Miqueas 1
1
Da nouaxanaxaset yi Samaria quiñi qota'olec
1Dajo dá'maq la'qaatec ñi qota'olec ỹilenegue quiyim ỹa'xat so Miqueas só'maq na'ñi yi Moreset, chaqai ỹa'deenaxanaxanegue da leuanaxanaxac quedá'maq 'neete' ma'le yaua Samaria chaqai yi Jerusalén, na' ñaqai neesaho quiyim nashil quiyi Judá saua Jotam, Acaz chaqai so Ezequías.
2Qamiá'ogue qamiri qomyipi, ñaq na'xaỹaxañiỹa dajo;
qamiá'ogue qamiri ná'maq ñiitalec najo 'laua, ñaq na'xaỹaxañiichiguiñi:
Ñi qara'gaxala' quiyí'maq neeta'ñi quiñi lalamaxaret lauo',
ñi'maxare ỹa'xat ma'le cá'maq 'neeta quiyim npa'guento qamiri.
3Ñi qara'gaxala' nenoxonec ma'le quiyí'maq neeta'ñi,
ca' nac, nanaquetalec ma'le na lo'lo ana ladocai qaripi.
4Cá'maq ta'ñi da lapia' quiyim co'viiñi, ca' quiguiñi nqai'en ana qa',
'ec nqai'en ana lapa quena' qaillaañigui na norec,
chaqai naua ca'meguelo, ca ropoxoỹa'que nqai'ne',
'ec dá'maq quena' na huaxaỹaq 'ue ca itagoxotauec queda lquesaxanaxa.
5Dá'ogue dajo 'neeta ma'le sauaxat quiyim se na'xaỹaxan na llaalqaipi so Jacob,
sauaxat na lasauaxaset ná'maq nashillipi ỹoiquentac yi Israel.
¿Negue' cá'maq hua'ñi quiyim se na'xaỹaxan na llaalqaipi so Jacob?
¡Hueetaugui na qomyipi quiyi Samaria!
Chaqai ¿negue' ca hua'ñi ca nqouagaxainqa' quena lashiilqaipi na llaalqaipi so Jacob?
¡Chaqaiyi yí'maq Jerusalén hua'ñi!
6Vichiguiño' 'naac ñi qara'gaxala':
Yi na'a' lodegaxat Samaria 'ec nqaishin ma'le ca qa' lahillipi lapoỹañi,
'ec nqaishin ca no'ueenaxa quena' qodanaxanlec cana 'úva.
Seuagaxajlec so ca'megue na lahillipi na 'imec quiyi na'a' lodegaxat,
ca' qaỹauajlec nqaishin ná'maq no'xonaxanaxalateripi.
7Ná'ogue na lashiilqaipi lahiletajlec ma'le,
chaqai qaicopata'a ana loỹo nqouagaxainaxalate.
Ma' na'maxare qaỹachigoxotaugui ana nam dequenqate,
ca lotqai sopilaxachichigui aná'maq qaỹachigoxotaugui.
Noỹenaxac so Miqueas
8Vichiguiño' ñoỹen ma'le paguec da ỹachicoxo,
ca' queda'maxare, ca sqai sañiñi ma'le caua ipelate' chaqai sentauec,
ca' soso'ota'pegue', shintari' ca cotaapla',
chaqai ñoỹen, shintari' ca mañic llaalec ro'uaataxantac.
9Ma' yi lcoñiraxa yi Samaria tot qaica nataren.
Da nouaxanaxaset ỹovira'oga yi Judá
chaqai qai'neeta sham ỹovira'oga yi Jerusalén,
yí'maq na'a' lodegaxat neeta'ñi yí'maq ỹalamaxareteripi.
(1.10-16 So npa'guenaxauaripi noquiiga'a yi Israel.)
Currently Selected:
Miqueas 1: MCV91
Highlight
Share
Copy
Want to have your highlights saved across all your devices? Sign up or sign in
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.