Cantares 1
1
1Najo ná'maq paguec loyac quena lo'ueenqaipi so Salomón.
'Naac aso 'aalo
2¡Ñaq yqo'goqe'!
Paguec lo'daxa quena lataxa quena' yiñiiquishiñi'sac,
3lo'daxaqui'chiguit da lahita na nocoraxachi',
da qadeenaxachi' coraxat corauec lo'daxaraic lahita.
¡Vichiguiño' qanqo'ta qami' quena 'aallipi!
4¡Qaỹaloq yi'xachi'!
¡Qami' ỹashi, yaviquira'alo caua qauotochi'!
'Naac so liỹa 'aallipi
Ñitoonqatac ma' ñaqatqata'guit qami';
paguec so'leentaqataque ma'le da neneequesenaxaqui' quena lataxa.
¡Chaxaso' ma' nqo'ta qami' na 'aallipi!
'Naac aso 'aalo
5Qamiri 'aallipi quena Jerusalén,
ỹim huerai, qam ỹim lo'yaxana;
huerai 'nejme' naua co'matqate' quiyi 'laua Cedar,
lo'yaxana 'ec na no'ueetaxat ñi lauo' lasom so Salomón.
6Totaxan ra'iigui dá'maq quiyim ỹim huerai,
ma' yavigaxat añi ra'aasa.
Na iqaỹaripi ro'iiua',
ca' yilarelec quiyim seloqota'a yi 'uva loma',
¡ca' se squelola yí'maq ỹaatqajam ỹanaxanqa'!
7Vite, ca 'ñirapiguiỹa' qami' lqo'itaxat da ñachaalataxac,
¿hua'gue ca reloxoiqachi' cana qalo'e' qagreta?,
¿hua'gue ca nco'matqa' nqai'ñi' quiyi na'xa'a lavinñi?
Ma' ¿chi'negue queta' 'ec so'meetegueri' quena laloipi na nauegaxauachi'ipi?
'Naac so liỹa 'aallipi
8Ma' qami' paguec lo'yaxana quena lo'yaxanaipi,
no'm sqa 'yiiñi' ca hua'gue,
ca' quiisa'pegue' ca taỹa'gue na qagretaipi,
chaqai qui'ỹaxañi'sac na qalo'e' quetaq llaalqaipi
quiyi leseeque'ta na lauo' na'daañi na neloxoỹaripi.
Currently Selected:
Cantares 1: MCV91
Highlight
Share
Copy
Want to have your highlights saved across all your devices? Sign up or sign in
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.