Mateo 1
MCV91

Mateo 1

1
So 'auaxaic leta'allipi so Jesucristo
(Lucas 3.23-38)
1Anajo chaqana aná'maq naneraxalate só'maq 'auaxaic leta'allipi so Jesucristo, só'maq chigoxougui so nashi David chaqai so Abraham.
2So Abraham chaqaiso so leta'a so Isaac, ca' so Isaac llaalec so Jacob, ca' so Jacob llaalec so Judá chaqai so lqaỹaripi. 3Ca' so Judá llaalec so Fares chaqai so Zara, ca' aso late'e' saua'maxare leenaxat Tamar. Ca' so Fares llaalec so Esrom, só'maq leta'a so Aram. 4Ca' so Aram llaalec so Aminadab. Ca' so Aminadab llaalec so Naasón, só'maq leta'a so Salmón. 5Ca' so Salmón chaqai aso Rahab llaalegue' so Booz, chaqai so Booz chaqai aso Rut, ca' llaalegue' so Obed, só'maq leta'a so Isaí. 6Ca' so Isaí llaalec so nashi David. Ca' so David co'na' o'ñiguit aso shi'co' quen loua so Urías, ca saua'maxare llaalegue' so Salomón.
7Ca' so Salomón llaalec so Roboam, só'maq leta'a so Abías. Ca' so Abías llaalec so Asa. 8Ca' so Asa llaalec so Josafat, só'maq leta'a so Joram. Ca' so Joram llaalec so Uzías. 9Ca' so Uzías, ca' llaalec so Jotam. Ca' so Jotam llaalec so Acaz, só'maq leta'a so Ezequías. 10Ca' so Ezequías, ca' llaalec so Manasés. Ca' so Manasés llaalec so Amón, só'maq leta'a so Josías. 11Ca' so Josías, ca' llaalec so Jeconías chaqai saua lqaỹa' quecá'maq vigui na' noxonec so Israel llaalqaipi, ca' qaỹauega yi Babilonia quiyim ncoñiitecseripi.
12Ca co'na' ime dajo, ca' so Jeconías, ca' llaalec so Salatiel, só'maq leta'a so Zorobabel. 13Ca' so Zorobabel, ca' llaalec so Abiud. Ca' so Abiud, ca' llaalec so Eliaquim, só'maq leta'a so Azor. 14Ca' so Azor, ca' llaalec so Sadoc. Ca' so Sadoc, ca' llaalec so Aquim, só'maq leta'a so Eliud. 15Ca' so Eliud, ca' llaalec so Eleazar. Ca' so Eleazar, ca' llaalec so Matán, só'maq leta'a so Jacob. 16Ca' so Jacob, ca' llaalec so José, só'maq loua aso María. Ca aso'maxare late'e so Jesús, só'maq leenaxat nashi nca'laxaqui.
17Ca quiyim ima'ta' sojo neta'allipi, ca' ỹovi' catorce chicqochi'ñi queso Abraham, ca' ỹovita so nashi David. Ca' ỹovi' catorce só'maq liỹa neta'allipi chicqochi'ñi so David, ca' chi ỹovireta'a so na'xa'a na' qaỹaueguegue da Babilonia so llaalqaipi so Israel. Ca lotqai ỹovi' catorce so liỹa neta'allipi, ca' chi ỹovireta'a so na'xa'a na' ne'qaañi so nashi nca'laxaqui.
Da 'neeto' na'le da ne'xaỹoqsoxoc so Jesucristo
(Lucas 2.1-7)
18Da 'neeta da ne'xaỹoqsoxoc so Jesucristo 'neetasa': Aso late'e María co'na' mashic letaxaỹaxaua so José quiyim loua. Chaqai na' saqa' noua', qa' aso'maxare 'man, chicqochigui da lquesaxanaxa so Espíritu Santo. 19So José, só'maq ỹa'maqatañi quiyim loua, ỹaatqajam no'uen ỹale. So'maxare se iuagaxatec ỹa'xat dá'maq 'neetari' aso María. Ta'ta'a quiyim ỹahotaque ỹaxanñi aso'maxare, qam qaica ca liỹa ỹa'den nqai'en quena qom. 20Ca co'na' ra'deenataxantac quecá'maq 'neeta'gue dajo, ca' re'guemacho' so lelaatec ñi qara'gaxala' piguim le'ec. Ca' qohinapego':
—José, ma' qami' chicqoiraugui so nashi David, se ro'chi'i' quiyim coñita añi María quiyim roua'e'. Ma' yí'maq ne'qaañi ma'le llaalec añi'maxare chicqo'ot so Espíritu Santo. 21Ca ma' ne'qaañi yi llaalec, ca ñitegue leenaxat Jesús. Leenaxato' ma'le dajo, ma' nca'laxatec ma'le na lalamaxaret lauo' quena lasauaxaset.
22Ná'ogue najo 'uo' na'le, qaiyi ipaquichigui da la'qaatec ñi qara'gaxala' na' retaqaugui so letaxaỹaxanqajnec, 'naacsa':
23Aca nequetegaxai saqa' 'on, qam 'manaxai ma'le, ca' 'ue ca llaalec.
Qam ca'maxare leenaxato' ma'le Emanuel.
Ca' dajo 'naac: Ñi qota'olec ỹalequetauguilo qomi'.
24Ca co'na' so José nelouec, ca ỹo'uet 'ne'tegue dá'maq 'naaco' na'le ca lelaatec ñi qara'gaxala' piguim le'ec. Ca icona aso María quiyim loua. 25Qam se naqajta' quiyim 'neetasa'lo caua noua'. Ta'to'o' na' ime co'o, ca ỹanegue leenaxat Jesús nqai'en so llaalec.

Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.


Learn More About La'qaatqa ñi qota'olec Qota'olec & Qota'olec Novita Na Qomyipi

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.