Oollalleya 12
12
1Sika omuupuwelleke Oophatusaawo#12.1 Oophatusaawo: Mawu a Eheberi awi Oophatusaawo eniiweya wonanko mawu a Eheberi awi mahamaawo. mu mallapo eesombwaawo mallapo oonanara ehinaphiye, ddihinaphiyettho miyakha nnddo onaallotekeewe wi, “Okumi khonakihakallalliha.” 2Enthawi ya wuulluvalla wawo nndduwa, owala, mweeri ni etheneeri ddinaakhalle epiphi nave mirapo ddineerohokollowattho murimu amwarille. 3Vano oowehera enyumbaawo eneerotthukumella, allopwana amasiva eneerofooka, oosilla aweerengeya kheworaka ottakhuna nave ootthurumella vaniwindoni eneeroripihiwa.#12.3 Vano…eneeroripihiwa: apaalle Vano meto ddawo, oowehera enyumbaawo, eneerotthukumella nave mattaawo, allopwana amasiva, eneerofooka. Miinwaawo, oosilla aweerengeya, kheworaka ottakhuna nave miitthwaawo, ootthurumella vaniwindoni, eneeroripihiwa. 4Millako dda m'musewuni ddineerotiyelleya, kheddiiwaka otthitta wa veerawini apaalle winlla wa epallame ohinase. 5Oneerekewoova oya mapuro oowella nave weeta onaakhalle wawoopiha. M'muruni mwawo muneeromella embwi nave oneerokolephela wiithunya m'musewuni navettho osilila oneerewuumallella. Attheene nineeroya ninaakhallekeehuwo mallapo oohimalla nave narowa vineerokhalla winlla m'misewuni. 6Vano mukwe wasiliva oneerophaddeya, embale yagolide eneerokaddeya, muno oneeropweseyella odduuddi nave mukwe oneerophaddeyella wiihimeni. 7Vano mwiilli oneerohokollweella mu ethaya wonanko wakhallelliiwa. Munepa oneerohokollweella wa Mulluku mwaneena oyo awuvelleellille.
8“Ddittheddene khaddinna mutteko. Ddawoona, ddittheddene khaddinna mutteko!” Anallota tti Oollalleya.
Omoova Mulluku ni osunga malamulo
9Woonjerera va wi oollalleya aari eezeru, ahaahuddiha athu anchichi. Aanaganizera ddawaashaasha ni otthopoolla malangizo moopwatha phaama. 10Oollalleyooyo aanaashaasha mawu oophara murima nave ahaalemba mawu awoona ni oolungama. 11Mawu a athu eezeru tti wonanko ekopo ddoohoollella nave ddoollota ddiwa ddiri wonanko misomali ddookhomiwa moollipa. Ddoollota ddiwa ddittheddene anavelleella tti Mbusa mmodda.
12Mwanaka, chenjera ni erive ello yookhwaranya vaava. Olemba mabukhu khonamalla nave ohuddera wunchichi onnatopiha mwiilli.
13Voomallihani, ddittheddene ddillotiwe tti ddawi omooveke Mulluku nave osungeke malamulwaaye vawi yeella sika yoophwanella weera muthu. 14Vallethi Mulluku aneereweeruza ddittheddene ddaweereya, ddaphaama apaalle ddoonanara naari ni ddoovittheya ddene.
Currently Selected:
Oollalleya 12: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Oollalleya 12
12
1Sika omuupuwelleke Oophatusaawo#12.1 Oophatusaawo: Mawu a Eheberi awi Oophatusaawo eniiweya wonanko mawu a Eheberi awi mahamaawo. mu mallapo eesombwaawo mallapo oonanara ehinaphiye, ddihinaphiyettho miyakha nnddo onaallotekeewe wi, “Okumi khonakihakallalliha.” 2Enthawi ya wuulluvalla wawo nndduwa, owala, mweeri ni etheneeri ddinaakhalle epiphi nave mirapo ddineerohokollowattho murimu amwarille. 3Vano oowehera enyumbaawo eneerotthukumella, allopwana amasiva eneerofooka, oosilla aweerengeya kheworaka ottakhuna nave ootthurumella vaniwindoni eneeroripihiwa.#12.3 Vano…eneeroripihiwa: apaalle Vano meto ddawo, oowehera enyumbaawo, eneerotthukumella nave mattaawo, allopwana amasiva, eneerofooka. Miinwaawo, oosilla aweerengeya, kheworaka ottakhuna nave miitthwaawo, ootthurumella vaniwindoni, eneeroripihiwa. 4Millako dda m'musewuni ddineerotiyelleya, kheddiiwaka otthitta wa veerawini apaalle winlla wa epallame ohinase. 5Oneerekewoova oya mapuro oowella nave weeta onaakhalle wawoopiha. M'muruni mwawo muneeromella embwi nave oneerokolephela wiithunya m'musewuni navettho osilila oneerewuumallella. Attheene nineeroya ninaakhallekeehuwo mallapo oohimalla nave narowa vineerokhalla winlla m'misewuni. 6Vano mukwe wasiliva oneerophaddeya, embale yagolide eneerokaddeya, muno oneeropweseyella odduuddi nave mukwe oneerophaddeyella wiihimeni. 7Vano mwiilli oneerohokollweella mu ethaya wonanko wakhallelliiwa. Munepa oneerohokollweella wa Mulluku mwaneena oyo awuvelleellille.
8“Ddittheddene khaddinna mutteko. Ddawoona, ddittheddene khaddinna mutteko!” Anallota tti Oollalleya.
Omoova Mulluku ni osunga malamulo
9Woonjerera va wi oollalleya aari eezeru, ahaahuddiha athu anchichi. Aanaganizera ddawaashaasha ni otthopoolla malangizo moopwatha phaama. 10Oollalleyooyo aanaashaasha mawu oophara murima nave ahaalemba mawu awoona ni oolungama. 11Mawu a athu eezeru tti wonanko ekopo ddoohoollella nave ddoollota ddiwa ddiri wonanko misomali ddookhomiwa moollipa. Ddoollota ddiwa ddittheddene anavelleella tti Mbusa mmodda.
12Mwanaka, chenjera ni erive ello yookhwaranya vaava. Olemba mabukhu khonamalla nave ohuddera wunchichi onnatopiha mwiilli.
13Voomallihani, ddittheddene ddillotiwe tti ddawi omooveke Mulluku nave osungeke malamulwaaye vawi yeella sika yoophwanella weera muthu. 14Vallethi Mulluku aneereweeruza ddittheddene ddaweereya, ddaphaama apaalle ddoonanara naari ni ddoovittheya ddene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.