Nchipo na Solomoni 4
4
Musombwe
1We ookondiwaaka, wooreera,
ngoona namwalliwe, wooreeresesa.
Otulli wa ekuwaawo yookhuneellana ekhove,
miitthwaawo ennareera wonanko ekhunda.
Meehaawo tti ooripa mooreera
wonanko epuri ddinakitthella
o miyaango dda o Giliyadi.
2Miinwaawo tti aweella wonanko enkhosa ddoochemiwa,
wonanko enkhosa ddoovenyera wene woohapihiwa.
Miino mattheene tti ookumanella phaama,
kheviri nihonga naari nimodda.
3Eyanwaawo tti yooreeresesa
wonanko olusi woofiira,
Otulli wa ekuwaawo yookhuneellana ekhove,
maramaawo ennawala.
4Nikohi nawo niri
wonanko nttattha na Davide,
tti noorekama ni noowullukeya.#4.4 noorekama ni noowullukeya: Mawu yaalla mu Eheberi kheniiweya phaama.
Nohaapheelliwa ni emphete
wonanko ezishango 1,000.
5Mapellaawo tti wonanko amphoyo eelli,
wonanko aanapattha a epaalla,
enacha variyari va malluwa.
6Ophiyera ohinase,
epiphi ethawille,
kithamakella mwaango wa mure,*
ni mutunda wa lubani.*
7We ookondiwaaka, wooreera,
namwalliwe khonna naari nipamba.
8Mwaaraka, nivenyewo o Lebanoni wuno,
hanko nivenyewo o Lebanoni wuno.
Okitthevo otthoka va mwaango wa Amana,
va mwaango wa Seniri ni wa Heremoni.
Ovenyemo m'makhunguni a mikango,
ovenyewo omiyaangoni dda a nanthavi.
9Wookitthomolla murima, we murokoraka, mwaaraka.
Wookikusa murima ni mawehello a miitthwaawo,
ni mmodda mwa ogufu wa munikohini mwawo.
10Echikondaawo tti yooddiva mwawiidde
omukhwaranya vinyo, we murokoraka, mwaaraka!
Makhuraawo tti awunkhella mwawiidde
okhwaranya ddawunkhella ddimodda ddittheddene!
11Eyanwaawo tti yoonang'aneya
wonanko enwi, we mwaaraka.
Maaddi a enwi ni mukaka
ddiri vatthi va nllumi nawo.
Wunkhella wa ddoowara ddawo ori
wonanko wunkhella wa o Lebanoni.
12Murokoraka, mwaaraka, tti emata ya mpanda,
tti neetuutu ooteteziwa, ehime yookhuneelliwa.
13Embewu ddawo ddinnahakallalla phaama.
Emateene wonanko ya ezipaso ddamakangaza,
ya ezipaso ddooddiva, ddawunkhella ddoohiyanahiyana.
14Wookhalla miteekho ni makukhu oohiyanahiyana,
oopotokosella ddawunkhellesesa.
15Tti wonanko neetuutu oohellella emata,
wonanko ehime ya maaddi ookumi,
wonanko mihinje dda maaddi dda o Lebanoni.
Namwalli
16Venya, we ephevo ya ompoto,
owe wuno, we ephevo yoomwera.
Woope m'matani mwaka,
wunkhellesesa wiwa okwakhwanelle viriveveko.
Ookondiwaaka avollowe m'matani mwaye,
ache ezipaso ddaye ddoonang'aneya.
Currently Selected:
Nchipo na Solomoni 4: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Nchipo na Solomoni 4
4
Musombwe
1We ookondiwaaka, wooreera,
ngoona namwalliwe, wooreeresesa.
Otulli wa ekuwaawo yookhuneellana ekhove,
miitthwaawo ennareera wonanko ekhunda.
Meehaawo tti ooripa mooreera
wonanko epuri ddinakitthella
o miyaango dda o Giliyadi.
2Miinwaawo tti aweella wonanko enkhosa ddoochemiwa,
wonanko enkhosa ddoovenyera wene woohapihiwa.
Miino mattheene tti ookumanella phaama,
kheviri nihonga naari nimodda.
3Eyanwaawo tti yooreeresesa
wonanko olusi woofiira,
Otulli wa ekuwaawo yookhuneellana ekhove,
maramaawo ennawala.
4Nikohi nawo niri
wonanko nttattha na Davide,
tti noorekama ni noowullukeya.#4.4 noorekama ni noowullukeya: Mawu yaalla mu Eheberi kheniiweya phaama.
Nohaapheelliwa ni emphete
wonanko ezishango 1,000.
5Mapellaawo tti wonanko amphoyo eelli,
wonanko aanapattha a epaalla,
enacha variyari va malluwa.
6Ophiyera ohinase,
epiphi ethawille,
kithamakella mwaango wa mure,*
ni mutunda wa lubani.*
7We ookondiwaaka, wooreera,
namwalliwe khonna naari nipamba.
8Mwaaraka, nivenyewo o Lebanoni wuno,
hanko nivenyewo o Lebanoni wuno.
Okitthevo otthoka va mwaango wa Amana,
va mwaango wa Seniri ni wa Heremoni.
Ovenyemo m'makhunguni a mikango,
ovenyewo omiyaangoni dda a nanthavi.
9Wookitthomolla murima, we murokoraka, mwaaraka.
Wookikusa murima ni mawehello a miitthwaawo,
ni mmodda mwa ogufu wa munikohini mwawo.
10Echikondaawo tti yooddiva mwawiidde
omukhwaranya vinyo, we murokoraka, mwaaraka!
Makhuraawo tti awunkhella mwawiidde
okhwaranya ddawunkhella ddimodda ddittheddene!
11Eyanwaawo tti yoonang'aneya
wonanko enwi, we mwaaraka.
Maaddi a enwi ni mukaka
ddiri vatthi va nllumi nawo.
Wunkhella wa ddoowara ddawo ori
wonanko wunkhella wa o Lebanoni.
12Murokoraka, mwaaraka, tti emata ya mpanda,
tti neetuutu ooteteziwa, ehime yookhuneelliwa.
13Embewu ddawo ddinnahakallalla phaama.
Emateene wonanko ya ezipaso ddamakangaza,
ya ezipaso ddooddiva, ddawunkhella ddoohiyanahiyana.
14Wookhalla miteekho ni makukhu oohiyanahiyana,
oopotokosella ddawunkhellesesa.
15Tti wonanko neetuutu oohellella emata,
wonanko ehime ya maaddi ookumi,
wonanko mihinje dda maaddi dda o Lebanoni.
Namwalli
16Venya, we ephevo ya ompoto,
owe wuno, we ephevo yoomwera.
Woope m'matani mwaka,
wunkhellesesa wiwa okwakhwanelle viriveveko.
Ookondiwaaka avollowe m'matani mwaye,
ache ezipaso ddaye ddoonang'aneya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.