1 Crónicas 1
1
Snitilultac ti Adane
(Gn 5.1-32)
1-4Snitilultac ti Adane, ja' ti Sete, ti Enose, ti Cainane, ti Mahalaleele, ti Jarede, ti Enoque, ti Matusalene, ti Lameque, ti Noe.
Snitilultac ti Noe
(Gn 10.1-32)
Xnich'nab ti Noee, xi s'elan oye: ti Seme, ti Came, xchi'uc ti Jafete.
5Xnich'nab ti Jafete, xi s'elan lic ayanuque: ti Gomere, ti Magoge, ti Madaie, ti Javane, ti Tubale, ti Meseque, xchi'uc ti Tirase. 6Xnich'nab ti Gomere, xi s'elan lic ayanuque: ti Asquenaze, ti Rifate, xchi'uc ti Togarmae. 7Xnich'nab ti Javane, xi s'elan lic ayanuque: ti Elisae, ti Tarsise, ti Quitime, xchi'uc ti Rodanime.
8Xnich'nab ti Came, xi s'elan lic ayanuque: ti Cuse, ti Mizraime, ti Fute, xchi'uc ti Canaane. 9Xnich'nab ti Cuse, xi s'elan lic ayanuque: ti Sebae, ti Havilae, ti Sabtae, ti Raamae, xchi'uc ti Sabtecae. Ja'uc xnich'nab ti Raamae, xi s'elan oye: ti Sebae, xchi'uc ti Dedane. 10Nich'naj ti Cuse, Nimrod laj yac'be sbi, ti sba to no'ox vinaj ti ja' jun vinic ti tsots xu' yu'un ti ech' ta banomile.
11Ta stojol Misraim ayanic ti ludeoetique, ti anameoetique, ti lehabitaetique, ti naftuhitaetique, 12ti patruseoetique, ti casluhitaetique, xchi'uc ti caftoritaetique, ti bu ayan talel sts'unubal ti filisteoetique.
13Nich'naj ti Canaane, Sidón sbi ti sba xnich'one, xchi'uc laj to yil yan ti Het laj yac'be sbie. 14-16Ta stojolal ti Canaane, lic talel sts'unubalic ti jebuseoetique, ti amorreoetique, ti gergeseoetique, ti heveoetique, ti araceoetique, ti sineoetique, ti arvadeoetique, ti zemareoetique, xchi'uc ti hamateoetique.
17Xnich'nab ti Seme, xi s'elan lic ayanuque: ti Elame, ti Asure, ti Arfaxade, ti Lude, xchi'uc ti Arame. Ti xnich'nab ti Arame, ja' ti Uze, ti Hule, ti Guetere, xchi'uc ti Mase. 18Nich'naj ti Arfaxade, Sala laj yac'be sbi. Nich'naj ti Salae, Heber laj yac'be sbi. 19Ti Hebere laj yil chib xnich'on ti xi s'elan lic ayanuque: ti sba xnich'one, Peleg laj yac'be sbi, yu'un ja' o voc' ti c'alal yorail ta xch'ac sbaic ti jnaclejetic ta banomile. Yits'in ti Pelege, Joctán laj sbiin. 20-23Xnich'nab ti Joctane, ja' ti Almodade, ti Selefe, ti Hasar-mavete, ti Jerahe, ti Hadorame, ti Uzale, ti Diclae, ti Obale, ti Abimaele, ti Sebae, ti Ofire, ti Havilae, xchi'uc ti Jobabe. Scotolic taje, ja' xnich'nab ti Joctane.
Snitilultac ti Seme
(Gn 11.10-26)
24-27Snitilultac ti Seme, ja' ti Arfaxade, ti Selahe, ti Ebere, ti Pelege, ti Reue, ti Seruge, ti Nahore, ti Terahe, xchi'uc ti Abram ti lic sbiin Abrahame.
Snitilultac ti Ismaele xchi'uc ti Queturae
(Gn 25.1-6,12-18)
28Nich'naj ti Abrahame, xi s'elan lic ayanuque: ti Isaaque, ti Ismaele. 29-31Nich'naj ti Ismaele, xi s'elan lic ayanuque: Nebaiot ti sba xnich'one, tal ec ti Cedare, ti Abdeele, ti Mibsame, ti Mismae, ti Dumae, ti Masae, ti Hadade, ti Temae, ti Jeture, ti Nafise, xchi'uc ti Cedemae. Taje, ja' xnich'nabtac ti Ismaele.
