'ox Dios avi tana li'e, ti ta vo'nee, ti oy sc'oplal ta xtale,#Is 41.4; 44.6; Ap 1.17; 22.13. xi ta xale:
—Vu'un ti sliqueb spajebe.#Ex 3.14.
Ti Juane laj yil jun yutsil ti Cristoe
9Vu'un Juan, jchi'il jbatic, jmoj ta xquich' jvocoltic ta sventa ti jmoj laj jtatic ventainel yu'un ti Diose, xchi'uc jmoj ta xac'botic yip co'ntontic ti Jesucristoe. Ti vu'une tiq'uilun ta chuquel ta Patmos banomil ti joyobtabil ta nab ta sventa ti ta xcal ti ch'ul c'op yu'un Dios ti laj yac'bun jna' ti Jesucristoe. 10C'alal sc'ac'alil yich'el ta muc' ti Cajvaltique, ja' o liventainat yu'un smuc'ul stsatsal ti Ch'ul Espiritue, xchi'uc laj ca'i oy Buch'u tsots c'opoj talel ta jpat ti co'ol s'elan yech'omal snuc' ti corneta 11ti xi laj yalbune:
—Ti c'u s'elan ta xavile, ts'ibao ta jpoc vun. Taco batel ta stojol ti vuc-chop tsobobbail ti oy ta Asia banomile: ti Efesoe, ti Esmirnae, ti Pérgamoe, ti Tiatirae, ti Sardise, ti Filadelfiae, xchi'uc ti Laodiceae.
12Lijoybij ta sq'uelel batel ti Buch'u ta xisc'opone. Ti c'alal jech laj jpase, laj quil vucub yavil cantila ti naca meltsanbil ta oroe. 13Ta o'lol ti bu oy ti vucub yav cantilae, laj quil ti oy Buch'u va'al ti xco'olaj jech c'u cha'al xchi'uc vinic,#Dn 7.13. c'otem c'alal to lumtic ti yoc sc'u' slapoje, xchi'uc c'otem ta sti' yo'nton ti oro chuquil xchuquinoje.#Dn 10.5. 14Ti stsotsil sjole, sac ta j'ech'el jech c'u cha'al ti saquil tsotse,#Dn 7.9. mi jech c'u cha'al ti saquil bote, co'ol s'elan leb c'oc' yilel ti sbec' sate. 15Ti yoque xojobin no'ox yutsil jech c'u cha'al ti ch'ulbil tsatsal c'anal taq'uin ti laj yich' ch'ulel ta c'oq'ue.#Dn 10.6. Ti sc'opojel xtoque co'ol s'elan yech'omal epal uc'umetic.#Ez 1.24; 43.2. 16Ti ta sbats'i c'obe stsacoj vucbej c'anal. Ja' jech xtoc co'ol s'elan jich'il espada yich'oj cha'jot ye ta xloc' talel ta ye. Sjunul ti sate co'ol s'elan xojobal c'ac'al ti c'alal tsots xnobet ti xojobale.
17C'alal jech laj quile, co'ol s'elan chamem liyal ta lum ta sts'el yoc. Ja'uc ti stuque laj scajan talel sbats'i c'ob ta jtojol ti xi laj yalbune:
—Mu xaxi', yu'un vu'unun ti sliqueb spajebe.#Is 41.4; 44.6-8; 48.12; Ap 1.8; 2.8; 22.13. 18Vu'un ti stalel cuxulune. Licham to ox, avi tana une, cuxulun sbatel osil, yu'un oy xa ta coc ta jc'ob syavial ti lajebale, xchi'uc ti bu ta xbatic ti animaetique. 19Ts'ibao ta jpoc vun ti c'usi laj xa avile, ti c'usi syaquil ta xc'ot ta pasele, xchi'uc ti c'usi ta to xc'ot ta pasele. 20Le'e, xi smelol ma' ti vucub c'anal ti jtsacoj ta jbats'i c'ob laj avile, xchi'uc ti laj avil ti vucub yavil cantila meltsanbil ta oroe: ti vucbej c'anale, ja' sc'oplal ti buch'u sventainojic ti vuc-chop tsobobbaile. Ti vucub yavil cantile, ja' sc'oplal ti vuc-chop jch'unolajeletique.
Currently Selected:
Apocalipsis 1: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000