32Yalabtac ti Cetura sts'acal ajnil ti Abrahame, xi s'elan lic ayanuque: ti Zimrame, ti Jocsane, ti Medane, ti Madiane, ti Isbaque, xchi'uc ti Suae. Nich'naj ti Jocsane, xi s'elan lic ayanuque: ti Sebae, ti Dedane. 33Nich'naj ti Madiane, xi s'elan lic ayanuque: ti Efae, ti Efere, ti Hanoque, ti Abidae, xchi'uc ti Eldaae. Scotolic taje, ayanic talel ta stojol ti Ceturae.
Snitilultac ti Esaue
(Gn 36.1-43)
34Nich'naj ti Abrahame, Isaac laj sbiin. Nich'naj ti Isaaque, xi s'elan lic ayanuque: ti Esaue, ti Israele. 35Nich'naj ti Esaue, xi s'elan lic ayanuque: ti Elifaze, ti Reuele, ti Jeuse, ti Jaalame, xchi'uc ti Coree. 36Nich'naj ti Elifaze, xi s'elan lic ayanuque: ti Temane, ti Omare, ti Zefoe, ti Gatame, xchi'uc ti Quenaze. Ta sventa ti Timnae, laj to yil ti Amaleque. 37Nich'naj ti Reuele, xi s'elan lic ayanuque: ti Nahate, ti Zerae, ti Samae, xchi'uc ti Mizae.
38Nich'naj ti Seire, xi s'elan lic ayanuque: ti Lotane, ti Sobale, ti Zibeone, ti Anae, ti Disone, ti Ezere, xchi'uc ti Disane. 39Nich'naj ti Lotane, xi s'elan lic ayanuque: ti Horie, ti Hemame. Yan ti Timnae, ja' xchi'il ta voq'uel ti Lotane. 40Nich'naj ti Sobale, xi s'elan lic ayanuque: ti Alvane, ti Manáhate, ti Ebale, ti Sefoe, ti Oname. Nich'naj ti Zibeone, ti xi s'elan lic ayanuque: ti Ajae, ti Anae. 41Ti Disone, ja' stot ti Anae. Nich'naj ti Disone, xi s'elan lic ayanuque: ti Hemdane, ti Esbane, ti Itrane, ti Querane. 42Nich'naj ti Ezere, xi s'elan lic ayanuque: ti Bilhane, ti Zaavane, ti Jaacane. Nich'naj ti Disane, xi s'elan lic ayanuque: ti Uze, ti Arane.
43Ti va'i yepalic li'e, xi xcholet laj ech'icuc ta ajvalilal yu'un Edom ti c'alal mu'yuc to ox oy ajvalil yu'un ti israeletique: ti Bela xnich'on ti Beore, ti Dinhaba sbi ti slumale. 44C'alal cham ti Belae, lic ochuc ta ajvalilal ti Jobab xnich'on ti Zerae, ti liquel talel ta lum Bosrae. 45C'alal cham ti Jobabe, lic ochuc ta ajvalilal ti Husame, ti liquel talel ta yosilal ti Temane. 46C'alal cham ti Husame, lic ochuc ta ajvalilal ti Hadad xnich'on ti Bedade. Ti Hadade cuch yu'un ta stsalel ti Madián ta yosilal ti Moabe, ti sbiinoj Avit ti slumale. 47C'alal cham ti Hadade, lic ochuc ta ajvalilal ti Samlae, ti liquel talel ta lum Masrecae. 48C'alal cham ti Samlae, lic ochuc ta ajvalilal ti Saule, ti liquel talel ta lum Rehobot ta nopol ti' uc'um oye. 49C'alal cham ti Saule, lic ochuc ta ajvalilal ti Baal-hanan xnich'on ti Acbore. 50C'alal cham ti Baal-hanane, lic ochuc ta ajvalilal ti Hadade, ti sbiinoj Pau ti steclumale. Sbi yajnil ti Hadade, Mehetabel yantsil nich'on ti Matrede, smom xtoc ti Mezaabe.
51-54C'alal cham xa ox ti Hadade, xi s'elan ma' ti buch'utic laj ech'icuc ta banquilaletic ta Edome: ti Timnae, ti Alvae, ti Jetete, ti Oholibamae, ti Elae, ti Pinone, ti Quenaze, ti Temane, ti Mibsare, ti Magdiele, xchi'uc ti Irame. Taje, naca banquilaletic ti laj ech'icuc ta Edome.
Currently Selected:
1 Crónicas 1: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000